Ляндскап

Швэдзкія ляндзкапы на мапе Швэцыі (блакітнымі адценьнямі пазначаны ляндзкапы ў гістарычнай частцы Ёталянд, жоўтымі адценьнямі - ў Свеаляндзе, бруновымі - ў Норляндзе).

Ляндзкап, ці Ландскап (па-швэдзку: Landskap) — назва гістарычных абласьцей Швэцыі. У самой швэдзкай мове ўжываецца таксама і ў дачыненьні да гістарычных абласьцей некаторых іншых краінаў. Ляндзкапы склаліся ў сярэднявеччы; іх ня варта блытаць з лэнамі — адміністрацыйнымі абласьцямі. Усяго ў сучаснай Швэцыі існуе 25 ляндзкапаў, іх межы, ў асноўным, не супадаюць з межамі лэнаў (выключэньне складаюць Блекінге й Готлянд). Кожны ляндзкап мае свае сымбалі: герб, кветку, жывёлу. Некаранаваные чальцы швэдзкай каралеўскай сям’i маюць тытулы герцагаў розных ляндзкапаў (напрыклад, кароль Карл XVI Густаў да таго, як стаць каралём, зьяўляўся герцагам Емтлянда).

Сьпіс швэдзкіх ляндзкапаў (у парадку з поўначы на поўдзень, з захаду на ўсход):

• Назва па-беларуску (у дужках назва па-швэдзку):

• Лапляндыя, альбо Лаплянд (Lappland)
• Нарботэн (Norrbotten)
• Вэстэрботэн (Västerbotten)
• Емтлянд (Jämtland)
• Вонгерманлянд (Ångermanland)
• Мэдэльпад (Medelpad)
• Хэр’ядален (Härjedalen)
• Хэльсынглянд (Hälsingland)
• Даларна (Dalarna)
• Естрыклянд (Gästrikland)
• Вэрмлянд (Värmland)
• Вэстманлянд (Västmanland)
• Уплянд (Uppland)
• Нэрке (Närke)
• Сёдэрманлянд (Södermanland)
• Бохуслэн (Bohuslän)
• Дальслянд (Dalsland)
• Вэстэр’ётлянд (Västergötland)
• Эстэр’ётлянд (Östergötland)
• Халянд (Halland)
• Смолянд (Småland)
• Элянд (Öland)
• Готлянд (Gotland)
• Сконэ (Skåne)
• Блекінге (Blekinge)