Бурбалка даткомаў

Зьвесткі зь Вікіпэдыі — вольнай энцыкляпэдыі

Бу́рбалка даткомаў (па-ангельску: dot-com bubble ад назвы дамэну верхняга ўзроўню .com ) — эканамічная бурбалка, якая ахапіла кампаніі, камерцыйная дзейнасьць і бізнэс-мадэлі якіх былі сканцэнтраваныя ў інтэрнэце, і якая існавала ў пэрыяд блізка з 1995 па 2001 гады. Кульмінацыя адбылася 10 сакавіка 2000 году, калі індэкс NASDAQ дасягнуў 5132,52 пункты на працягу таргоў і ўпаў да 5048,62 пры закрыцьці.

Бурбалка ўтварылася ў выніку ўзьлёту акцыяў інтэрнэт-кампаніяў (пераважна амэрыканскіх), а таксама зьяўленьня вялікае колькасьці новых інтэрнэт-кампаніяў і пераарыенціроўкі старых кампаніяў на інтэрнэт-бізнэс на прыканцы 20 стагодзьдзя. Акцыі кампаніяў, якія прапаноўвалі выкарыстаць інтэрнэт для атрыманьня прыбытку, нечувана ўзьляцелі ў цане. Насамрэч гэтыя новыя бізнэс-мадэлі апынуліся неэфектыўнымі, а выдаткаваныя ў асноўным на рэкляму вялікія крэдыты прывялі да хвалі банкруцтваў, моцнаму падзеньню індэксу NASDAQ.

І калі апошняя частка гэтага пэрыяду была чаргаваньнем рэзкіх уздымаў і абвалаў, то інтэрнэт-бум прынята адносіць да стабільнаму камерцыйнаму росту інтэрнэт-кампаніяў, зьвязаннаму з наступам эпохі сусьветнага павуціньня, якая пачалася з першага рэлізу вэб-браўзэру Mosaic у 1993 годзе й працягвалася ўсе 90-я годы.

Спасылкі[рэдагаваць | рэдагаваць крыніцу]