Reise, Reise

Reise, Reise
Студыйны альбом Rammstein
Выдадзены	27 верасьня 2004 15 кастрычніка 2004 9 лістапада 2004 16 лістапада 2004 21 красавіка 2005 увесь сьвет 9 лістапада 2004
Месца запісу	El Cortijo Studio (Маляга, Гішпанія), Studio 301 (Стакгольм, Швэцыя)
Жанр	NDH
Працягласьць	47:52
Прадусар	Якаб Гэльнар, Rammstein
Храналёгія Rammstein
Mutter (2001)	Reise, Reise (2004)	Rosenrot (2005)

Reise, Reise (зь ням. — «У дарогу!», «Падарожжа, падарожжа») — чацьвёрты студыйны альбом нямецкага індастрыял-мэтал-гурта Rammstein, выпушчаны 27 верасьня 2004 году на лэйбле Universal.

Альбом быў запісаны ў 2003—2004 гадах у розных гуказапісвальных студыях у Італіі, Францыі й Швэцыі пры ўдзеле прадусара Якаба Хэльнара. Крыза, якая наступіла ў Rammstein падчас запісу папярэдняга альбома, Mutter, паўплывала на атмасфэру запісу Reise, Reise, зрабіўшы яе менш напружанай. Запісаўшы ў нязмушанай абстаноўцы 17 песьняў, Rammstein адабралі для альбома толькі 11, астатнія 6 увайшлі ў наступны альбом, Rosenrot.

Мовы песьняў — нямецкая, ангельская, француская й маскоўская. Музыка й словы да песьняў — Тыль Ліндэман, Рыхард Круспэ, Паўль Ляндэрс, Олівэр Рыдэль, Крыстоф Шнайдэр, Крысьціян Лёрэнц.

Назва

Слова Reise паўтараецца двойчы ў назьве, і ў кожным паўторы яно — зь вялікай літары, што ёсьць прыкметай назоўніка ў нямецкай мове. Дзеяслоў у загадным ладзе пішацца з маленькай літары. Але па словах Паўля Ляндэрса ў адным зь інтэрвію, фраза «Reise, Reise» ўжываецца маракамі як сыгнал ўздыму.

Нягледзячы на тое, што слова Reise напісана ў форме назоўніка, выкарыстана яно ў песьні як дзеяслоў. Фраза Reise, Reise ўжываецца маракамі як сыгнал ўздыму й адбылася ад дзеяслова reisen, які меў значэньне «падымацца». У сучаснай нямецкай мове (Hochdeutsch) гэты дзеяслоў абазначае паездку альбо падарожжа.

Гісторыя

Пасьля выхаду вясной 2001 году трэцяга студыйнага альбома Mutter Rammstein адправіліся ў аднайменны тур у падтрымку альбома, які доўжыўся да ліпеня 2002 году. Запіс Mutter адабраў у музыкаў шмат энэргіі, таму пасьля заканчэньня тура ў ліпені 2002 году яны ўзялі перапынак на 6 тыдняў. У гэты час у прэсе сталі зьяўляцца чуткі аб непаразуменьнях у групе і нават аб ейным распадзе, збольшага гэта было зьвязана зь пераездам Рыхарда Круспэ-Бэрнштайна ў Нью-Ёрк і ягонай працай над сольным праектам.

У ліпені 2004 году ўдзельнікі Rammstein упершыню распавялі пра крызу, якая наступіла ў гурце. Яна пачала разьвівацца яшчэ падчас запісу другога альбома, й да трэцяга альбому дасягнуў свайго апаґею. У інтэрвію францускаму часопісу Rock Hard Крыстаф Шнайдэр і Рыхард Круспэ пацьвердзілі чуткі й прызналіся, што прычынай усяму сапраўды быў Рыхард. Не ў меру амбіцыйны гітарыст жадаў кантраляваць кожнае дзеяньне групы, пазбаўляючы астатніх найменшай магчымасьці праявіць ініцыятыву.

Рыхард спытаў музыкаў, ці можа ён заняцца сваім уласным праектам, і тыя далі згоду. Калі Рыхард заняўся ўласным гуртом Emigrate, у астатніх удзельнікаў Rammstein зьявілася больш волі, што паўплывала на запіс чацьвёртага альбома.

Для альбома цалкам было запісана 17 песьняў, але ў выніку ў Reise, Reise ўвайшлі толькі 11. «Перш, чым людзі выключаць музыку, мы лепш самі выключым!» — пракамэнтаваў Олівер Рыдэль. Астатнія 6 трэкаў («Rosenrot», «Wo bist du?», «Mann gegen Mann», «Zerstören», «Ein Lied», «Feuer und Wasser») увайшлі ў альбом Rosenrot, Працоўная назва якога была Reise, Reise vol. 2.

Прасоўваньне

Перад рэлізам альбома некаторыя часопісы выклалі трэк-ліст будучага альбома гурта, аднак у розных часопісаў былі розныя трэк-лісты.

Самотнікі

• «Mein Teil» (26 ліпеня 2004)
• «Amerika» (13 верасьня 2004)
• «Ohne dich» (22 лістапада 2004)
• «Keine Lust» (28 лютага 2005)

Сьпіс кампазыцыяў

№	Назва
1.	«Reise, Reise» (Уздымайся!)	04:11
2.	«Mein Teil» (Мая частка)	04:32
3.	«Dalai Lama» (Далай-Лама)	05:38
4.	«Keine Lust» (Не хачу)	03:43
5.	«Los» (Наперад)	04:25
6.	«Amerika» (Амэрыка)	03:46
7.	«Moskau» (Масква)	04:16
8.	«Morgenstern» (Ранішняя зорка)	03:59
9.	«Stein um Stein» (Камень за каменем)	03:56
10.	«Ohne dich» (Безь цябе)	04:32
11.	«Amour» (Каханьне)	04:50
47:52

«Blackbox recording»

«Blackbox recording»
Запіс з «чорнае скрыні» выканаўцы Rammstein з альбому Reise, Reise
Мова	японская
Па-беларуску	«Запіс чорнае скрыні»
Запісаная	12 жніўня 1985, Гара Ацутака (Уэна, Гума),
Працягласьць	≈0:32

«Blackbox recording» (з анг. — «запіс чорнае скрыні») — схаваны трэк на альбоме. Рэальны запіс «чорнае скрыні» (бартавога самапісца) з катастрофы Boeing 747 пад Токіё, у якой з 524 чалавек загінулі 520.

• Каб праслухаць запіс трэба ўключыць першы трэк («Reise, Reise»), а пасьля пераматаць назад.
• Спачатку музыкі хацелі зьмясьціць запіс у кожную песьню, але потым адмовіліся ад гэтай ідэі.