Вуць

Рака

Вуць
Агульныя зьвесткі
Выток	каля в. Лук'янаўка
Вусьце	Сож
Краіны басэйну	Беларусь
Вобласьці	Гомельская вобласьць
Даўжыня	75 км
Сярэднегадавы сьцёк	1,5 м³/с
Плошча басэйну	433 км²
Нахіл воднай паверхні	0,6 ‰
Галерэя здымкаў у Вікісховішчы

Вуць, Уць — рака ў Добрускім і Гомельскім раёнах Беларусі, левы прыток Сажа (басэйн Дняпра). Даўжыня 75 км. Плошча вадазбору 433 км². Сярэднярочны расход вады ў вусьці 1,5 м³/с. Сярэдні нахіл воднай паверхні 0,6 ‰.

Асноўныя прытокі

• Леваруч: ручай Радзьвін
• Праваруч: рака бяз назвы каля вёскі Івакі.

На рацэ

• Мястэчка: Церахоўка.

Агульныя зьвесткі

Пачынаецца за 1,7 км на паўночны захад ад вёскі Лук’янаўка Добрускага раёну, вусьце каля вёскі Цярэшкавічы Гомельскага раёну. Цячэ па Гомельскім Палесьсі.

Даліна трапэцападобная, шырынёй 300—600 м, у вытоку 150 м. Абалона двухбаковая, месцамі перарывістая, шырынёй 200—300 м; у разводзьдзе затапляецца на глыбіню 0,4—0,8 м тэрмінам да 2 тыдняў. Ад вытоку рэчышча каналізаванае на 2 км, у сярэдняй плыні на 17,2 км. Шырыня ракі ў межань 10—18 м. Берагі да вёскі Вуць нізкія, забалочаныя, ніжэй пераважна стромкія і абрывістыя. Найвышэйшы ўзровень разводзьдзя ў канцы сакавіка, сярэдняя вышыня над межанным узроўнем 2,4 м. Замярзае ў канцы сьнежня, крыгалом у пачатку 2-й дэкады сакавіка.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1