Дыялект

Дыялект (па-грэцку: διάλεκτος — «прыслоўе» ад грэц. διαλέγομαι — «гаварыць, тлумачыцца»)— разнавіднасьць мовы, якая ўжываецца як сродак зносін паміж людзьмі, зьвязанымі паміж сабой адной тэрыторыяй.

Дыялект зьяўляецца паўнавартаснай сыстэмай маўленчых зносінаў (вуснай ці знакавай, але не абавязкова пісьмовай) са сваімі ўласным слоўнікам і граматыкай.

Традыцыйна пад дыялектамі разумеліся перш за ўсё сельскія тэрытарыяльныя дыялекты. У апошні час зьявілася нямала працаў і аб гарадзкіх дыялектах; у прыватнасьці, да іх адносяць гаворку негрыцянскага гарадзкога насельніцтва ЗША, чыя ангельская мова істотна адрозьніваецца ад іншых разнавіднасьцяў амэрыканскай ангельскай.