Rise Against

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Rise Against
Rise Against Live 10.jpg
Тым Макілрат, 2006
Інфармацыя
Гады 1999—цяперашні час
Адкуль Чыкага, Іліной, ЗША
Мова ангельская
Жанр мэлядычны гардкор, панк-рок, гардкор-панк
Выдавец Geffen Records
Афіцыйная старонка riseagainst.com
Удзельнікі Тым Макілрат
Зак Блэр
Джо Прынсайп
Брэндан Бэрнз

Rise Against — амэрыканскі панк-рок гурт, заснаваны ў сьнежні 1999 году ў Чыкага, Іліной. У цяперашні час гурт складаюць вакаліст/рытм-гітарыст Тым Макілрат, гітарыст/бэк-вакаліст Зак Блэр, басіст Джо Прынсайп, барабаншчык Брэндан Бэрнз.

Першыя пяць гадоў гурт супрацоўнічаў зь незалежным лэйблам Fat Wreck Chords, на якім выпусьціў два студыйныя альбомы, The Unraveling (2001) і Revolutions per Minute (2003). Абодва альбомы мелі значны посьпех на андэрграўнд-сцэне, і ў 2003 годзе гурт падпісаў кантракт з буйным лэйблам Geffen Records. Дэбютны альбом Siren Song of the Counter Culture на новым лэйбле прынёс гурту вялікі посьпех на мэйнстрым-сцэне, былі выпушчаныя некалькі сынглаў. Наступныя два альбомыs, The Sufferer & the Witness і Appeal to Reason, таксама былі пасьпяховымі і трымаліся на 10 і 3 месцы ў чарце Billboard 200, адпаведна. Праз 3 гады пасьля Appeal to Reason быў выпушчаны альбом Endgame. Усе чатыры альбомы, выпушчаныя Geffen Records, былі плятынавымі ў Канадзе, у той час як The Sufferer & the Witness і Appeal to Reason былі залатымі ў ЗША.

Rise Against таксама вядомыя сваёй прапагандай прагрэсіўных арганізацыяў, такіх як Amnesty International і It Gets Better Project. Гурт актыўна прапагандуе правы жывёлаў, бальшыня ўдзельнікаў зьяўляюцца сябрамі straight edge (апроч Бэрнза), прыхільнікамі PETA, і вэгетарыянцамі.

Дыскаграфія[рэдагаваць | рэдагаваць крыніцу]

  • The Unraveling (2001)
  • Revolutions per Minute (2003)
  • Siren Song of the Counter Culture (2004)
  • The Sufferer & the Witness (2006)
  • Appeal to Reason (2008)
  • Endgame (2011)
  • The Black Market (2014)
  • Wolves (2017)

Вонкавыя спасылкі[рэдагаваць | рэдагаваць крыніцу]

Commons-logo.svg Rise Againstсховішча мультымэдыйных матэрыялаў