Перайсьці да зьместу

Aldi

Зьвесткі зь Вікіпэдыі — вольнай энцыкляпэдыі
Aldi
Выява лягатыпу
Заснаваная 1946
Уласьнікі Karl Albrecht Jr.[d]
Краіна
Разьмяшчэньне
Галіна раздробны гандаль[d] і дыскаўнтар[d]
Даччыныя кампаніі Hofer KG[d] і Leader Price Exploitation[d][2]

Aldi — агульная гандлёвая марка двух нямецкіх міжнародных сямейных сетак дысконтных супэрмаркетаў, якія маюць больш за 13,6 тысячаў крамах у 18 краінах[3][4]. Бізнэс быў заснаваны братамі Карлам і Тэо Альбрэхтамі ў 1946 годзе, калі яны перанялі краму сваёй маці ў Эсэне.

У 1960 годзе прадпрыемства было падзеленае на дзьве асобныя групы, якія пазьней сталі Aldi Nord (першапачаткова працавала ў паўночнай ФРН), з штаб-кватэрай у Эсэне, і Aldi Süd (першапачаткова працавала ў паўднёвай ФРН), з штаб-кватэрай у суседнім Мюльгайме[5][6]. Зь цягам міжнароднай экспансіі дзьве часткі захавалі гэты падзел, падзяліўшы паміж сабой сусьветныя рынкі, за выключэньнем ЗША, дзе Aldi Süd працуе пад маркай Aldi, а кампанія Aldi Nord валодае сеткай Trader Joe’s. Назва крамы паўстала ў 1962 годзе як скарочаная складовая форма ад «Альбрэхтавай зьніжкі» (ням. Albrecht Diskont)[7][8]. Не зважаючы на фінансавы падзел дзьвюх сетак, у Нямеччыне Aldi Nord і Aldi Süd часам працаваць супольна праз агульныя брэнды крамаў або падчас перамоваў з падрадчыкамі.

Aldi ёсьць галоўным канкурэнтам нямецкай дысконтнай сеткі Lidl на большасьці рынкаў[9].

Гісторыя

[рэдагаваць | рэдагаваць код]

У 1913 годзе маці Карла і Тэо Альбрэхтаў адкрыла невялікую краму ў прадмесьці Эсэну ў Нямецкай імпэрыі[10]. Іхны бацька працаваў шахтаром, а пасьля таго як астма прымусіла яго пакінуць гэтую працу, ён знайшоў занятак памочніка пекара. Карл і Тэо нарадзіліся адпаведна ў 1920 і 1922 гадах[11]. Тэо Альбрэхт прайшоў вучнёўства ў краме маці, а Карл Альбрэхт працаваў у аддзеле дэлікатэсаў. Карл узяў пад свой кантроль іншую харчовую краму, а пазьней служыў у нямецкім войску за часам Другой сусьветнай вайны. У 1945 годзе браты перанялі маціну краму і хутка адкрылі яшчэ адзін гандлёвы пункт паблізу[10]. Да 1950 году браты Альбрэхты валодалі ўжо 13 крамамі ў Рурскай даліне[12].

Крама Альбрэхтаў у Эсэне на фатаздымку 1958 году.

Іхняя ідэя палягала на тым, каб адразу адымаць з коштаў тавараў юрыдычна дазволеную максымальную зьніжку ў 3% перад продажам. Рынкавыя лідэры таго часу, якія часта былі каапэратывамі, патрабавалі ад пакупнікоў трымацца складанай сыстэмы ў зборы зьніжкавых марак і дасыланьня іх краме, каб вярнуць грошы ў рамках прапанаванай зьніжкі. Браты Альбрэхты таксама пільна сачылі за таварамі, які ня мелі попыту з боку пакупнікоў, хутка прыбіраючы іх з паліцаў, што скарачала выдаткі за кошт адсутнасьці рэклямы. Таксама яны трымалі памеры сваіх крамаў невялікім[10]. Да 1960 году ў Нямеччыне іхняя сетка пашырылася да 300-х крамаў[11].

Падзел

[рэдагаваць | рэдагаваць код]

У 1960 годзе браты падзялілі кампанію. Як мяркуецца, гэты падзел адбыўся праз спрэчку наконт таго, ці павінны яны прадаваць у сваіх крамах цыгарэты. Пасьля падзелу Тэо ўзяўся кіраваць Aldi Nord, а Карл прыдбаў кампанію Aldi Süd[13]. На той час яны сумесна валодалі 300 крамамі[14]. Аднак журналіст Мартын Куна паставіў пад сумнеў гэтую прычыну падзелу ў артыкуле, апублікаваным у Westdeutsche Allgemeine Zeitung у верасьні 2009 году, дзе ён выказаў здагадку, што сапраўдная прычына падзелу палягала ў значна адрозных стылях кіраваньня братоў[15]. У 1962 годзе яны прыдумалі назву Aldi, як скарот ад выразу «Альбрэхтавыя зьніжка» (ням. Albrecht Diskont. Гэта назва стала іхняй афіцыйнай карпаратыўнай назвай у 1975 годзе[16]. Aldi Nord і Aldi Süd фінансава і юрыдычна існуюць асобна ад 1966 году[14].

Міжнароднае пашырэньне

[рэдагаваць | рэдагаваць код]
Першая крама Aldi ў Эсэне, якая была зачыненая ў 2020 годзе.

Aldi пачала міжнародную экспансію ў 1967 годзе, калі Aldi Süd набыла харчовую сетку Hofer у Аўстрыі[17]. Aldi Nord адкрыла свае першыя крамы па-за мяжою ў Нідэрляндах у 1973 годзе[18], а за гэтым рушылі іншыя краіны. У 1976 годзе Aldi Süd адкрыла сваю першую краму ў ЗША ў штаце Аёва[19][20][21], а ў 1979 годзе Aldi Nord набыла ў гэтай жа краіне сетку Trader Joe’s[10].

Па аб’яднаньні Нямеччыны і падзеньня жалезнай заслоны Aldi пачала хуткую экспансію. Браты сышлі з пасадаў кіраўнікоў у 1993 годзе. Кантроль над кампаніямі быў перададзены прыватным сямейным фондам, то бок Siepmann Foundation сталі ўладальнікамі Aldi Süd, а фонды Markus, Jakobus, and Lukas прыдбалі Aldi Nord.

У жніўні 2023 году Aldi Süd пагадзілася набыць каля 400 крамаў Winn-Dixie і Harveys на паўднёвым усходзе ЗША, узгодніўшы дамову 7 сакавіка 2024 году[22][23]. У лютым 2025 году Aldi прадала 170 з гэтых крамаў кампаніі Southeastern Grocers. Адначасна з гэтым Aldi паведаміла, што ўсё ж такі пераробіць блізу 220 крамаў Winn-Dixie і Harveys пад свой фармат да 2027 году, працягваючы працаваць пад існымі брэндамі паводле часовай ліцэнзіі да завяршэньня перабудовы[24].

Крыніцы

[рэдагаваць | рэдагаваць код]
  1. 1 2 Global LEI Index
  2. ↑ Leader Price Exploitation // Register of Commerce and Companies — 1919.
  3. ↑ Aldi History, From Small Family Store to Leading Global Chain. businessinsider.com. Архіўная копія ад 02.10.2023 г.
  4. ↑ Wagstyl, Stefan. Karl Albrecht, Aldi co-founder, 1920-2014 // The Financial Times, 21.07.2014 г. Архіўная копія ад 10.12.2022 г.
  5. ↑ Impressum. Aldi Nord. Архіўная копія ад 30.03.2017 г.
  6. ↑ Impressum. Aldi Süd. Архіўная копія ад 23.03.2013 г.
  7. ↑ Connolly, Kate (02.04.2019) Late 'grand dame' of Aldi clan sparks family feud with her will. The Guardian.
  8. ↑ Sahinturk, Deniz (01.09.2023) This Is What ALDI Actually Stands For
  9. ↑ Giammona, Craig. The Germans Are Escalating America's Grocery Price War // Bloomberg.com, 03.01.2018 г. Архіўная копія ад 12.11.2021 г.
  10. 1 2 3 4 Weymouth, Lauren. Secrets of the German supermarkets conquering America (24 slides) // MSN: Money Архіўная копія ад 07.09.2017 г.
  11. 1 2 Aldi: A family business that grew into an international player. Jax Daily Record (28.08.2023). Архіўная копія ад 24.01.2024 г.
  12. ↑ Cattley, Alice (02.10.2024) Aldi: the incredible story of the German supermarket taking over the world. www.lovemoney.com. Архіўная копія ад 05.07.2018 г.
  13. ↑ Billionaire Aldi heir Berthold Albrecht dies at 58. the Telegraph (07.12.2012). Архіўная копія ад 02.04.2019 г.
  14. 1 2 Rice, Xan. The Aldi effect: how one discount supermarket transformed the way Britain shops // The Guardian, 05.03.2019 г. Архіўная копія ад 05.03.2019 г.
  15. ↑ Die Brüder Albrecht. www.waz.de (12.09.2009). Архіўная копія ад 30.06.2024 г.
  16. ↑ Tyler, Jessica Here's how Aldi's explosive growth transformed it from a corner store in Germany to one of the biggest supermarket chains in the world. Business Insider. Архіўная копія ад 06.02.2024 г.
  17. ↑ Aldi Süd – About Aldi Süd (German) Архіўная копія ад 29.10.2014 г.
  18. ↑ Aldi Nord – About us (German) Архіўная копія ад 28.02.2014 г.
  19. ↑ Johnson, Patt. Aldi to open Windsor Heights store // The Register and Tribune, 10.09.2015 г.
  20. ↑ Springer, Jon (05.08.2019) The Forgotten Story of Aldi's U.S. Debut. www.supermarketnews.com.
  21. ↑ Beck, Andrea (14.10.2020) What You Didn't Know About Aldi's First US Location. Mashed. Архіўная копія ад 07.10.2024 г.
  22. ↑ ALDI to Acquire Winn-Dixie and Harveys Supermarket to Continue Growth in the Southeast. Zeno Group. Архіўная копія ад 17.08.2023 г.
  23. ↑ Basch, Mark (07.03.2024) Aldi completes acquisition of Winn-Dixie parent company Southeastern Grocers. Jax Daily Record. Архіўная копія ад 07.10.2024 г.
  24. ↑ Winn-Dixie, Harveys Banners Acquired by Consortium of Private Investors. Progressive Grocer (07.02.2025). Архіўная копія ад 08.02.2025 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Aldi&oldid=2682495»