Czasopis

Czasopis
Тэматыка	Беларуская культура
Пэрыядычнасьць	Штомесяц
Краіна	Польшча
Адрас	Беласток, вул. Ліпава, д. 4/221
Заснавальнік	Аб’яднаньне беларускіх журналістаў
Выдавец	рэдакцыя часопісу
Галоўны рэдактар	Юры Хмялеўскі
Дата заснаваньня	1990 год
Мова	Беларуская, польская
Аб’ём	56 старонак (№ 10, 2012)
Наклад	1050
ISSN	1230-1876
Афіцыйны сайт	www.czasopis.pl

Czasopis (Часопіс) — грамадзка-культурны часопіс, што выходзіць штомесяц. Заснаваны ў 1990 ў Беластоку Аб’яднаньнем беларускіх журналістаў. Выходзіць на беларускай і польскай мовах. З 1992 году галоўны рэдактар выданьня — Юры Хмялеўскі.

Выданьне зьмяшчае штомесячны агляд грамадзка-палітычных і культурных падзеяў на Беласточчыне, у Беларусі, Польшчы і ў сьвеце. Асьвятляецца становішча беларускае нацыянальнае супольнасьці, царкоўнае жыцьцё ў Польшчы й на Беласточчыне, гісторыя праваслаўных прыходаў і цэркваў.

«Czasopis» друкуе ўспаміны ўдзельнікаў гістарычных падзеяў у Польшчы й на Беларусі, артыкулы пра дзеячаў беларускае культуры, творы беларускіх пісьменьнікаў Беласточчыны. Друкуюцца дыскусійныя матар’ялы, лісты чытачоў, інтэрвію. Аўтарскую рубрыку меў вядомы пісьменьнік і публіцыст зь Беласточчыны Сакрат Яновіч.

У часопісе зьмяшчаюцца таксама: каляндар падзеяў, агляд друку, рэцэнзіі, прэзэнтацыі.

Выданьне ілюстраванае.

Управа

Управа часопісу мае назву рэдакцыя. Яе асабісты склад:

• Юры Хмялеўскі
• Вяслаў Харужы
• Славамір Іванюк
• Галена Казлоўская-Глагоўская
• Януш Корбель
• Тамара Болдак-Яноўская
• Юры Сульжык
• Тамаш Суліма
• Магдаліна Пятрук — пісар рэдакцыі

Глядзіце таксама

• Юры Гумянюк

Вонкавыя спасылкі

• Czasopis