Да нашых дзён

Да нашых дзён, да цяперашняга часу (па-ангельску: Before Present, BP) — сыстэма летазьлічэньня, якая ўжываецца ў археалёгіі, геалёгіі і іншых навуках для запісу датаў, што адносяцца да мінулага. Гэтая сыстэма дазваляе пазьбегнуць датаў кшталту «да нашай эры/нашай эры».

Паколькі панятак «нашых дзён» пастаянна зьмяняецца, стандартовае азначэньне ўжывае пачатковай кропкай адліку 1950 год. Гэта зьвязана з тым, што менавіта ў гэтым годзе радыёвугляродны аналіз стаў практычна ўжывацца.

Радыёвугляроднае датаваньне

1950 год быў прыняты як год адліку ў радыёвугляродным датаваньні ў 1954 годзе праз выкарыстаньне для калібраваньня ўзору шчаўёвае кіслаты, прыгатаванага Нацыянальным бюро стандартаў ЗША як NBS Standard Reference Material (SRM) 4990B. Канцэнтрацыя ¹⁴C ва ўзоры была палічаная болей высокай (на 5%), чым у прыродзе, таму калібравальны стандарт быў вызначаныя як 0,95 канцэнтрацыі ¹⁴C ва ўзоры; гэтае значэньне і лічыцца «сучасным узроўнем вугляроду» па стане на 1950 год.

Шырокамаштабавыя ядзерныя выпрабаваньні пасьля 1950 году прывялі да глябальнага зьмяненьня суадносінаў між вугляродам-14 і вугляродам-12.

Прыклады

• 12 000 BP = 10 050 год да н. э. (паколькі 1950-ы год н. э. — 12 000 гадоў = -10 050 гадоў)
• 2000 BP = 50 год да н. э.
• 500 BP = 1450 год

Цікавосткі

З прычыны таго, што пачатак адліку цяпер параўнальна далёка ў мінулым, прапануецца гіранічнае тлумачэньне ангельскамоўнага скароту BP: па-ангельску: Before Physics — «да фізыкі».

Глядзіце таксама

• Наша эра