Альтынг

Рэйк’явік. Будынак альтынгу (пабудаваны 1880—1881)

Альтынг (па-ісьляндзку: Alþingi — «Усеагульны сход») — парлямэнт Ісьляндыі. Упершыню сабраўся ў 930 годзе на палях тынга (па-ісьляндзку: Þingvellir) на паўднёвым захадзе выспы, на паўночным беразе возера Тынгвадляватн. Альтынг лічыцца самым старым парлямэнтам, які дзейнічае дагэтуль. У тыя часы прымаць удзел у альтынгу мелі права ўсе свабодныя мужчыны. Ад самага пачатку альтынг быў месцам ня толькі прыняцьця законаў, але і вырашэньня спрэчак; законамі займалася так званая Лагрэта (па-ісьляндзку: Lögrétta), якая складалася галоўным чынам са жрацоў (па-ісьляндзку: goðar). У 1000 годзе на альтынгу большасьць выказалася за прыняцьце хрысьціянства.

Вонкавыя спасылкі

Альтынг — сховішча мультымэдыйных матэрыялаў