Янка Бобрык

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Янка Бобрык
Janka Bobryk.jpg
Асабістыя зьвесткі
Нарадзіўся 21 ліпеня 1905
Глуск
Памёр 25 жніўня 1942
Ленінград
Пахаваны Піскароўскія мемарыяльныя могілкі[d]
Жонка Натальля Вішнеўская
Літаратурная дзейнасьць
Род дзейнасьці паэт
Дэбют «Пунсовае раньне» (1926)

Янка Бобрык (сапр. — Іван Іванавіч Бобрык; 21 ліпеня 1905, Глуск, Магілёўская вобласьць — 25 жніўня 1942, Ленінград) — беларускі паэт.

Біяграфія[рэдагаваць | рэдагаваць крыніцу]

Літаратурнае аб'яднаньне «Маладняк», 1927. Янка Бобрык стаіць у цэнтры

У 1929 годзе скончыў літаратурна-лінгвістычнае аддзяленьне пэдагагічнага факультэту БДУ, асьпірантуру Акадэміі мастацтва ў Ленінградзе (1936). Працаваў настаўнікам у Мілаславіцкай сямігадовай школе Клімавіцкага раёну, быў навуковым супрацоўнікам Дзяржаўнай акадэміі мастацтвазнаўства ў Ленінградзе, працаваў у Беларускім дзяржаўным кіно, упраўленьні па справах мастацтваў Ленінградзкага гарвыканкама. У 1938 ажаніўся з паэткай Натальляй Вішнеўскай.

Валеры Маракоў, Янка Бобрык і Яўгенія Пфляўмбаўм гартаюць кнігі зь бібліятэчкі «Маладняка». Менск, 1925 г.

У час нямецка-савецкай вайны па стане здароўя быў зьняты з ваеннага ўліку, але ў жніўні 1941 г. дамогся, каб яму дазволілі стаць добраахвотнікам народнага апалчэньня. У канцы ліпеня 1942 яго зьнясіленага на вуліцы падабралі санітары і адправілі ў бальніцу. 25 жніўня Янка Бобрык памёр і пахаваны на Піскароўскіх могілках.

Творчасьць[рэдагаваць | рэдагаваць крыніцу]

Друкаваўся з 1924 году. Выдаў зборнік вершаў «Пунсовае раньне» (1926, разам з Алесем Звонакам і Янкам Туміловічам). Аўтар паэмы «Галіна» (1930) пра жыцьцё вясковай інтэлігенцыі. Выступаў у друку з апавяданьнямі і нарысамі.

Літаратура[рэдагаваць | рэдагаваць крыніцу]

  • Грахоўскі С. Так і было. — Мн., 1986. С. 160—163.
  • Грахоўскі С. «Кветкі і вечны агонь»//www.grahouski.org/ (Успаміны. Публіцыстыка)
  • Бобрык Янка (Іван Іванавіч) // Магілёўская абласная бібліятэка

Вонкавыя спасылкі[рэдагаваць | рэдагаваць крыніцу]

Commons-logo.svg Янка Бобрыксховішча мультымэдыйных матэрыялаў