Інтэрнэт

Прыкладная выява інфармацыі ў Сусьветным павуціньні

Інтэрнэ́т (Internet) — глябальная інфармацыйная сыстэма, часткі якой лягічна ўзаемазьвязаныя адно з адным пры дапамозе адзінай адраснай прасторы, заснаванай на выкарыстаньні пратаколу IP і маршрутызацыі пакетаў дадзеных. Інтэрнэт складаецца з мноства ўзаемна зьвязаных кампутарных сетак і забясьпечвае аддалены доступ да кампутараў, электроннай пошты, дошак аб'яваў, базаў зьвестак, дыскусійных груп і г.д. Інтэрнэт утварае сусьветны інфармацыйны асяродак і зьяўляецца фізычнай асновай для Сусьветнага павуціньня.

Пры ўжываньні слова «Інтэрнэт» у гутарковай мове часьцей за ўсё маецца на ўвазе Сусьветнае павуціньне і даступная ў ім інфармацыя, а не сама фізычная сетка.

Этымалёгія і ўжываньне слова

Слова паходзіць ад ангельскага выразу INTERconnected NETworks (узаемазьвязаныя сеткі). Па-беларуску слова "Інтэрнэт" звычайна пішуць зь вялікай літары, але існуе тэндэнцыя пісаць гэтае слова з малой літарай "інтэрнэт" (што раюць таксама некаторыя мовазнаўцы). Беларускі сынонім слова «інтэрнэт» — «сеціва».

Гісторыя інтэрнэту

Пачаткам інтэрнэту лічыцца стварэньне сеткі Міністэрства абароны ЗША Arpanet у 1969 годзе.

Футуралёгія інтэрнэту

Футуралё́гія інтэрнэ́ту — вобласьць навуковых ведаў, якая вызначае перспэктывы разьвіцьця сецевай інфармацыйнай прасторы.

Сэрвэр інтэрнэту

Сэ́рвэр інтэрнэ́ту — кампутар, падлучаны да сеціва, альбо працуючая на ім праграма, якае дае праграмам-кліентам доступ да разнастайных рэсурсаў.

Кожны сэрвэр, падлучаны да інтэрнэту, мае два адрасы: лічбавы IP-адрас і сымбальны дамэнны адрас.

Асноўнымі тыпамі сэрвэраў зьяўляюцца:

• WWW-сэрвэры, створаныя дзеля прадастаўленьня вэб-старонкі, узаемазвязаннай мультымэдыйнай інфармацыі, зьместу баз зьвестак і г.д.;
• сэрвэры электроннай пошты й канфэрэнцыяў;
• сэрвэры FTP, створанныя дзеля абмену файламі;
• сэрвэры зносінаў у рэальным часе (чаты, IM);
• сэрвэры, што забясьпечваюць працу інтэрнэт-тэлефаніі;
• сыстэмы трансьляцыі радыё і відэа праз інтэрнэт.

Вонкавыя спасылкі

Інтэрнэт — сховішча мультымэдыйных матэрыялаў