Гвінэйскі франк

Гвінэйскі франк
Краіна	Гвінэя
Код ISO-4217	GNF
Сымбаль	FG
Цэнтральны банк	Central Bank of the Republic of Guinea[d]
Увядзеньне ва ўжытак	1959
Папярэдняя валюта	Guinean syli[d]
Абменны курс: (1 студзеня 2008 (Даляр ЗША))	4 281,1
Галерэя выяваў у Вікісховішчы

Гвінэ́йскі франк (па-француску: franc guinéen, код ISO 4217: GNF) – афіцыйная валюта Гвінэі.

Першы гвінэйскі франк

Першы гвінэйскі франк быў уведзены ў 1959 годзе каб замяніць франк КФА. Былі ўведзены манэты вартасьцю 1, 5, 10 і 25 франкаў (вырабленыя з алюмінію і бронзы) і банкноты (датаваныя 1958 годам) вартасьцю 50, 100, 500, 1000, 5000 і 10 000 франкаў. Другая сэрыя банкнотаў была ўведзена ў 1960 годзе без банкноты 10 000 франкаў. Гэта другая сэрыя мела тыя ж малюнкі, але іншыя колеры і дызайн адваротнага боку. Манэты новай сэрыі былі выраблены з мэльхіёру.

У 1971 годзе франк быў заменены на сайлі па курсе 1 сайлі = 10 франкаў.

Другі гвінэйскі франк

Гвінэйскі франк вярнуўся ў якасьці гвінэйскай валюты ў 1985 годзе, замяніўшы сайлі. Былі выпушчаны манэты вартасьцю 1, 5 і 10 франкаў, 25 франкаў (у 1987 годзе) і 50 франкаў (у 1994 годзе). Банкноты былі выпушчаны вартасьцю 25, 50, 100, 500, 1000 і 5 000 франкаў.

Другая сэрыя была ўведзена ў абарачэньне ў 1998 годзе, былі заменены банкноты 25 і 50 франкаў на манэты. У 2006 годзе была ўведзена трэцяя сэрыя банкнотаў вартасьцю 500, 1000 і 5 000 франкаў. 11 чэрвеня 2007 года была ўведзена банкнота 10 000 франкаў.