Эрык Брэнстрэм
| Эрык Брэнстрэм | ||
|---|---|---|
 | ||
| Вага | 78 кг | |
| Пазыцыя | абаронца | |
| Кідок/Ловы | левы[d] | |
| Грамадзянства | ||
| Дата нараджэньня | 2 верасьня 1999 (27 гадоў) | |
| Месца нараджэньня | ||
| Клюб | Лязана | |
| Выступаў за | ||
| Драфт НХЛ | 15, 2017 Вэгас Голдэн Найтс | |
| Гульнявая кар’ера | 2015 — цяпер | |
Э́рык Брэ́нстрэм (па-швэдзку: Erik Brännström; нар. 2 верасьня 1999 году) — швэдзкі хакеіст, абаронца швайцарскага клюбу «Лязана».
Кар’ера
[рэдагаваць | рэдагаваць код]Кар’еру пачаў у клюбе ГВ71 у сэзоне 2015—2016 гадоў[1]. У 2017 годзе на драфце НХЛ быў абраны клюбам «Вэгас Голдэн Найтс» над агульным 15-м нумарам. Ужо ўлетку таго ж году прыехаў у амэрыканскі клюб, склаўшы трохгадовы кантракт пачаткоўца[2], але на новы сэзон застаўся ў швэдзкім клюбе.
.jpg)
25 лютага 2019 году Брэнстрэм быў абменены ў «Атава Сэнатарз» у межах абмену за форвардаў Марка Стоўна і Тубіяса Ліндбэрга. Акрамя Брэнстрэма, атаваўскі клюб атрымаў Оскара Ліндбэрга і выбар у другім раўндзе драфту 2020 году[3]. Па абмене Брэнстрэма накіравалі ў фарм-клюб «Бэльвіль Сэнатарз»[4]. Аднак, 14 сакавіка 2019 году хакеіст дэбютаваў у НХЛ за «Атаву Сэнатарз» у матчы супраць «Сэнт-Луіс Блюз»[5]. Швэд пры гэтым працягваў гуляць у складзе даччынага клюбу ў АХЛ. У кастрычніку 2020 году на час прыяднаўся да швайцарскага клюбу «Лянгнаў Тайгерз», але да канца году вярнуўся ў Канаду. З сэзону 2021—2022 гадоў спартовец ужо стала замацаваўся ў складзе клюбу з НХЛ. Па заканчэньні сэзону, будучы абмежаваным свабодным агентам, Брэнстрэм 1 ліпеня 2023 году падпісаў з «Сэнатарз» аднагадовае падаўжэньне кантракту[6].
Улетку 2024 году як вольны агент склаў працоўную ўгоду з «Каларада Эвэланш»[7]. 31 студзеня 2025 году Брэнстрэм быў абменены ў «Нью-Ёрк Рэйнджарз», але адразу быў накіраваны ў фарм-клюб з АХЛ «Гартфард Ўулф Пак»[8]. 7 сакавіка быў абменены ў «Бафала Сэйбрз», але таксама выступаў там за даччыны клюб з АХЛ[9]. 26 траўня Брэнстрэм падпісаў кантракт з швайцарскім клюбам «Лязана», вярнуўшыся ў швайцарскую лігу. Кантракт быў разьлічаны да заканчэньня сэзону 2027—2028 гадоў[10].
Крыніцы
[рэдагаваць | рэдагаваць код]- ↑ Marie Carlsson. 16-åring får chansen i kvällens SHL-match // Aftonbladet, 10.12.2015 г.
- ↑ Golden Knights sign three first round picks to entry-level contracts. Vegas Golden Knights (16.07.2017).
- ↑ Stone Traded to Golden Knights by Senators for Lindberg, Brannstrom. National Hockey League (25.02.2019).
- ↑ Top prospect assigned to Belleville Senators after major NHL trade deadline deal. The Belleville Intelligencer (25.02.2019).
- ↑ Schuller, Rudi (14.03.2019) Senators to hand Erik Brannstrom NHL debut Thursday vs. St Louis. The Sporting News.
- ↑ Ottawa Senators re-sign Erik Brannstrom to one-year, $2M deal. Sportsnet (01.07.2023).
- ↑ Avalanche sign Erik Brannstrom. Colorado Avalanche (02.07.2024).
- ↑ Sabres’ Erik Brannstrom: Traded again Friday. CBS Sports (07.03.2025).
- ↑ Sabres acquire defenseman Erik Brannstrom from Rangers. Buffalo Sabres (07.03.2025).
- ↑ O'Brien, Derek (26.05.2025) Erik Brännström Signs Multi-Year Deal In Switzerland. The Hockey News.
Вонкавыя спасылкі
[рэдагаваць | рэдагаваць код]- Нарадзіліся 2 верасьня
- Нарадзіліся ў 1999 годзе
- Нарадзіліся ў Швэцыі
- Швэдзкія хакеісты
- Хакеісты зборнай Швэцыі
- Хакеісты клюбу ГВ71 Ёнчэпінг
- Хакеісты клюбу «Чыкага Ўулвз»
- Хакеісты клюбу «Бэльвіль Сэнатарз»
- Хакеісты клюбу «Атава Сэнатарз»
- Хакеісты клюбу «Лянгнаў Тайгерз»
- Хакеісты клюбу «Абатсфард Кэнакс»
- Хакеісты клюбу «Ванкувэр Кэнакс»
- Хакеісты клюбу «Гартфард Ўулф Пак»
- Хакеісты клюбу «Рочэстэр Амэрыканз»
- Хакеісты клюбу «Лязана»