Вістычы

Вістычы
Колішні касьцёл цыстэрцыянаў
Вобласьць:	Берасьцейская
Раён:	Берасьцейскі
Сельсавет:	Чарнаўчыцкі
Тэлефонны код:	+375 162
Аўтамабільны код:	1
Геаграфічныя каардынаты:	52°12′16″ пн. ш. 23°40′55″ у. д.
Вістычы на мапе Беларусі Вістычы
Галерэя здымкаў у Wikimedia Commons

Вістычы — вёска ў Берасьцейскім раёне Берасьцейскай вобласьці. Вістычы ўваходзяць у склад Чарнаўчыцкага сельсавету.

У Вістычах месьцілася сядзіба роду Ягмінаў (створана ў XVIII ст.), якая ўключала сядзібны дом, капліцу-пахавальню і парк. Сядзіба была зьнішчана пасьля 1939.

У 1678 годзе з фундацыі Тышкевічаў у Вістычах паўстаў кляштар і касьцёл цыстэрцыянаў. Кляштар быў зачынены расейскімі ўладамі ў 1832, а ў 1866 касьцёл быў перададзены праваслаўным. Царква была названа ў гонар Узвышэньня Сьвятога Крыжа і пераабсталявана ў адпаведнасьці з патрэбамі бізантыйскай традыцыі (створаны іканастас). Храм дзейнічае, зьяўляецца помнікам архітэктуры рэспубліканскага значэньня.

Кляштарныя пабудовы да нашых дзён не захаваліся. Засталася толькі частка старажытнага кляштарнага мура з нішамі.

Недалёка ад храму, на скрыжаваньні дарог, захавалася таксама калёна, на якой некалі знаходзілася статуя Маці Божай. Сёньня на ёй аднак няма статуі, але чыноўнікамі ад культуры зьмешчана мэмарыяльная табліца з выявай Маці Божай і даволі недарэчным надпісам з памылкай: “Калона Божай Маці. Узведзена ў XVIII стагоддзі. Сімвал гонару і Магутнасці заможных уласнікаў гэтых мясцін. Мае гістарычнаю, архітэктурную і мастацкую вартасць. Ахоўваецца дзяржавай”.

Паводле інфармацыі каталіцкага манаха бр. Яна Фібэка OFMCap, у кляштары цыстэрцыянаў існаваў таксама цудатворны абраз Маці Божай Вістыцкай, які сёньня знаходзіцца ў Польшчы.

Вонкавыя спасылкі

Вістычы — сховішча мультымэдыйных матэрыялаў

• Здымкі на Radzima.org
• Die Cistercienser in Lithauen // Cistercienser Chronic Nro 12. 1 Februar 1890. 2 Jahrg. P. 17-18
• Mittheilungen über das Kloster Wistycze // Cistercienser Chronik Nro 22. 1 December 1890. 2 Jahrg. P. 177-181.