Юры Зісер

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Юры Зісер
Yuri Zisser.jpg
Род дзейнасьці прадпрымальнік, праграміст
Дата нараджэньня 28 чэрвеня 1960
Месца нараджэньня Львоў, Украіна
Дата сьмерці 17 траўня 2020
Месца сьмерці Менск, Беларусь
Грамадзянства Беларусь
Беларусь
Альма-матэр Паўночна-Заходні дзяржаўны завочны тэхнічны ўніверсітэт[d] і Беларуская дзяржаўная акадэмія музыкі
Занятак бізнэсмэн
Сайт http://zisser.by/

Ю́ры Анатолевіч Зі́сер (28 чэрвеня 1960 году, Львоў - 17 траўня 2020, Менск) — беларускі прадпрымальнік, дырэктар і ўласьнік УП «Надзейныя праграмы», генэральны дырэктар, заснавальнік і ўласьнік найбуйнейшага ў Беларусі парталу TUT.BY.[1]

Біяграфія[рэдагаваць | рэдагаваць крыніцу]

Юры Зісер нарадзіўся 28 чэрвеня 1960 году ў Львове, Украіна. Скончыў Паўночна-Заходні політэхнічны інстытут у Санкт-Пецярбургу па спэцыяльнасьці «Электронныя вылічальныя машыны». У 1977—1994 гадах працаваў праграмістам, сыстэмным аналітыкам і кіраваў рознымі праектамі.[2]

У Менску жыве з 1987 году. Колькі годы быў сыстэмным праграмістам у НДІ анкалёгіі ды мэдычнае радыёлёгіі ў Бараўлянах, займаўся навукай.

У 1992 годзе заснаванае ўнітарнае прадпрыемства «Надзейныя праграмы» (рас. «Надёжные программы»). Пасьля адукацыйнае паездкі ў ЗША ў 1999 годзе загарэўся ідэяй стварыць беларускі аналяг Yahoo. Так у 2000 годзе пад эгідай УП «Надзейныя праграмы» быў створаны інтэрнэт-партал TUT.BY, які цяпер зьяўляецца найбольш папулярным інтэрнэт-рэсурсам у Байнэце.[3]

Юры Зісер сканаў 17 траўня 2020 году пасьля працяглай хваробы [4].

Грамадзская дзейнасьць[рэдагаваць | рэдагаваць крыніцу]

Юры Зісер вядомы захапленьнем клясычнае музыкай. У 2013 годзе паступіў у Беларускую дзяржаўную акадэмію музыкі на клясу аргану, які пасьпяхова скончыў у 2015-м годзе. Актыўна займаўся аднаўленьнем арганаў Беларусі. Пры ягонай фінансавай падтрымцы былі адноўленыя арганы ў Менску, Нясьвіжы, Пінску.

У 2019 годзе Ю. Зісер далучыўся да звароту перапахаваць К. Каліноўскага ў Беларусі.[5]

Крытыка[рэдагаваць | рэдагаваць крыніцу]

Юры Зісер быў членам Грамадзка-кансультатыўнай рады пры Адміністрацыі прэзыдэнта А. Лукашэнкі і адным з аўтараў[6] прэзыдэнцкага ўказа №60, які ўзмацняў рэгуляваньне інтэрнэта з боку дзяржавы, абмяжоўваў доступ да рэсурсаў зь незаконным або непажаданым кантэнтам, кантроль за камэнтарамі ў інтэрнэце і за карыстальнікамі [7][8].

На лекцыі ў ЭГУ ў 2011 годзе Ю. Зісер выступаў з апраўданьнем цэнзуры ў інтэрнэце.[6][9]

У 2013 годзе галоўны рэдактар сайта Хартыя-97 Натальля Радзіна абвінаваціла Юрыя Зісера ў супрацы з структурамі аўтарытарнага рэжыма А. Лукашэнкі і атрыманьня выгады ад прыняцьця А. Лукашэнкам указу аб рэгуляваньні інтэрнэту, паводле якога беларускім бізнэсмэнам забаранілі мець хостынг за мяжой. Ю. Зісер, паводле Н. Радзінай, зьяўляўся ўладальнікам найбуйнейшай хостынгавай кампаніі ў Беларусі.[10]

У адказ Юры Зісер прыгразіў прыцягнуць Радзіну да суда[10] і заявіў, што беларускія хостынгавыя кампаніі самі пацярпелі ад згаданага ўказа, будучы вымушанымі перанесьці абсталяваньне з Расеі ў Беларусь.[11]


Бібліяграфія[рэдагаваць | рэдагаваць крыніцу]

  • Зиссер Ю. А. Маркетинг on-line. — Минск: Издательство Гревцова, 2007. — 302 с.
  • Зиссер Ю. А., Мелещенко А. А. Управление разработкой и продвижением программного обеспечения: Учебное пособие. — В 2-х частях. Часть I. Менеджмент. — Минск: БГУИР, 2002. — 163 с.
  • Зиссер Ю. А., Мелещенко А. А. Управление разработкой и продвижением программного обеспечения: Учебное пособие. — В 2-х частях. Часть II. Маркетинг. — Минск: БГУИР, 2002. — 155 с.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]