Памяць з адвольным доступам

Прыклад энэргазалежнае памяці з адвольным доступам: SDRAM — звычайна выкарыстоўваецца ў якасьці асноўнае памяці ў пэрсанальных кампутарах і сэрвэрах.

Памяць з адвольным доступам, апэратыўная памяць (па-ангельску: Random-access memory, RAM) — адзін зь відаў кампутарнае памяці. На сёняшні дзень уяўляе сабой набор інтэгральных схемаў, якія дазваляюць доступ на запіс і чытаньне да любой (адвольнай) ячэйкі захаванае інфармацыі. Слова адвольны ў гэтым выпадку падкрэсьлівае тое, што пэўная адзінка інфармацыі можа быць атрымана за пэўны прамежак часу незалежна ад яе фізычнага месцазнаходжаньня й залежнасьці ад папярэдняе адзінкі інфармацыі.

Абрывіятура RAM звычайна асацыюецца з энэргазалежнай памяцьцю (якой зьяўляюцца модулі памяці кшталту DRAM), якая губляе ўсю зьмешчаную ў сябе інфармацыю пасьля губленьня электрычнае напругі.