Дзева (сузор’е)

Дзева (па-лацінску: Virgo) — экватарыяльнае задыякальнае сузор’е, якое ляжыць паміж Львом і Вагамі. У сузор’і Дзевы ў сучасную эпоху разьмешчаная кропка восеньскага раўнадзенства.

Самая яркая зорка — Сьпіка (α Дзевы), што на лацінскай значыць «колас», — масіўная Спэктральная падвойная 0,98 зорнай велічыні. Зорка Парыма (γ Дзевы), што значыць «багіня прароцтва», — адна з найбліжэйшых да нас падвойных зорак (адлегласьць 32 сьв. гады) зь вельмі выцягнутай арбітаю і пэрыядаM171 год. Бляск кожнага зь яе кампанэнтаў 3,45 зорнай велічыні, а разам — 2,7; максымальная адлегласьць паміж імі ў 1929 складала каля 6″ , але да 2007 яна зьменшылася да 0,5″ і зорка стала бачная як адзіночная.

На адлегласьці каля 59 млн сьветлавых гадоў знаходзіцца навала галяктык Дзевы, якое зьмяшчае ня менш за 1500 членаў, сярод якіх Эліптычныя галяктыкі M49, M59, M60, M84, M86, M87 (крыніца радыёвыпрамяненьня) і M89; спіральныя галяктыкі: перасячэная M58, яркая M90, павярнутая да нас рабром M85 і вялікая, разгорнутая плашмя M61. Амаль з рэбры бачная Галяктыка Самбрэра (M104), названая так з-за магутнай цёмнай пылавай лініі, якая праходзіць уздоўж экватарыяльнай плоскасьці. У сузор’і Дзевы разьмешчаны найярчэйшы квазар 3C 273 (12-я бачная зорная велічыня), найбольш далёкі аб’ект, даступны аматарскаму тэлескопу (чырвонае зрушэньне z = 0,158; адлегласьць 3 млрд сьв. гадоў).

Вонкавыя спасылкі

Дзева (сузор’е) — сховішча мультымэдыйных матэрыялаў