Аўгсбург (футбольны клюб)

Аўгсбург
Поўная назва	FC Augsburg 1907
Заснаваны	8 жніўня 1907
Горад	Аўгсбург, Нямеччына
Стадыён	Імпульс Арэна Умяшчальнасьць: 30 660
Кіраўнік	Кляўс Гофман[d]
Галоўны трэнэр	Ёс Люўкай
Чэмпіянат	Бундэсьліга
· 2010—2011	Бундэсьліга 2, 2 месца
Галерэя здымкаў у Вікісховішчы Афіцыйны сайт

Аўгсбург (па-нямецку: FC Augsburg) — нямецкі футбольны клюб з гораду Аўгсбург зь зямлі Баварыя. Заснаваны ў 1907 годзе. За ўсю сваю гісторыю клюб не дасягаў значных посьпехаў.

Гісторыя

Клюб быў заснаваны ў 1907 годзе пад назвай Fußball-Klub Alemania Augsburg, у 1921—1969 гадох называўся BC Augsburg. Да Другой сусьветнай вайны вышэйшым дасягненьнем «Аўгсбурга» было другое месца ў Гаўлізе Баварыі ў 1940 годзе. Пасьля вайны ён рэгулярна гуляў ў Обэрлізе Поўдзень, часам вылятаючы ў ніжэйшую лігу.

Пасьля ўтварэньня Бундэсьлігі «Аўгсбург» застаўся за ейным бортам, выступаючы ў ніжэйшых лігах, толькі ў сезоне 1973—74 ён быў блізкі да посьпеху, калі для выхаду ў Бундэсьлізе яму не хапіла аднаго пункту. Ува ўмовах фінансавага краху, «Аўгсбург» аб'яднаўся з футбольнай камандай грамадзтва TSV Schwaben Augsburg у ліпені 1969 году, аднак Schwaben засталіся незадаволенымі вынікам аб'яднаньня й узнавілі ўласную футбольную каманду ў 1970 годзе.

Першы раз у Другой Бундэсьлізе клюб выступаў у сэзоне 1982—83, пасьля чаго да 2006 году гуляў у ніжэйшых лігах Нямеччыны. У сэзоне 2006—07 клюб ізноў стаў гуляць у Другой Бундэсьлізе, заняўшы 7 месца. У сезоне 2009—10 «Аўгсбург» заняў трэцяе месца ў Другой Бундэсьлізе й атрымаў права пазмагацца за выхад у Першую Бундэслігу ў стыкавых матчах зь іншым баварскім клюбам — «Нюрнбэргам», але прайграў у абодвух матчах — 0:1 у гасьцёх і 0:2 дома. Нягледзячы на ​​гэта сэзон стаў лепшым у гісторыі клуба.

У наступным сэзоне 2010—2011 клюб палепшыў свой вынік, заняўшы 2 месца ў Другой Бундэсьлізе, упершыню ў сваёй гісторыі зарабіў права выступаць у Бундэсьлізе 1.

Склад

Па стане на 1 жніўня 2011 году

№ Пазыцыя Імя Год нараджэньня 1 Бр Сыман Ентцш 1976 2 Аб Паўль Вэргаг (капітан) 1983 3 Аб Джабрыль Санко 1983 4 Аб Дамінік Райнгард 1984 5 ПА Ян Маравэк (у арэндзе з «Шальке-04») 1989 6 Аб Ёнас дэ Рук 1979 7 ПА Хадзімэ Хасігай (у арэндзе з «Баеру») 1986 8 ПА Аксэль Бэлінгаўзэн 1983 9 Нап Торстэн Ёрль 1986 10 ПА Даніель Баер 1984 11 Нап Нанда Рафаэл 1984 13 ПА Тобыяш Вэрнэр 1985 14 ПА Ку Джа-Чхоль (у арэндзе з «Вольфсбургу») 1989 15 Аб Сэбастыян Лянгкамп 1988 17 Аб Марсэль дэ Ёнг 1986

№ Пазыцыя Імя Год нараджэньня 18 Аб Ян-Інгвэр Кальсэн-Бракер 1984 19 Аб Матыяс Аштрцолек 1990 20 ПА Марсэль Нджэн 1982 22 Нап Эдманд Капляні 1982 23 ПА Эндру Сынкала 1979 24 ПА Даніель Брынкман 1986 25 ПА Даўда Ба 1983 26 ПА Лярэнца Давідс 1986 28 ПА Акакі Гогія (у арэндзе з «Вольфсбургу») 1992 29 ПА Морыц Нэбэль 30 Бр Магамэд Амсыф 1989 31 ПА Марка Тыдэ 33 Нап Саша Мёльдэрс 1985 36 Нап Штэфан Гайн 1988 37 Бр Яніс Гёліёс

Вонкавыя спасылкі

• Афіцыйны сайт