Эрлінг Голян

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Эрлінг Голян
FC RB Salzburg versus SV Mattersburg (4. Juli 2019) 29.jpg
Пэрсанальная інфармацыя
Нарадзіўся 21 ліпеня 2000(2000-07-21)[1][2] (21 год)
Рост 194 см
Вага 87 кг
Пазыцыя нападнік
Клюбная інфармацыя
Клюб Барусія Дортмунд
Нумар 9
Клюбы
Гады Клюб Гульні (галы)¹
2015—2017
2017—2019
2019—2020
2020—
Брунэ
Мольдэ
Рэд Бул
Барусія Дортмунд
16 (0)
39 (14)
16 (17)
49 (49)
Зборныя
2019— Нарвэгія 15 (12)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
16 кастрычніка 2021.
² Колькасьць гульняў і галоў за нацыянальную зборную
ў афіцыйных матчах, адкарэктавана на
7 верасьня 2021.

Э́рлінг Голян (па-нарвэску: Erling Haaland; нар. 21 ліпеня 2000 году) — нарвэскі футбаліст, нападнік нямецкага клюбу «Барусія» з Дортмунду і нацыянальнай зборнай Нарвэгіі. Гулец ёсьць плённым бамбардзірам, вядомым сваёй высокай хуткасьцю, атлетызмам і фінішнымі здольнасьцямі, дзякуючы чаму атрымаў мянушку «Тэрмінатар». Голян лічыцца адным з найлепшых нападнікаў сусьветнага футболу[4].

Кар’ера[рэдагаваць | рэдагаваць крыніцу]

Голян нарадзіўся ў сям’і нарвэскага футбаліста Альфа-Інге Голяна, калі той гуляў яшчэ ў Ангельшчыне. Ва ўзросьце 3 гадоў Эрлінг разам зь сям’ёй пераехалі ў Нарвэгію, дзе хлопец пачаў займацца футболам, гандболам, гольфа і лёгкай атлетыкай. У маладым узросьце быў пераведзены да асноўнай дружыны клюбу «Брунэ», у якім займаўся зь дзяцінства. Дэбютаваў у складзе клюбу 12 траўня 2016 году ў матчы другога дывізіёну супраць «Рангэйму»[5]. Не зважаючы на тое, што у першым прафэсійным сэзоне не адзначыўся голам, аднак, быў заўмажаны нямецкім клюбам «Гофэнгайм». Тым ня менш, Голян у выніку апынуўся ў табары клюбу «Мольдэ», якім кіраваў на той час Уле-Гунэр Сульшэр. Дэбют маладога футбаліста за новы клюб 26 красавіка 2017 году ў матчы Кубка Нарвэгіі супраць ВТІ, забіўшы ў сваім першым жа матчы. Перамога апынулася на рахунку «Мольдэ» (3:2)[6]. 4 чэрвеня 2017 Голян дэбютаваў у чэмпіянаце Нарвэгіі, зьявіўшыся на пляцоўцы на 71-й хвіліне. Ужо на 77-й хвіліне Голян улучыў мяч у браму суперніка і дараваў перамогу сваёй дружыне[7]. Другі свой гол футбаліст забіў 17 верасьня ў матчы супраць «Вікінга», які скончыўся зь лікам 3:2. У першы ж сэзон юнак забіў 4 галы ў 20 матчах[8]. Такім чынам, і ў наступным гулец стаў асноўным нападнікам клюбу. У сэзоне 2018 году Голян стаў найлепшым бамбардзірам на толькі клюбу, але і нарвэскага чэмпіянату. 19 жніўня 2018 году чэмпіён Аўстрыі «Рэд Бул» абвесьціў, што Голян далучыцца да табару клюба 1 студзеня 2019 году, склаўшы пяцігадовы кантракт[9]. Футбаліст узорна ўзяўся за гульню ў новым клюбе, адзначыўшыся галамі ў матчы кубка краіны і чэмпіянаце. 10 жніўня Голян адзначыўся хет-трыкам у матчы супраць «Вольфсбэрга», які скончыўся перамогай зь лікам 5:2. Гэтак жа ўзорна футбаліст выступаў за «Рэд Бул» у матчах Лігі чэмпіёнаў, тройчы ўлучыўшы мяч у браму бэльгійскага «Генка»[10]. Дэбютны сэзон стаў настолькі пасьпяховых для гульца, што адразу зьявіліся чуткі аб пераходзе гульца ў топ-клюбы Эўропы.

Не зважаючы на тое, што Голян стаў трансфэрнай мэтай «Манчэстэр Юнайтэд» і «Ювэнтуса», футбаліст абраў працяг кар’еры ў дортмундзкай «Барусіі», склаўшы дамову 29 сьнежня 2019 году, за тры дні да адкрыцьця зімовага трансфэрнага акна. Нямецкаму гранду гулец абышоўся ў 20 мільёнаў эўра[11][12]. Голян дэбютаваў за дортмундзкі клюб у гасьцявым матчы супраць «Аўгсбургу» 18 студзеня, зьявіўшыся ў другім тайме і адзначыўшыся хет-трыкам за 23 хвілінаў. Клюб перамог зь лікам 5:3[13]. У наступным матчы Голян зноў зьявіўся на пляцоўцы ў другім тайме і ўлучыў мяч у браму «Кёльну» двойчы пасьля зьяўленьня. У хуткім часе нарвэжац стаў асноўным гульцом дружыны, стала забіваючы галы.

Дасягненьні[рэдагаваць | рэдагаваць крыніцу]

«Рэд Бул»:

«Барусія»:

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]