Эстэр Ледэцка

	Эстэр Ледэцка
Пэрсанальная інфармацыя
Поўнае імя	па-чэску: Ester Ledecká
Нарадзілася	23 сакавіка 1995 (30 гадоў); Прага, Чэхія;
Грамадзянства	Чэхія;
Прафэсійная інфармацыя
Спэцыялізацыя	сноўбордар, гарналыжніца, лыжніца
	Узнагароды і мэдалі honorary citizen of Prague 1[d] (2018)

Э́стэр Ле́дэцка (па-чэску: Ester Ledecká; 23 сакавіка 1995 году) — чэская сноўбардыстка і гарналыжніца. Алімпійская чэмпіёнка ў абодвух гэтых відах спорту.

Кар’ера

Дэбютавала на Кубку сьвету па сноўбордынгу ў сэзоне 2012—2013 гадоў. Падчас наступнага сэзону Ледэцка заняла другое месца ў першым розыгрышы паралельнага слаламу ў Бад-Гаштайне і трэцяе ў другім. Пасьля гэтага здабыла золата ў Рогле ў паралельным гіганцкім слаламе на тых жа спаборніцтвах, стаўшы першай чэшкай, якая дасягнула гэтага^[4]. Спартоўка дэбютавала на зімовых Алімпійскіх гульнях 2014 году 19 лютага ў паралельным гіганцкім слаламе па сноўбордынгу. У 2015 годзе чэшка перамагла ў паралельным слаламе на чэмпіянаце сьвету 2015 году.

У наступным Ледэцка пачала спалучаць сваю кар’еру ў сноўбордынгу з гарналыжным спортам. Гэтак у лютым 2016 году яна дэбютавала этапе Кубку сьвету па гарналыжным спорце ў хуткасным спуску ў Гарміш-Партэнкірхэне^[5]. Ледэцка дэбютавала на зімовых Алімпійскіх гульнях 2018 году ў гарналыжным спорце, адначасова прайшоўшы кваліфікацыю ў сноўбордынгу. Спартоўка нечакана ўзяла залаты мэдаль у супэргіганце па гарналыжным спорце. Пры гэтым спартоўка займала на той час 49-е месца ў клясыфікацыі да Алімпіяды і ааніколі ня брала мэдалёў ані ў адным міжнародным лыжным спаборніцтве ўзроўню Кубка сьвету^[6]. Пасьля перамогі ў паралельным гіганцкім слаламе ў сноўбордынгу яна стала першай спартоўкай у гісторыі, якая выйграла залаты алімпійскі мэдаль у дзьвюх розных дысцыплінах у час адных і тых жа зімовых Алімпійскіх гульняў^[7]. На знак пашаны Ледэцка была абраная сьцяганосцам Чэхіі на цырымонію закрыцьця гульняў^[8].

У сьнежні 2019 году чэшка атрымала сваю першую перамогу на Кубку сьвету па гарналыжным спорце ў хуткасным спуску ў Лэйк-Луіз. Як гарналыжніца ў сьнежні 2020 году выйграла сваю першую гонку на Кубку сьвету ў супэргіганце^[9]. На зімовых Алімпійскіх гульнях 2022 году чэшка паўтарыла свой залаты мэдаль у сноўбордынгу ў паралельным гіганцкім слаламе, а ў гарналыжным спорце заняла пятае месца ў супэргіганце і чацьвертае ў камбінацыі. У 2025 годзе ў трэці раз стала чэмпіёнкай сьвету ў паралельным гіганцкім слаламе.

Крыніцы

1 2 Нацыянальная служба Чэскай рэспублікі (чэс.)
↑ Ester Ledecká // Чэхаславацкая кінабаза (чэс.) — 2001.
1 2 Olympedia (анг.) — 2006.
↑ Lawton, Andrew (05.02.2014) Winter Olympics 2014: Blagger's guide to snowboarding. The Telegraph.
↑ Ester Ledecka surprises ski world. International Ski Federation (09.02.2016). Архіўная копія ад 20.12.2016 г.
↑ Chappell, Bill. 'This Must Be Some Mistake,' Says Snowboarder After Winning Olympic Gold In Skiing // NPR, 17.02.2018 г.
↑ Ester Ledecka: Two sports, two golds, same Olympics // 24.02.2018 г.
↑ Olympiáda skončila, za účasti Ivanky Trumpové i generála, který nechal potopit jihokorejskou loď. lidovky.cz (25.02.2018).
↑ Ester Ledecka adds World Cup super-G win to surprise Olympic title. OlympicTalk (20.12.2020).

Вонкавыя спасылкі

Профіль (анг.) на FISПрофіль (анг.) на FIS

[_a5c70cb81d8c521c-1] 1 2 Нацыянальная служба Чэскай рэспублікі (чэс.)

[_d6649e3853bd02f3-2] Ester Ledecká // Чэхаславацкая кінабаза (чэс.) — 2001.

[_daf7ed47e0ac0800-3] 1 2 Olympedia (анг.) — 2006.

[4] Lawton, Andrew (05.02.2014) Winter Olympics 2014: Blagger's guide to snowboarding. The Telegraph.

[5] Ester Ledecka surprises ski world. International Ski Federation (09.02.2016). Архіўная копія ад 20.12.2016 г.

[6] Chappell, Bill. 'This Must Be Some Mistake,' Says Snowboarder After Winning Olympic Gold In Skiing // NPR, 17.02.2018 г.

[7] Ester Ledecka: Two sports, two golds, same Olympics // 24.02.2018 г.

[8] Olympiáda skončila, za účasti Ivanky Trumpové i generála, který nechal potopit jihokorejskou loď. lidovky.cz (25.02.2018).

[9] Ester Ledecka adds World Cup super-G win to surprise Olympic title. OlympicTalk (20.12.2020).

[1]

[2]

[3]

[4]

[5]

[6]

[7]

[8]

[9]