Death

	Death
	; Гурт «Death» у Мэхіка, чэрвень 1989 року. Зьлева направа: басыст Тэры Батлер, гітарыст Пол Масьвідал, мэнэджар Эрык Грайф, бубнач Біл Эндрус і гітарыст/вакаліст Чак Шульдынэр
Гады	1983 — 1995; 1997 — 2001
Краіна	ЗША;
Месца ўтварэньня	ЗША, штат Флорыда, Альтамонтэ-Спрынгс
Мова	ангельская
Жанр	дэз-мэтал, прагрэсіўны дэз-мэтал, тэхнічны дэз-мэтал
Выдавец	Combat · Roadrunner · Nuclear Blast · Relativity · Relapse · UMG
Зьвязаныя праекты	Mantas (1983 — 1984)
Удзельнікі	Канчатковы склад:; Чак Шульдынэр; Шэнан Гэм; Рычард Крысьці; Скот Клендэнін
Былыя ўдзельнікі	Гл. Былыя ўдзельнікі
	emptywords.org

Death ([d e θ :]; па-ангельску: death — сьмерць) — амэрыканскі дэз-мэтал гурт, што заснаваны ў 1983 року ў месьце Альтамонтэ-Спрынгс штата Флорыда як Mantas, але першыя дэма-запісы ўжо былі выпушчаны пад назовам Death у 1984 року. Знаходзіўся пад моцным уплывам гурту Venom. У першасны склад гурта ўвайшлі гітарыст Чак Шульдынэр (які пазней стаў адзіным вакалістам гурта), бубначом/вакалістам Кэмам Лі і гітарыстам Рыкам Розам ^[1]. Гурт Death уважаецца аднім з родапачынальнікаў дэз-мэталу, і ўрэсьце даў жанру сваё ўласнае імя. Дэбютны альбом гурта 1987 року, Scream Bloody Gore, агульна прызнаны адным зь першых дэз-мэтал запісаў, разам зь першымі альбомамі Possessed і Necrophagia . Стыль гурта таксама разьвіваўся, ад сырога гучаньня на першых двух альбомах да больш складанага на пазьнейшым этапе^[2]. Гурт распаўся пасьля сьмерці Шульдынэра ад гліёмы і пнэўманіі ў сьнежні 2001 року, але дагэтуль аказвае значны ўплыў на гэві-мэтал^[3].

Гісторыя

Раньняя гісторыя. Дэмазапісы. (1983 — 1985)

Гурт Death быў заснаваны ў 1983^[4]. ці 1984 годзе Чакам Шульдынэрам пад першапачатковай назвай Mantas у месьце Альтамонтэ-Спрынгс, штат Флорыда, і быў адным з найбольш вядомых ранніх піянэраў дэз-мэталу разам з каліфарнійскім гуртам Possessed. Натхнёны Nasty Savage, Death быў адным з першых гуртоў на дэз-мэтал сцэне Флорыды.

Разам з Кэмам Лі і Рыкам Розам Шульдынэр пачаў пісаць песьні, што былі выпушчаны на некалькіх рэпэтыцыйных касэтах у 1984 року. Гэтыя касэты, разам з дэмазапісам Death by Metal, распаўсюдзіліся сярод гандляроў касэтамі, хутка замацаваўшы назву гурту. У 1984 року Шульдынэр распусьціў Mantas і стварыў гурт пад назвай Death з тымі ж удзельнікамі. Тым Аймар у артыкуле, што быў напісаны ў сьнежні 2010 року, сьцвярджае, што Чак Шульдынэр перайменаваў гурт у Death, каб ператварыць сваю памяць пра сьмерць брата Фрэнка рокамі раней у «нешта пазытыўнае»^[5]. Сярод яго ўдзельнікаў зноў былі Роз і Лі. Была выпушчана яшчэ адна дэма-вэрсія пад назвай Reign of Terror.

У 1985 року была запісана і выпушчана касэта Infernal Death. Рык Роз пакінуў гурт у пачатку 1985 рока. Шульдынэр і Лі некаторы час гралі са Скотам Карлсанам і Мэтам Аліва, басыстам і гітарыстам адпаведна, гурта Genocide (пазьней перайменаванага ў Repulsion). Аднак у Кэма былі некаторыя «асабістыя праблемы», празь якія ён пакінуў гурт. Combat Records прапанавалі гурту пагадненьне, калі яны запішуць яшчэ адну дэма-вэрсію, але гурт не змог пераканаць Кэма вярнуцца. Аліва і Карлсан неўзабаве сышлі. Шульдынер пераехаў у раён заліва Сан-Францыска і завербаваў былога бубнача Dirty Rotten Imbeciles Эрыка Брэхта^[6], а затым запісаў дэма Back from the Dead. Аднак Чак быў незадаволены гэтым увасабленьнем Death і вярнуўся ў Флорыду без гурта. У 1986 року Шульдынэр атрымаў запрашэньне ад канадзкага трэш-мэтал гурта Slaughter сыграць на іх альбоме, якое ён прыняў і пераехаў у Канаду. Аднак зьвяз пратрымаўся ўсяго два тыдні, і ён вярнуўся ў Штаты. Ён вярнуўся ў Флорыду, а потым зноў пераехаў у раён заліва Сан-Францыска, дзе далучыўся да 17-гадовага бубнача Крыса Райфэрта.

Запіс Scream Bloody Gore (1986 — 1987)

Шульдынэр і Райфэрт запісалі дэма Mutilation у красавіку 1986 року, што прывяло да падпісання кантракту з лэйблам Combat Records. Улетку таго ж года яны пачалі запісваць свой першы альбом, што ня быў скончаны і закінуты пасьля таго, як Combat быў незадаволены запісам, у чым Райфэрт абвінаваціў студыйных інжынэраў. У лістападзе 1986 року гурт быў адпраўлены ў Лос-Анджэлес, каб перазапісаць альбом у The Music Grinder з Рэнды Бёрнсам, да чаго гурт быў аптымістычна настроены праз яго работы над Seven Churches гурта Possessed. Асноўныя трэкі былі запісаны за пару дзён, а бас, сола-гітары і сьпещ былі запісаны Шульдынэрам у Rock Steady Studios, якая таксама знаходзілася ў Лос-Анджэлесе.

Альбом Scream Bloody Gore быў выпушчаны ў 1987 року і ўважаецца жанравым шаблёнам для дэз-мэталу. У гурта ненадоўга быў другі гітарыст, Джон Гэнд, але ён не зьявіўся на альбоме (хаця яго фота было). Шульдзынэр і Райфэрт завэрбавалі Стыва ДыДжорджыа з Sadus і рэпэтавалі ў Канкордзе для жывых выступаў, якія так і не адбыліся, бо Шульдзынэр вырашыў вярнуцца ў Флорыду. Райфэрт вырашыў застацца ў Каліфорніі, дзе ён пазьней стварыў Autopsy. Вярнуўшыся ў Фларыду, Шульдзынэр аб'яднаўся з былым калегам па гурце Рыкам Розам і двума ўдзельнікамі гурта Роза Massacre, Тэры Батлерам і Білам Эндрусам.

Склад

Канчатковы склад

Чак Шульдынэр — сола і рытм-гітара, сьпеў, асноўны аўтар песень (1984 — 2001)
Рычард Крысьці — бубны (1996 — 2001)
Шэнан Гэм — сола і рытм-гітара (1996 — 2001)
Скот Клендэнін — бас-гітара (1996 — 2001)

Былыя ўдзельнікі

Кэм Лі(en) (Барні Лі) — бубны, сьпеў (1984 — 1985)
Рык Роз(en) (Фрэдэрык ДэЛіло) (1984 — 1985, 1987 — 1989)
Мэт Аліва (1985)
Джон Гэнд (1987)
Альбэрт Ганзалез (1990)
Джэймс Франклін (1990)
Ўольтэр Трахслер (1990)
Пол Масьвідал (1989, 1990 — 1992)
Энды ЛаРок (Андэрс Алгэйдж) (1993)
Ральф Сантола(en) (1993)
Крэйг Ласісэра (1993)
Бобі Каэлбл(en) (1995)
Скот Карлсан(en) (1985)
Эрык Мід (1985)
Тэры Батлер (1987 — 1990)
Стыў ДыДжорджыё (1986, 1991, 1993)
Скот Карына (1991 — 1992)
Кэлі Конлан(en) (1995)
Браян Дэнсан (турнэ ў падтрымку Symbolic)
Эрык Брэхт (1985)
Крыс Райфэрт(en) (1986 — 1987)
Біл Эндрус(en) (1987 — 1990)
Шон Райнарт (1991 — 1992)
Джын Хоглан (1993 — 1995)
Рычард Крысьці (1996 — 2001)

Дыскаграфия

Дэма

1984 — Death By Metal (Дэма)
1984 — Reign Of Terror (Дэма)
1985 — Infernal Death (Дэма)
1985 — Rigor Mortis (Дэма)
1985 — Back From The Dead (Дэма)
1987 — Scream Bloody Gore
1988 — Leprosy
1990 — Spiritual Healing
1991 — Human
1993 — Individual Thought Patterns
1995 — Symbolic
1998 — The Sound of Perseverance
2001 — Live In L.A. 2012 — «Vivus!»

Альбомы

Крыніцы

↑ «Death». Metallian. (Дата звяртаньня 17.07.2025)
↑ «"Where are they now? The members of Death"». (Дата зьвяртаньня 17.07.2025)
↑ Death Metal Bands: 20 Essential Groups».(недаступная спасылка) (Дата звяртаньня 17.07.2025)
↑ «Memories of Chuck Schuldiner; EmptyWords.» (Дата звяртаньня 17.07.2025)
↑ «Tim Aymar Speaks Out; EmptyWords.» (Дата звяртаньня 17.07.2025)]
↑ «D.R.I.; AllMusic» (Дата звяртаньня 17.07.2025)

[1] «Death». Metallian. (Дата звяртаньня 17.07.2025)

[2] «"Where are they now? The members of Death"». (Дата зьвяртаньня 17.07.2025)

[3] Death Metal Bands: 20 Essential Groups».(недаступная спасылка) (Дата звяртаньня 17.07.2025)

[4] «Memories of Chuck Schuldiner; EmptyWords.» (Дата звяртаньня 17.07.2025)

[5] «Tim Aymar Speaks Out; EmptyWords.» (Дата звяртаньня 17.07.2025)]

[6] «D.R.I.; AllMusic» (Дата звяртаньня 17.07.2025)

[1]

[2]

[3]

[4]

[5]

[6]