Зашрубка

Зашрубкі з крыжовым і прамым джалам

Джалы крыжовай і прамой зашрубкі

Зашрубка — прылада, прызначаная для адшрубоўваньня і закручваньня шрубаў і іншых дэталяў з разьбярствам, на галоўцы якіх маецца шліц (паза). Найпросьцейшая зашрубка ўяўляе сабой звычайна стрыжань зь лязом (джалам), якое пры працы ўстаўляюць у шліц, іншы канец стрыжня забясьпечаны драўлянай або плястмасавай дзяржальняй.

Больш складаным варыянтам зашрубкі зьяўляецца зашрубка з храпавым мэханізмам, дзякуючы якому стрыжань зь лязом вольна пракручваецца ў дзяржальні ў адным напрамку. Такая канструкцыя дазваляе працаваць зашрубкай, не адрываючы рукі ад дзяржальні і не вымаючы лязо зашрубкі з шліца дэталі. У залежнасьці ад выконваемых функцыяў (адшрубоўваньня або закручваньня) патрабуецца зьмяніць напрамак пракручваньня стрыжня і храпавы механізм забясьпечваецца для гэтага рычажком-перамыкальнікам.

У залежнасьці ад тыпу шліца на галоўцы дэталі выкарыстоўваюцца зашрубкі з рознымі тыпамі лёзаў.

Зашрубкі
	Плоскія
	Філіпс
	Пазідрыў
	Зоркападобныя
	Шасцігранныя
	Квадратныя
	Трохкрылыя
	Спанэр

Выпускаюцца таксама ўнівэрсальныя зашрубкі, якія ўяўляюць сабою дзяржальню (з храпавым мэханізмам або безь яго), да якой магчыма далучыць (з дапамогай цанткавага заціску, магнітнай шасьціграннай пазы або іншым спосабам) цэлы набор джалаў пад розныя тыпы і памеры шліцаў.

Ужываюць і мэханічныя зашрубкі, устаўляемыя ў патрон корбы. Альбо спэцыялізаваныя акумулятарныя электразашрубкі.

Вонкавыя спасылкі

Зашрубка — сховішча мультымэдыйных матэрыялаў