Ява́нскае мо́ра — міжастраўное мора Ціхага акіяна, разьмешчанае паміж астравамі Барнэо, Сулавэсі, Суматра і Ява. Плошча мора 310 тысяч км², глыбіня сягае 30—80 м. Яванскае мора сфармавалася ў канцы апошняга ледавіковага пэрыяду. Пратока Карымата на паўночным захадзе злучае яго з Паўднёва-Кітайскім морам. Хоць мора звычайна ўважаецца часткай заходняй часткі Ціхага акіяна[1][2], Яванскае мора часам прылічваюць да мораў Індыйскага акіяна[3].
