Mazda RX7
| Mazda RX-7 | |
 | |
| Агульныя зьвесткі | |
|---|---|
| Вытворца | Мазда (Хірасіма, Японія) |
| Іншыя назвы | Savanna RX-7 |
| Гады вытворчасьці | 1978—2002 |
| Месца вытворчасьці | Хірасіма (Японія) |
| Зьнешні выгляд | |
| Кляса | спартовы аўтамабіль |
| Кузаў | купэ |
| Кампанаваньне | пярэднерухавіковае |
| Колькасьць дзьвярэй | |
| Сілавы блёк | |
| Рухавік | 1,3 літру |
| Трансьмісія | 5-ступенная ручная, 4-ступенная аўтаматычная |
| Прывад | задні |
| Габарыты | |
| Колавая база | 2426 мм |
| Даўжыня | 4280 мм |
| Шырыня | 1750 мм |
| Вышыня | 1229 мм |
| Маса | 1250 кг |
| Максымальная хуткасьць | |
| Гісторыя | |
| Дызайнэр | Мацабуро Маэда |
| Папярэднік | Mazda RX-3 |
| Наступнік | Mazda RX-8 |
| Падобныя | Mazda MX-5 |
Mazda RX7 — спартовы аўтамабіль, які выпускаўся японскай аўтакампаніяй Mazda з 1978 па 2002 год. Арыгінальная RX-7 мела двухсэкцыйны ротарна-поршневы рухавік і пярэдняй сярэднематорнай, заднепрываднай кампаноўкай. RX-7 прыйшла на зьмену RX-3 (абедзьве ў Японіі прадаваліся пад маркай Savanna).
Гісторыя
[рэдагаваць | рэдагаваць крыніцу]У 70-х гадах на рынку адчуваўся недахоп даступных і сучасных спартовых аўто, і мадэль Mazda RX-7 была гэткай. Гэта спартовае купэ з заднім прывадам — адзіны ў сьвеце аўтамабіль, на якім сэрыйна ўсталёўваўся ротарна-поршневы рухавік Ванкеля. RX-7 (у Японіі — Savana RX-7) паступіла ў продаж ў 1978 годзе як мадэль 1979 і была сапраўднай сенсацыяй. Першым рухавіком гэтай мадэлі быў ротарны 12A аб’ёмам 1146 см ³, які працаваў з 5-ступеністай мэханічнай трансьмісіяй. Рухавік і трансьмісія разьмяшчаліся на хадавой частцы такім чынам, што вага аўтамабіля разьмяркоўваўся паміж пярэдняй і задняй восьсю ў суадносінах 50/50. Пры адносна доўгай колавай базе — 242 см — вага аўтамабіля была даволі невялікай: 1084 кг (дзякуючы леккаму кампактнаму кузаву). Рухавік выпрацоўваў ўсяго 100 к.з., але ён дазваляў аўтамабілю разганяцца да 100 км / г за 8.5 секунды. Тармазы пярэднія дыскавыя / заднія барабанныя, колы R13. Характэрна, што аўтамабілі першых гадоў выпуску ня мелі люстэрка задняга выгляду з пасажырскай боку.
Першае пакаленьне RX-7 зявілася ў 1978 годзе. Яно мела сярэднематорную кампаноўку і абсталёўвалася ротарным рухавіком магутнасьцю ўсяго 130 конных сілаў. У 1980 годзе правялі фэйсліфтынг, а ў 1983 рухавік атрымаў турбанадзьмуваньне, магутнасьць узрасла да 165 к.с. Другое пакаленьне выйшла ў 1985 годзе, магутнасьць рухавіка 13B складала 185 к.с. У 1989 годзе магутнасьць вырасла да 205 к.с. Трэцяе пакаленьне аўтамабіляў RX-7 было прадстаўлена ў 1991 годзе. Турбаваны рухавік (13B-REW) разьвіваў магутнасьць 255 к.с. Трэцяе пакаленьне мадыфікавалі 5 разоў: у 1993, 1995, 1996, 1998 і 1999 гадах. Акрамя гэтага RX-7 мела некалькі абмежаваных выпускаў. Напрыклад, у 1992 годзе была выпушчаная партыя ў 300 машын сэрыі RZ. А ў 1994 годзе была прадстаўлена мадыфікацыя R-II, абмежаваная выпускам 350 аўтамабіляў. Крыху пазьней, у 1997 годзе, было выпушчана 700 машын сэрыі Type RB Bathurst X, якая мела, акрамя іншых дапрацовак, эксклюзіўны чырвоны скураны салён. У 1997 годзе да трыццацігодзьдзя мадэлі была прадстаўлена мадыфікацыя RS-R, таксама якая мела пэўны ліміт на выпуск. У 1999 годзе аўтамабіль быў зьняты з вытворчасьці.
У 2002 годзе кампанія Mazda прадставіла апошнюю абмежаваную сэрыю мадэлі RX-7 Spirit R. Сэрыя Spirit R прадстаўлена трыма мадыфікацыямі. Type A — найбольш дарагаё і магутная вэрсія. Магутнасьць рухавіка абмежаваная японскім заканадаўствам і складае 280 конных сілаў. КПП мэханічная 5-ступенная. Колькасьць месцаў — 2. Type B адрозьніваецца наяўнасьцю задніх сядзеньняў. Сілавы агрэгат той жа, 280-моцны плюс мэханічная трансьмісія. Type C мае больш сьціплы рухавік магутнасьцю 255 к.с. і 4-ступеннай аўтаматычнай трансьмісіяй. Усе мадыфікацыі Mazda RX-7 Spirit R маюць абабітае скурай стырнавое кола і рычаг КПП, электрычныя шклопад’ёмнікі, палепшанае аздабленьне салёна мяккім плястыкам, 17-цалёвыя легкасплаўныя колавыя дыскі BBS і афарбаваныя ў чырвоны колер тармазныя мэханізмы.
У культуры
[рэдагаваць | рэдагаваць крыніцу]Mazda RX7 у кузаве трэцяга пакаленьня FD3S, зьяўлялася ў фільме «Трайны фарсаж: такійскі дрыфт» у кузаве Fortune ад кампаніі VeilSide, на ёй езьдзіў Хан Лю і яго даўжнік Шон. А таксама ў анімэ й аднайменным мастацкім фільме «Initial D», дзе ёй кіраваў Такасі Кэйсукэ з каманды Red Suns, яго брат Р’ёсукэ езьдзіў на вэрсіі другога пакаленьня FC (1985—1992).
Таксама Mazda RX7 прысутнічае ў гульнях:
- Need for Speed: Carbon,
- Need for Speed: Underground, Underground 2,
- Need for Speed: Most Wanted,
- Need for Speed: World,
- Need for Speed: Hot Pursuit.
Вонкавыя спасылкі
[рэдагаваць | рэдагаваць крыніцу]
Mazda RX7 — сховішча мультымэдыйных матэрыялаў