15 ліпеня

15 лі́пеня — 197-ы дзень году (196-ы ў невысакосным годзе) паводле Грыгарыянскага календару. Да канца году застаецца 170 дзён.

Падзеі

Карціна бітвы пад Грунвальдам з Бэрнэрскай хроніцы Шылінга Салятурна

64 — вялікі пажар у Рыме

1240 — Перамога наўгародцаў і ладажанаў пад кіраўніцтвам князя Аляксандра Яраславіча над швэдамі, якія намагаліся захапіць Ноўгарад

1410 — аб’яднанае войска Вялікага Княства Літоўскага і Польшчы атрымала перамогу над крыжакамі Тэўтонскага ордэну ў бітве пад Грунвальдам

1646 — каранацыя Людвікі Марыі Ганзагі, жонкі караля і вялікага князя Ўладзіслава Вазы, а потым Яна Казімера

1741 — на Алясцы высадзіліся першыя эўрапейцы

1799 — францускі капітан знайшоў у Эгіпце Разэцкі камень

1815 — Напалеон здаўся ў палон капітану брытанскага карабля «HMS Bellerophon»

1823 — у Рыме ўшчэнт згарэла даўняя базыліка Сьвятога Паўла

1916 — заснаваная кампанія Боінг

Нараджэньні

• 1606 — Рэмбрант, галяндзкі мастак
• 1876 — Алаіза Пашкевіч (Цётка), беларуская паэтка
• 1753 — Якуб Дадэрка, рымска-каталіцкі дзяяч, біскуп
• 1754 — Пётар Бялінскі, прэзыдэнт соймавага суду Царства Польскага, пісар вялікі каронны ад 1787, сэнатар-ваявода
• 1893 — Уладзімеж Антаневіч, польскі археоляг
• 1900 — Уладзімер Дубоўка, беларускі паэт
• 1913 — Абрагам Суцкевэр, габрэйскі і польскі паэт і пісьменьнік
• 1930 — Жак Дэрыда, францускі філёзаф
• 1946 — Хасанал Болкіях, дзейны султан Брунэю
• 1948 — Васіль Равяка, сябра Савету Рэспублікі 4 скліканьня, Герой Беларусі
• 1952 — Тэры О'Кўін, амэрыканскі актор, вядомы як Джон Лок ў сэрыяле «Згубленыя», а таксама Пітэр Ўотс у сэрыяле «Тысячагодзьдзе»
• 1953 — Марцін Відавіч, рымска-каталіцкі дзяяч
• 1956 — Ян Кёрціс, вакаліст і аўтар тэкстаў гурта Joy Division
• 1988 — Павал Няхайчык, беларускі футбаліст

Сьмерці

• 1410 — Ульрых фон Юнгінгэн, 26-ы вялікі магістар Тэўтонскага ордэна
• 1885 — Расалія дэ Кастра, гішпанская пісьменьніца і паэтка
• 1904 — Антон Чэхаў, расейскі пісьменьнік, драматург, лекар
• 1981 — Цімафей Кавалёў, савецкі грамадзянскі і вайсковы лётчык, маёр. Герой Савецкага Саюзу (1945)
• 1986 — Казімер Гечыс, летувіскі і польскі каталіцкі сьвятар, гісторык, доктар тэалягічных і філязофскіх навук
• 2009 — Натальля Эстэмірава, расейская праваабаронца, журналіст, супрацоўніца Праваабарончага цэнтру «Мэмарыял» у Грозным

Сьвяты

• Сьвята Грунвальду (Свята перамогі пад Дуброўнай)