Master of Orion: Conquer the Stars
| Master of Orion: Conquer the Stars | |
 | |
| Распрацоўнік | NGD Studios |
|---|---|
| Выдавец | Wargaming |
| Кампазытар | Дэвід Говэт |
| Рухавік | Unity |
| Плятформы | Microsoft Windows, OS X, Linux |
| Дата выпуску | 25 жніўня 2016 (Microsoft Windows) |
| Жанр | пакрокавая глябальная стратэгія |
| Рэжымы | адзінаасобная, шматасобная |
«Master of Orion: Conquer the Stars» (па-беларуску: Гаспадар Арыёну: Заваёва зорак) — перазапуск пакрокавай навукова-фантастычнай стратэгічнай гульні «Master of Orion». Гульня распрацаваная аргентынскай кампаніяй «NGD Studios» і выдадзеная беларускай Wargaming[1]. Гульня была адкрытая на раньнім доступе(en) Steam 26 лютага 2016, а выхад поўнай вэрсіі на плятформе Microsoft Windows адбыўся 25 жніўня таго ж року.
У «Master of Orion: Conquer the Stars» гулец вядзе адну зь 10 расаў да галяктычнага панаваньня шляхам дасьледаваньня і калянізацыі зорных сыстэмаў, адначасна разьвіваючы дыпляматыю, заваёвы і тэхналягічныя ўдасканаленьні[2].
Гульнявы працэс[рэдагаваць | рэдагаваць крыніцу]
«Master of Orion: Conquer the Stars» — пакрокавая стратэгічная гульня, у якой гулец можа абраць кіраваньне адной зь 10 расаў, якая будзе суіснаваць зь іншымі пэрсанажамі незьлічоных галяктыкаў, кантраляванымі штучным інтэлектам[3].
Гулец займаецца ўласнай тэрыторыяй, калёніміі, тэхналягічнымі ўдасканаленьнямі, дызайнам караблёў, міжвідавай дыпляматыяй і бітвамі[4]. Гульня пачынаецца з валоданьня адным калянізаваным сьветам пэўнай сонечнай сыстэмы. Ужываючы такія рэсурсы калёніі, як грашовы прыбытак, дасьледаваньні, ежа і вытворчасьць, гулец можа пашыраць уласныя валоданьні, павялічваць флёт, дасьледаваць новыя сыстэмы, назапашваць рэсурсы, гандляваць і ваяваць зь іншымі расамі. Перамога дасягаецца пры вынішчэньні ўсіх ворагаў, атрыманьнем права на ўсталяваньне міру ці дасягненьнем найбольшага выніку напрыканцы апошняга ходу[5].
Мінуўшчына[рэдагаваць | рэдагаваць крыніцу]
2 жніўня 2013 стала вядома, што «Wargaming» набыла ў «Atari» правы на франшызу «Master of Orion»[6]. 9 чэрвеня кампанія абвясьціла пра намер выдаць новую гульню франшызы[7], ствараную камандай «NGD Studios».
26 лютага гульня выйшла ў раньні доступ на плятформе Steam[8]. Выхад на плятформе Microsoft Windows адбыўся 25 жніўня 2016[9].
Крыніцы[рэдагаваць | рэдагаваць крыніцу]
- ^ Master of Orion — Wargaming revives classic space strategy game. Mmoculture.com. Retrieved 2015.06.09.
- ^ Master of Orion 4X strategy series returns under Wargaming’s banner. Venturebeat.com. Retrieved 2015.06.09.
- ^ World Of Tanks Publisher Working On Master Of Orion. Rockpapershotgun.com. Retrieved 2015.06.06.
- ^ Master of Orion Early Access Very Biased Reviews Праверана March 16, 2016 г.
- ^ Master of Orion reboot coming from the team behind World of Tanks. Polygon Retrieved 2015.06.09.
- ^ World of Tanks dev acquires Total Annihilation, Master of Orion franchises GameSpot Праверана August 30, 2015 г.
- ^ Wargaming announces Master of Orion reboot(недаступная спасылка). Eurogamer.net. Retrieved 2015.06.06.
- ^ Mark Hamill and Many Other Stars Voicing Master of Orion Reboot(анг.) GameSpot Праверана 20 лютага 2016 г.
- ^ Release Date Announced!(анг.) Master of Orion Праверана 2016-08-16 г.