Інтэрнацыянале Мілян

«Інтэрнацыянале» Мілян
Поўная назва	Football Club Internazionale Milano SpA
Заснаваны	9 сакавіка 1908
Горад	Мілян, Італія
Стадыён	Стадыё Джузэпэ Мэацца Умяшчальнасьць: 80 017
Прэзыдэнт	Масіма Марацьці
Кіраўнік	Suning Holdings Group[d]
Галоўны трэнэр	Андрэа Страмачыоні
Чэмпіянат	Сэрыя A
· 2010—2011	2 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

Інтэрнацыянале (па-італьянску: Internazionale), таксама вядомы як Інтэр — італьянскі футбольны клюб з гораду Мілян. Клюб васямнаццаць разоў выйграваў у Чэмпіянаце Італіі, сяміразовы ўладальнік Кубка Італіі. Трохразовы ўладальнік Кубка эўрапейскіх чэмпіёнаў.

2005—

15 чэрвеня 2005 г. Інтэр выйграў Кубак Італіі, перамогшы ў фінале па суме двух матчаў «Рому» (1:0 у Міляне і 2:0 у Рыме), а затым, 20 жніўня, перамог у Суперкубку Італіі «Ювэнтус» (1:0 ). 11 чэрвеня 2006 года «Інтэр» выйграў другі запар Кубак Італіі, зноў перамогшы ў фінале «Рому» (1:1 і 4:1).

У сэзоне 2005/06 у выніку кальчаполі «Інтэр» стаў чэмпіёнам. Першапачаткова чэмпіёнам стаў «Ювэнтус», але ў сувязі з судзейскім скандалам ён быў пераведзены ў Серыю Б, а з «Ляцыё», «Фіярэнціны», «Рэджины» і «Міляна» былі зmняты ачкі. У сэзоне 2006/07 Інтэр захаваў у сябе скудэтта. Гэты сэзон Інтэр пачаў з 17-ці перамог запар, пачаўшы гэтую серыю хатняй перамогай над «Ліворна» і перапыніўшы нічыёй 1:1 у хатнім матчы з «Удынэзэ». 22 красавіка 2007 г. «Інтэр» стаў чэмпіёнам пасьля перамогі 2:1 над "Сіене".

У сэзоне 2007/08 на стадыі 1/8 фіналу Лігі Чэмпіёнаў Інтэр саступіў Лівэрпулю па суме двух матчаў (0:1; 0:2). Пасьля гэтага паражэньня будучыня Манчыні ў клюбе была пастаўлена пад пытаньне. З 2008 года трэнэрам «Інтэра» стаў Жазэ Маўрынью. У першым сэзоне пад кіраваньнем Маўрынью «Інтэр» выйграў Суперкубак і чацьвёрты скудэтта запар, аднак у Лізе чэмпіёнаў пацярпеў паразу ад «Манчэстэр Юнайтэд» ў 1/8 фіналу па суме двух матчаў (0:0; 0:2).

У сэзоне 2009/10 Інтэр ў 18-ы раз у сваёй гісторыі і пяты раз запар, стаў чэмпіёнам Італіі. Яго бліжэйшы сапернік па турнірнай табліцы - «Рома», адстала на 2 ачка. У гэтым сэзоне Інтэр, упершыню з 1972 года выйшаў у фінал Лігі чэмпіёнаў, па шляху абыграўшы ў 1/8 фіналу «Чэлсі» з агульным лікам 3:1 (2:1, 1:0); ў 1/4 фіналу «ЦСКА» з агульным лікам 2:0 (1:0, 1:0) і ў паўфінале «Барсэлёнe» 3:1 і 0:1. У фінале каманда Жазэ Маўрынью абыграла «Баварыю» зь лікам 2:0 за кошт дубля Дыега Міліта і выйграла свой трэці Кубак чэмпіёнаў. 10 чэрвеня 2010 г «Інтэр» абвясьціў аб падпісаньні кантракту з іспанскім трэнэрам Рафаэлем Беніцесам, але сьнежань 23 таго ж года быў адпраўлены ў адстаўку, за дрэнныя вынікі.

24 сьнежня 2010 галоўным трэнерам «Інтэра» быў прызначаны 41-гадовы спецыяліст Леанарда. 17 чэрвеня 2011 г. пакінуў пасаду трэнера «Інтэра» і стаў спартовым дырэктарам французскага «ПСЖ». 24 чэрвеня 2011 Джан П'еро Гаспэрыні узначаліў «Інтэр». 21 верасьня 2011 года ён быў зьвольнены за нездавальняючыя вынікі каманды. Пры ім «Інтэр» згуляў 5 матчаў, 4 з якіх завяршыліся паразай.

Фан-клюб

Заўзятары «Інтэра» ў 2007 годзе

Футбольны клюб «Інтэр», у адпаведнасьці з апошнім апытаньнем, праведзеным Demos & Pi і апублікаваным ў верасьні 2011, займае другое месца з вынікам 18,6%.

У Эўропе «Інтэр» займае восьмае месца сярод каманд з найбольшай колькасьцю прыхільнікаў, і налічае 17,5 млн заўзятараў. Гэта паказалі даследаваньні, апублікаваныя ў нямецкім Sport + Markt у верасьні 2010.

Гістарычна, пабрацімам фанатаў «Інтэр» зьяўляюцца фанаты «Валенсіі» і «Лацыё». Безумоўна, сувязь паміж «Лацыё» і «Інтэрам» зьяўляецца адной з самых дужых і важных сувязяў у Італіі. Сяброўства ўзмацнела ў 1997-1998 падчас фіналу кубка ЎЕФА у Парыжы, а таксама 5 траўня 2002 і 2 траўня 2010 калі заўзятары «Лацыё» падтрымлівалі «Інтэр», каб яны выйгралі агульнага суперніка — «Рому».

Самае гарачае суперніцтва з заўзятарамі «Ювэнтуса», які з шасцідзесятых гадоў дае жыцьцё «Дэрбі Італіі». А таксама з «Мілянам», так званы «Мілянскае дэрбі». Менавіта ў гэтых двух матчах назіраецца самая вялікая наведвальнасьць. Яшчэ ёсьць моцнае суперніцтва з «Напали», «Аталантай», «Ромай».

Стадыён

Сэктар заўзятараў «Інтэрнацыянале».

Стадыён, на якім каманда «Інтэр» гуляе свае матчы завецца Джузэпэ Мэацца ёмістасьцю 85 700 месцаў. Гэта муніцыпальны стадыён, бо на ім гуляе яшчэ адна каманда — «Мілян».

Традыцыйна, заўзятары «Міляна» садзяцца на паўднёвы сектар (Curva Sud),а заўзятары «Інтэрнацыянале» садзяцца на паўночны сектар (Curva Sud).

Будаўніцтва стадыёна было пачата ў сьнежні 1925 года. Урачыстае адкрыцьцё адбылося 19 верасьня 1926, калі «Інтэр» перамог «Мілян» зь лікам 6:3. Першапачаткова стадыён быў названы «Сан Сіра» — назва раёна, у якім ён быў пабудаваны. У 1981 годзе будынак был назван ў гонар знакамітага гульца «Інтэра» — Джузэпэ Мэацца. Нягледзячы на гэта, любіцелі футбола часта выкарыстаюць простую і арыгінальнаю назву стадыёна.

Па клясыфікацыі ЎЕФА Сан-Сіра зьяўляецца адным з 26 стадыёнаў рэйтынгу ў 5 зорак (найвышэйшы кляс).

• Ёмістасьць: 80 017 месцаў
• Даўжыня поля: 105 м.
• Шырыня поля: 68 м.
• Адрас стадыёна: Via Piccolomini, 5 20151 Milano.

Склад каманды

Па стане на 11 сакавіка 2012 году

№ Пазыцыя Імя Год нараджэньня 1 Бр Жулію Сэзар 1979 2 Аб Іван Кордаба (віцэ-капітан) 1976 4 Аб Хавіер Санэцьці (капітан) 1973 5 ПА Дэян Станкавіч 1978 6 Аб Лусію 1978 7 Нап Джампаолё Паццыні 1984 9 Нап Дыега Фарлян 1979 10 ПА Вэсьлі Снэйдэр 1984 11 ПА Рыкарда Альварэс 1988 12 Бр Люка Кастэляццы 1975 13 Аб Майкан 1981 14 ПА Фрэдзі Гуарын (у арэндзе з «Порту») 1986

№ Пазыцыя Імя Год нараджэньня 17 ПА Анджэлё Палёмба (у арэндзе з «Сампдорыі») 1981 18 Нап Андрэа Полі (у арэндзе з «Сампдорыі») 1989 19 ПА Эстэбан Камбіяса 1980 20 ПА Джоэл Обі 1991 21 Бр Паолё Арляндоні 1972 22 Нап Дыега Міліта 1979 23 Аб Андрэа Ранока 1988 25 Аб Вальтэр Самуэль 1978 26 Аб Крыстыян Ківу 1980 28 ПА Маўра Саратэ (у арэндзе зь «Ляцыё») 1987 30 Нап Люк Кастаньёс 1992 55 Аб Юта Нагатома 1986

Дасягненьні

• Чэмпіён Італіі (18): 1909—10, 1919—20, 1929—30, 1937—38, 1939—40, 1952—53, 1953—54, 1962—63, 1964—65, 1965—66, 1970—71, 1979—80, 1988—89, 2005—06, 2006—07, 2007—08, 2008—09, 2009—10
• Віцэ-чэмпіён (13): 1932—33, 1933—34, 1934—35, 1940—41, 1948—49, 1950—51, 1961—62, 1963—64, 1966—67, 1969—70, 1992—93, 2002—03, 2010—11
• Кубак Італіі (7): 1938—39, 1977—78, 1981—82, 2004—05, 2005—06, 2009—10, 2010—11
• Фіналіст (6): 1958—59, 1964—65, 1976—77, 1999—00, 2006—07, 2007—08
• Супэркубак Італіі (5): 1989, 2005, 2006, 2008, 2010
• Фіналіст (3): 2000, 2007, 2009
• Кубак эўрапейскіх чэмпіёнаў (3): 1963—64, 1964—65, 2009—10
• Фіналіст (2): 1966—67, 1971—72
• Кубак УЭФА (3): 1990—91, 1993—94, 1997—98
• Фіналіст: 1996—97

Вонкавыя спасылкі

Інтэрнацыянале Мілян — сховішча мультымэдыйных матэрыялаў

• Афіцыйная старонка (італ.) (анг.)