Перайсьці да зьместу

Эрлінг Голян

Зьвесткі зь Вікіпэдыі — вольнай энцыкляпэдыі
Эрлінг Голян
Пэрсанальная інфармацыя
Нарадзіўся 21 ліпеня 2000(2000-07-21)[1][2] (26 гадоў)
Рост 195 см[4]
Вага 87 кг
Пазыцыя нападнік
Клюбная інфармацыя
Клюб Манчэстэр Сіці
Нумар 9
Клюбы
Гады Клюб Гульні (галы)¹
2016—2017 Брунэ[d] 16 (0)
2017—2019 Мольдэ 39 (14)
2019—2020 Рэд Бул Зальцбург 16 (17)
2020—2022 Барусія Дортмунд 67 (62)
2022— Манчэстэр Сіці 132 (112)
Зборныя
2019— Нарвэгія 54 (62)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
19 траўня 2026.
² Колькасьць гульняў і галоў за нацыянальную зборную
ў афіцыйных матчах, адкарэктавана на
5 ліпеня 2026.

Э́рлінг Голян (па-нарвэску: Erling Haaland; нар. 21 ліпеня 2000 году) — нарвэскі футбаліст, нападнік ангельскага клюбу «Манчэстэр Сіці» і нацыянальнай зборнай Нарвэгіі. Гулец ёсьць плённым бамбардзірам, вядомым сваёй высокай хуткасьцю, атлетызмам і фінішнымі здольнасьцямі, дзякуючы чаму атрымаў мянушку «Тэрмінатар». Голян лічыцца адным з найлепшых нападнікаў сусьветнага футболу[5].

Кар’ера

[рэдагаваць | рэдагаваць код]

Пачатак

[рэдагаваць | рэдагаваць код]

Голян нарадзіўся ў сям’і нарвэскага футбаліста Альфа-Інге Голяна, калі той гуляў яшчэ ў Ангельшчыне. Ва ўзросьце 3 гадоў Эрлінг разам зь сям’ёй пераехалі ў Нарвэгію, дзе хлопец пачаў займацца футболам, гандболам, гольфа і лёгкай атлетыкай. У маладым узросьце быў пераведзены да асноўнай дружыны клюбу «Брунэ», у якім займаўся зь дзяцінства. Дэбютаваў у складзе клюбу 12 траўня 2016 году ў матчы другога дывізіёну супраць «Рангэйму»[6]. Не зважаючы на тое, што у першым прафэсійным сэзоне не адзначыўся голам, аднак, быў заўмажаны нямецкім клюбам «Гофэнгайм». Тым ня менш, Голян у выніку апынуўся ў табары клюбу «Мольдэ», якім кіраваў на той час Уле-Гунэр Сульшэр. Дэбют маладога футбаліста за новы клюб 26 красавіка 2017 году ў матчы Кубка Нарвэгіі супраць ВТІ, забіўшы ў сваім першым жа матчы. Перамога апынулася на рахунку «Мольдэ» (3:2)[7]. 4 чэрвеня 2017 Голян дэбютаваў у чэмпіянаце Нарвэгіі, зьявіўшыся на пляцоўцы на 71-й хвіліне. Ужо на 77-й хвіліне Голян улучыў мяч у браму суперніка і дараваў перамогу сваёй дружыне[8]. Другі свой гол футбаліст забіў 17 верасьня ў матчы супраць «Вікінга», які скончыўся зь лікам 3:2. У першы ж сэзон юнак забіў 4 галы ў 20 матчах[9]. Такім чынам, і ў наступным гулец стаў асноўным нападнікам клюбу. У сэзоне 2018 году Голян стаў найлепшым бамбардзірам на толькі клюбу, але і нарвэскага чэмпіянату. 19 жніўня 2018 году чэмпіён Аўстрыі «Рэд Бул» абвесьціў, што Голян далучыцца да табару клюба 1 студзеня 2019 году, склаўшы пяцігадовы кантракт[10]. Футбаліст узорна ўзяўся за гульню ў новым клюбе, адзначыўшыся галамі ў матчы кубка краіны і чэмпіянаце. 10 жніўня Голян адзначыўся хет-трыкам у матчы супраць «Вольфсбэрга», які скончыўся перамогай зь лікам 5:2. Гэтак жа ўзорна футбаліст выступаў за «Рэд Бул» у матчах Лігі чэмпіёнаў, тройчы ўлучыўшы мяч у браму бэльгійскага «Генка»[11]. Дэбютны сэзон стаў настолькі пасьпяховых для гульца, што адразу зьявіліся чуткі аб пераходзе гульца ў топ-клюбы Эўропы.

«Барусія»

[рэдагаваць | рэдагаваць код]
Голян у жоўта-чорнай кашулі «Барусіі».

Не зважаючы на тое, што Голян стаў трансфэрнай мэтай «Манчэстэр Юнайтэд» і «Ювэнтуса», футбаліст абраў працяг кар’еры ў дортмундзкай «Барусіі», склаўшы дамову 29 сьнежня 2019 году, за тры дні да адкрыцьця зімовага трансфэрнага акна. Нямецкаму гранду гулец абышоўся ў 20 мільёнаў эўра[12][13]. Голян дэбютаваў за дортмундзкі клюб у гасьцявым матчы супраць «Аўгсбургу» 18 студзеня, зьявіўшыся ў другім тайме і адзначыўшыся хет-трыкам за 23 хвілінаў. Клюб перамог зь лікам 5:3[14]. У наступным матчы Голян зноў зьявіўся на пляцоўцы ў другім тайме і ўлучыў мяч у браму «Кёльну» двойчы пасьля зьяўленьня. У хуткім часе нарвэжац стаў асноўным гульцом дружыны, стала забіваючы галы.

18 лютага Голян забіў абодва мячы Дортмунда ў пераможным першым матчы супраць «Пары Сэн-Жэрмэну» ў 1/8 фінале Лігі чэмпіёнаў. Тым ня менш, паводле вынікаў двубою парыскі клюб рушыў далей у 1/4 фіналу. Па вяртаньня Бундэсьлігі 16 траўня пасьля паўзу, выкліканай пандэміяй каранавірусу, Голан адкрыў лік сваёй дружыны ў супрацьстаяньні з «Шальке-04» (4:0), то бок запісаўшы на свой рахунак 10-ы гол у бягучым розыгрышы[15]. 20 чэрвеня ён двойчы трапна пацэліў у браму «РБ Ляйпцыгу», і гэтыя два мячы сталіся адзінымі ў сустрэчы. У выніку «Барусія» забясьпела сабе другі радок, які даў магчымасьць узяць удзел у розыгрышы Лігі чэмпіёнаў на наступны сэзон[16].

19 верасьня 2020 году ў першым матчы сэзону 2020—2021 гадоў нападнік двойчы вынікова стрэліў у матчы супраць мёнхэнглядбаскай «Барусіі» (3:0)[17]. Таксама 30 верасьня ён ураўнаваў лік у матчы супраць «Баварыі», але дружына ўсё ж такі трывала паразу 3:2[18]. 7 лістапада футбаліст зноўку ўскалыхнуў сетку за сьпінай брамніка «Баварыі», але клюб чарговы раз прагуляў баварцаў таксама зь лікам 3:2[19]. 21 лістапада нарвэжац адзначыўся чатырма мячамі за 32 хвіліны, забясьпечыўшы клюбу перамогу ў гасьцявым матчы супраць «Гэрты» (2:5)[20]. Дзякуючы гэтым пяці галам у лістападзе, нападнік быў адзначаны прызам як найлепшы гулец месяцу Бундэсьлігі[21]. Голян трапна пацэльваў мячы і ў матчах эўракубкай, але ў канцы году атрымаў траўму сьцягна. У шэрагі дортмундцаў нападнік вярнуўся 3 студзеня 2021 году ў матчы супраць «Вольфсбургу». 9 студзеня спартовец адзначыўся двойчы у пераможным матчы супраць «РБ Ляйпцыгу» (3:1), 22 студзеня дадаў яшчэ два галы на свой рахунак, але гэтым разам каманда трывала паразу ад мёнхэнглядбаскай «Барусіі» (2:4)[22]. 17 лютага гулец зноўку зарабіў дубль і адзін асыстэнцкі пункт у гасьцявым матчы супраць «Сэвільлі» у матчы 1/8 фіналу Лігі чэмпіёнаў. У матчы ў адказ Голян паўтарыў колькасьць галоў і, нават згуляўшы ўнічыю, забясьпечыў выхад у наступны раўнд эўракубка. Пасьля адсутнасьці у двух матчаў праз траўму Голян павярнуўся ў стартавы склад «Барусіі» 13 траўня на фінал Кубка Нямеччыны 2021 году супраць «РБ Ляйпцыгу». Нібыта як па завядзёнцы, нарвэжац двойчы забіў і здабыў з дружынай свай першы тытул у Нямеччыны, а матч скончыўся зь лікам 4:1. Сэзон скончыўся для гульца 27 галамі на рахунку ў чэмпіянаце і 10 галамі ў Лізе чэмпіёнаў, стаўшы найлепшым гульцом году паводле вэрсіі заўзятараў «Барусіі» і найлепшым бамбардзірам у Лізе чэмпіёнаў[23].

Сэзон 2021—2022 гадоў нападнік адзначыўся двума галамі ў пераможным матчы супраць франфуркцкага «Айнтрахту» (5:2)[24]. У наступным Голян праз траўму прапусьціў некалькі матчаў і павярнуўся 16 кастрычніка, дзе двойчы трапна пацэліў у браму «Майнцу» (3:1). Неўзабаве, гулец зноўку атрымаў траўму і вярнуўся ў шэрагі «жоўта-чорных» 27 лістапада, забіўшы свой 50-ы гол у Бундэсьлізе ў пераможным матчы супраць «Вольфсбургу». 14 траўня нарвэжац разьвітаўся з клюбам на Вэстфаленштадыёне ў сваім апошнім матчы за дортмундцаў супраць «Гэрты». У гэтай сустрэчы нападнік забіў першы гол клюбу ў браму «Гэрты», а клюб выгуляў супернікам зь лікам 2:1[25].

«Манчэстэр Сіці»

[рэдагаваць | рэдагаваць код]
Голян (у цэнтры) у барацьбе супраць гульцоў «Ўулвэргэмптану Ўандэрэрз».

10 траўня 2022 году ангельскі клюб «Манчэстэр Сіці» абвесьціў, што дасягнуў пагадненьня аб падпісаньні Голяна, скарыстаўшыся пунктам у дамове з «Барусіяй» аб сплаце 60 млн эўра[26]. Угода была афіцыйна складзеная 13 чэрвеня, а сам гулец павінен далучыцца да клюбу 1 ліпеня на пяць год[27]. Дэбют нападніка прыпаў на 30 ліпеня, згуляўшы 90 хвілінаў матчу Супэркубка Ангельшчыны супраць «Лівэрпулу», якая сконылася паразай «блакітных» зь лікам 1:3. 7 жніўня Голян вынікова пацэліў у браму «Ўэст Гэму Юнайтэд», здабыўшы перамогу зь лікам 2:0[28].

27 жніўня нарвэжац зрабіў свой першы хет-трык у Прэм’ер-лізе ў пераможным матчы супраць «Крыстал Пэлас», які скончыўся зь лікам 4:2[29], а ўжо праз чатыры дні аформіў другі хет-трык, пакрыўдзіўшы «Нотынггэм Форэст». Сустрэча скончылася зь лікам 6:0. Гэта зрабіла Голяна самым хуткім гульцом у гісторыі Прэм’ер-лігі, які зрабіў два хет-трыкі, пераўзвысіўшы папярэдні рэкорд на 14 матчаў[30]. У жніўні нападнік першы раз быў абраны гульцом месяца Прэм’ер-лігі[31]. 2 кастрычніка Голян стаў першым гульцом у гісторыі Прэм’ер-лігі, які ўчыніў хет-трык у трох запар хатніх матчах у пераможнай сустрэчы над «Манчэстэр Юнайтэд» (6:3), а таксама ён аддаў дзьве галявыя перадачы[32]. 22 студзеня 2023 году нарвэжац у чацьверты раз адзначыўся хет-трыкам, гэтым разам у браму «Ўулвэргэмптан Ўандэрэрз». 14 сакавіка ў матчы Лігі чэмпіёнаў ён улучыў пяць галоў у браму «РБ Ляйпцыгу». 20 траўня Голян выйграў свой першы трафэй з «Манчэстэр Сіці», стаўшы чэмпіёнам Ангельшчыны[33]. 24 траўня, зрабіўшы галявую перадачу Філу Фодэну ў нічыйным матчы супраць «Брайтан энд Гоўв Альбіёну», ён дасягнуў 44 сумарных галоў і галявых перадачаў у лізе, тым самым паўтарыўшы рэкорд Т’еры Анры паводле найбольшай колькасьці праведзеных галоў у сэзоне Прэм’ер-лігі з 38 гульняў[34]. У дэбютны сэзон Голян стаў найлепшым бамбардзірам лігі, а таксама ён атрымаў «Залатую буцу», якая ўручаецца найлепшаму бамбардзіру ў Эўропе[35]. Правёўшы 36 галоў у 35 матчах, ён усталяваў новы рэкорд паводле найбольшай колькасьці галоў у сэзоне ангельскай лігі[36]. У той жа сэзон ягоны клюб узяў Кубак Ангельшчыны ды здабыў перамогу ў Лізе чэмпіёнаў.

У кашулі «Манчэстэр Сіці» ў 2023 годзе.

«Манчэстэр Сіці» пачаў свой сэзон Прэм’ер-лігі 2023—2024 гадоў 11 жніўня 2023 году, калі нарвэжац зрабіў галявы дубль у выязным матчы супраць навака «Бэрнлі» (3:0)[37]. Правёўшы тры галы ў пачатку сэзону, футбаліст стаў самым хуткім гульцом, які дасягнуў адзнакі ў 100 галоў у 5 найлепшых лігах Эўропы, дасягнуўшы гэтага ўсяго за 103 матчы, перасягнуўшы папярэдні рэкорд у 100 галоў у 133 матчах, усталяваны Крыштыяну Раналду[38][39]. 2 верасьня ў матчы супраць «Фулгэму» ён запісаў на свой рахунак чарговы хет-трык. 25 лістапада нарвэжац стаў самым хуткім гульцом, які адзначыўся 50-ю галамі у Прэм’ер-лізе, чаго ён дамогся ўсяго за 48 матчаў, скасаваўшы папярэдні рэкорд Эндзі Коўла ў 65 матчаў[40]. Пасьля траўмы косткі ступні, атрыманай у пачатку сьнежня, Голян прапусьціў амаль два месяцы. 14 траўня нападнік улучыў абодва галы ў вырашальным матчы супраць «Тотэнгэм Готспур», у якім «Сіці» перамог зь лікам 2:0, і вярнуў сваю каманду на вяршыню турнірнай табліцы Прэм’ер-лігі за адзін матч да канца сэзону[41]. Празь пяць дзён «Сіці» пасьпяхова абараніў свой тытул, атрымаўшы перамогу над «Ўэст Гэмам» зь лікам 3:1[42]. 25 жніўня і 31 жніўня Голян зрабіў хет-трыкі ў матчах Прэм’ер-лігі, ураўнаўшыся з Гары Кейнам паводле колькасьці хет-трыкаў у Прэм’ер-лізе, якіх на ягоным рахунку стала восем. 22 верасьня скандынавец паўтарыў рэкорд Крыштыяну Раналду, які правёў 100 галоў ува ўсіх спаборніцтвах за адзін клюб у 105 матчах у пяці найлепшых лігах Эўропы, калі ён трапна пацэліў першы гол у матчы супраць «Арсэналу» (2:2)[43].

17 студзеня 2025 году Голян узгодніў новы кантракт з клюбам да 2034 году, у той час як ягоны папярэдні кантракт павінен быў скончыцца толькі ў 2027 годзе[44][45]. Гэта сталася самай працяглай угодай у гісторыі Прэм’ер-лігі. Як паведамлялася, Голян пачаў зарабляць 500 тысяч фунтаў стэрлінгаў у тыдзень згодна з новым пагадненьні[46]. Пасьля таго, як былы капітан клюбу Кайл Ўокер сышоў у арэнду, нарвэжац быў намінаваны на пасаду капітана. У сваім новым амплюа дэбютаваў 15 лютага ў пераможным матчы супраць «Ньюкасл Юнайтэд», які скончыўся зь лікам 4:0[47]. Пасьля таго, як 15 сакавіка Голян пацэліў мяч у браму «Брайтан энд Гоўв Альбіёну», ён абышоў Алана Шырэра і стаў самым хуткім гульцом, які дасягнуў адзнакі ў 100 галоў у Прэм’ер-лізе, зрабіўшы гэта за 94 матчаў[48]. Гулец завяршыў сэзон Прэм’ер-лігі з 22 галамі на рахунку, саступіўшы Магамэду Салягу і Аляксандру Ісаку, правёўшы гол у апошні дзень сэзону ў пераможным матчы супраць «Фулгэму» зь лікам 2:0[49]. 31 жніўня 2025 году нападнік вынікова пацэліў мяч у браму «Брайтан энд Гоўв Альбіёну» і стаў гульцом з найбольшай колькасьцю галоў (88) у сваіх першых 100 матчах у Прэм’ер-лізе, перасягнуўшы рэкорд Алана Шырэра, які за першыя 100 матчаў меў толькі 79 галоў[50].

Дасягненьні

[рэдагаваць | рэдагаваць код]

«Рэд Бул»:

«Барусія»:

«Манчэстэр Сіці»:

Крыніцы

[рэдагаваць | рэдагаваць код]
  1. ↑ Erling Braut Haland // Transfermarkt (мн.) — 2000.
  2. ↑ Erling Braut Håland // FBref (анг.)
  3. ↑ Erling Haaland // Transfermarkt (мн.) — 2000.
  4. ↑ https://www.premierleague.com/players/65970/Erling-Haaland/overview
  5. ↑ «Is Erling Haaland the best striker in the world?». Optus Sport.
  6. ↑ «Rødt kort og tap da Håland debuterte». Jærbladet.
  7. ↑ «Solskjær hyller stortalentet Erling Braut Håland (17): — Ekkel å spille mot». Verdens Gang.
  8. ↑ «Alfies sønn (16) fikk Molde-debut: Gult kort etter 65 sekunder». Verdens Gang.
  9. ↑ «Erling Braut Haaland — Tipico Bundesliga». Alt Om Fotball.
  10. ↑ «Servus in Salzburg Erling Halend». FC Red Bull Salzburg.
  11. ↑ «Champions League roundup: Håland makes history in Salzburg romp as Barça are held». The Guardian.
  12. ↑ «BVB verplichtet Erling Haaland». Borussia Dortmund.
  13. ↑ «Erling Braut Haaland: Borussia Dortmund sign striker from Red Bull Salzburg». BBC Sport.
  14. ↑ «FC Augsburg 3–5 Borussia Dortmund: Erling Braut Haaland scores hat-trick on debut». BBC Sport.
  15. ↑ «Dortmund’s Haaland scores Bundesliga’s first goal upon league’s return». ESPN.
  16. ↑ «Haaland goals secure Bundesliga runner-up spot for Dortmund». Associated Press News.
  17. ↑ «Jung, entschlossen, talentiert — Borussia Dortmund begeistert zum Start». Bundesliga.
  18. ↑ «Bayern Munich beat Borussia Dortmund to claim German Super Cup». ESPN.
  19. ↑ «Bayern hold on to win Klassiker thriller». Sky Sports.
  20. ↑ «Haaland scores four as BVB come from behind to win in Berlin». Borussia Dortmund.
  21. ↑ «Erling Haaland named Bundesliga Player of the Month for November». BuliNews.
  22. ↑ «Borussia Mönchengladbach leapfrog Borussia Dortmund in six-goal thriller». Bundesliga.
  23. ↑ «Champions League Forward of the Season: Erling Haaland». UEFA.
  24. ↑ «Erling Haaland orchestrates big Borussia Dortmund win against Eintracht Frankfurt». Bundesliga.
  25. ↑ «Haaland bids farewell to Borussia Dortmund, scores against Hertha Berlin». Anadolu Agency.
  26. ↑ «Erling Haaland: Manchester City agree to sign Norway striker from Borussia Dortmund for £51.2m». BBC Sport.
  27. ↑ «City Complete Haaland Transfer». Manchester City F.C.
  28. ↑ «Erling Haaland 'born to score goals', says Pep Guardiola after City victory». The Guardian.
  29. ↑ Haaland’s 19-minute Manchester City hat-trick puts out Crystal Palace's fire. The Guardian (27.08.2022). Архіўная копія ад 22.09.2022 г.
  30. ↑ Haaland scores hat-trick as Manchester City hit Nottingham Forest for six. The Guardian (31.08.2022). Архіўная копія ад 20.09.2022 г.
  31. ↑ Haaland voted August EA SPORTS Player of the Month // Premier League, 16.09.2022 г.
  32. ↑ Gastelum, Andrew Man City's Erling Haaland, Phil Foden Net Hat Tricks in Manchester Derby // Sports Illustrated. — 02.10.2022.
  33. ↑ Unwin, Will. Manchester City win Premier League title for fifth time in six seasons // The Guardian, 20.05.2023 г. Архіўная копія ад 20.05.2023 г.
  34. ↑ Furniss, Matt (24.05.2023) Most Goal Involvements in a Premier League Season. The Analyst. Архіўная копія ад 24.05.2023 г.
  35. ↑ The Golden Shoe. European Sports Magazines. Архіўная копія ад 18.03.2022 г.
  36. ↑ Haaland claims 2022/23 Golden Boot // Premier League, 28.05.2023 г. Архіўная копія ад 31.05.2023 г.
  37. ↑ McNulty, Phil (11.08.2023) Burnley 0–3 Manchester City: Erling Haaland scores twice in opening win. BBC Sport. Архіўная копія ад 11.08.2023 г.
  38. ↑ @BeSoccer_Pro [] — «Erling Haaland llega a los 100 goles en las grandes ligas. Es el que ha necesitado menos partidos para ello» — 11 August 2023. — (Тўіт праз Twitter).
  39. ↑ Brajkovic, Josip (12.09.2023) Fastest players in the top five leagues to reach 100 goals. InsideSport.com.
  40. ↑ Erling Haaland: Manchester City striker makes Premier League history against Liverpool. BBC Sport (25.11.2023).
  41. ↑ Haaland double takes Man City top ahead of final day // Premier League, 14.05.2024 г.
  42. ↑ Gillespie, Tom. Manchester City win record-breaking fourth Premier League title in a row // Sky News, 19.05.2024 г.
  43. ↑ Haaland nets 100th City goal; ties Ronaldo record // ESPN, 22.09.2024 г.
  44. ↑ Leigh, Neil. Here To Stay: Haaland signs new 10-year City contract! // Manchester City F.C., 17.01.2025 г.
  45. ↑ Ducker, James. Erling Haaland signs nine-and-a-half-year contract extension at Manchester City // The Daily Telegraph, 17.01.2025 г.
  46. ↑ Erling Haaland signs lucrative new contract with Man City until 2034 // 17.01.2025 г.
  47. ↑ Guardiola: I nominated Erling as a captain // Manchester City F.C., 15.02.2025 г.
  48. ↑ Begley, Emlyn (15.03.2025) Haaland reaches 100 goal involvements in record time. BBC Sport.
  49. ↑ Hafez, Shamoon (25.05.2025) Fulham 0–2 Manchester City
  50. ↑ Haaland sets goalscoring standard after 100 Premier League appearances. Manchester City F.C. (31.08.2025).

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Эрлінг_Голян&oldid=2673146»