Акмянскі раён

Акмянскі раён
Akmenės rajono savivaldybė
Герб
Агульныя зьвесткі
Краіна	Летува
Статус	раён
Уваходзіць у	Шавельскі павет
Адміністрацыйны цэнтар	Новыя Акмяны
Улучае	6 старостваў
Найбуйнейшыя гарады	Новыя Акмяны, Вянта, Акмяны
Дата ўтварэньня	20 чэрвеня 1950 года
мэр	Аніцэтас Лупейка
Насельніцтва (2007)	28 196 (43-е месца)
Шчыльнасьць	33,4 чал./км²
Плошча	844 км² (43-е месца)
Месцазнаходжаньне Акмянскага раёна
Мэдыя-зьвесткі
Часавы пас	UTC+2
Код ISO 3166-2	LT-01
Тэлефонны код	+425
Паштовыя індэксы	85001
Інтэрнэт-дамэн	http://www.akmene.lt
Афіцыйны сайт
Дадатковыя мультымэдыйныя матэрыялы

Акмянскі раён (па-летувіску: Akmenės rajono savivaldybė) — раён Летувы ў паўночнай частцы краіны. Раён знаходзіцца ў Шавельскім павеце, адносіцца да этнаграфічнага рэгіёна Жамойць.

Раён мяжуе з Латвіяй на поўначы, Янішкаўскім раёнам на ўсходзе, Шавельскім раёнам на паўднёвым усходзе, Цельшыцкім раёнам на паўднёвым захадзе, Мажэйкаўскім раёнам на захадзе. Агульная плошча раёна — 845 км², зь якіх 31,6% займаюць лясы, 6,5% — тарфянікі. Праз раён цячэ рака Вэнта. У раёне атрымала разьвіцьцё вытворчасьць цэмэнта.

Насельніцтва налічвае 28 196 зь якіх 47,19% мужчыны, 52,81% — жанчыны.

Дзякуючы радовішчам вапняку і гліны ў 1947 годзе пачалося будаўніцтва буйнога прадпрыемства па вытворчасьці цэмэнту. Каля прадпрыемства ўзьнікла паселішча Новыя Акмяны. Раён быў утвораны 20 чэрвеня 1950 года з частак Куршэнскага і Мажэйкаўскага раёнаў, у якім, першапачаткова, цэнтрам былі Акмяны. З 1962 года адміністрацыйны цэнтар раёна быў перанесены ў Новыя Акмяны. У гэтым жа годзе раён быў далучаны да Мажэйкаўскага раёна. Новае ўтварэньне Акмянскага раёна адбылася ў 1965 годзе.