Сукупны ўнутраны прадукт

Сукупны ўнутраны прадукт (СУП, ВУП) — валавы ўнутраны прадукт, абагульняючы эканамічны статыстычны паказчык; паказвае сукупны кошт усіх тавараў і паслугаў, створаных у межах краіны як рэзыдэнтамі, так і нерэзыдэнтамі. Зьяўляецца адным з базавых паказчыкаў эканамічнага разьвіцьця краіны.

Разьлічваецца трыма мэтадамі: па даходах, па выдатках, і мэтадам даданага кошту. Прымяняецца ў Сыстэме нацыянальных контаў (СНК). На коньце «Вытворчасьць» СНК СУП вылічваецца як розьніцца між аб'ёмамі сукупнага выпуску і прамежнага спажываньня, на коньце «Стварэньне даходаў» — як сума аплочваньня працы наёмных работнікаў, чыстых падаткаў на вытворчасьць і сукупнага прыбытку ў эканоміцы, а ў коньце «Выкарыстаньне даходаў» — як сума выдаткаў на канчатковае спажываньне і ашчаджэньні.

СУП адрозьніваецца ад паказчыка чыстага ўнутранага прадукту на велічыню спажываньня асноўнага капіталу. СУП разьлічваецца ў фактычных асноўных і рынкавых цэнах (намінальны СУП). Для вывучэньня дынамікі СУП прымяняюцца сталыя цэны. Рэальны СУП разьлічваецца мэтадам дэфлятаваньня.

СУП на душу насельніцтва вылічваецца дзяленьнем СУП на колькасьць жыхароў краіны. Для большае якасьці параўнаньня ён часта падаецца з папраўкай на розьніцу цэнаў у розных краінах.

СУП паказвае толькі грашовы эквівалент усяе створанае прадукцыі, а ня якасьць прадукцыі, таму ня можа прымяняцца для параўнаньня дабрабыту і якасьці жыцьця. Для гэтага існуюць іншыя паказчыкі, як Індэкс чалавечага разьвіцьця.

Унізе паказаныя краіны з найбольшымі СУП у мільярдах даляраў ЗША:

Мейсца	Краіна	1980	1990	2000	2003	2009
1.	ЗША	2.795,600	5.803,300	9.824,700	10.857,200	14.256,275
2.	Японія	1.072,900	3.052,200	4.766,100	4.290,700	5.068,059
3.	Нямеччына	826,100	1.547,000	1.875,200	2.386,200	3.352,742
4.	Вялікабрытанія	536,700	994,600	1.440,900	1.775,000	2.183,607
5.	Францыя	682,400	1.219,800	1.313,300	1.731,600	2.675,951
6.	Італія	454,600	1.104,500	1.077,600	1.455,400
7.	Кітай	301,500	387,800	1.080,800	1.372,000
8.	Канада	268,900	582,700	724,200	850,500
9.	Гішпанія	221,800	511,500	562,800	827,100
10.	Мэксыка	202,000	262,700	581,400	611,600
11.	Індыя	175,500	313,100	460,800	556,100
12.	Паўднёвая Карэя	62,200	252,600	461,500	520,900
13.	Нідэрлянды	178,400	295,500	371,600	509,300
14.	Аўстралія	156,700	307,900	378,700	508,200
15.	Бразылія	148,900	465,000	599,800	507,000
16.	Расея	42,000	85,600	259,700	428,800
17.	Швайцарыя	107,600	229,500	240,400	314,000
18.	Бэльгія	121,700	197,800	228,700	300,800
19.	Швэцыя	128,900	238,300	239,800	297,500
20.	Тайвань	41,400	160,400	309,600	288,800
21.	Аўстрыя	80,200	162,100	191,200	251,000

СУП Беларусі

На сярэдзіну 2004 году СУП Беларусі склаў 16,4 трлн беларускіх рублёў. Па прагнозе МВФ, рост СУП у 2004 годзе ў параўнаньні з 2003 годам сладзе 6,4%. Рост СУП за 2003 год склаў 6,8%, за 2002 год — 4,7%.

Вонкавыя спасылкі

• Economic & Social Data Ranking
• Сьпіс краінаў па СУП на душу насельніцтва
• Ранжаваньне краінаў сьвету па СУП на душу насельніцтва