Эмануэль Макрон

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Эмануэль Макрон
Эмануэль Макрон у 2015 годзе
Эмануэль Макрон у 2015 годзе
Прэзыдэнт Францыі
14 траўня 2017 году — цяперашні час
Папярэднік: Франсуа Алянд
Асабістыя зьвесткі:
Нарадзіўся: 11 сьнежня 1977 (39 гадоў)
Ам’ен, Сома, Францыя
Нацыянальнасьць: француз
Партыя: Наперад;
Сацыялістычная партыя Францыі
Сужэнец: Брыжыт Транье
Бацькі: Жан-Мішэль Макрон
Франсуаза Макрон
Адукацыя: вышэйшая
Рэлігія: каталік[Крыніца?]
Emmanuel Macron signature.svg

Эмануэль Макрон (па-француску: Emmanuel Macron; нарадзіўся 21 сьнежня 1977 году, Ам’ен, Францыя) — францускі палітык, былы інвэстыцыйны банкір. 26 жніўня 2014 году ён быў прызначаны міністрам гаспадаркі, прамысловасьці й лічбавых справаў у другім ўрадзе Вальса. Падаў у адстаўку 30 жніўня 2016 году. Перамог на прэзыдэнцкіх выбарах 2017 году ў Францыі. Прэзыдэнт Францыі з 14 траўня 2017 году.

Сябра Сацыялістычнай грамады з 2006 па 2009 год, Макрон быў прызначаны намесьнікам Генэральнага пісара пры першым урадзе Франсуа Алянда ў 2012 годзе, быў прызначаны міністрам гаспадаркі, прамысловасьці й лічбавых справаў ў 2014 годзе. Ён сышоў у адстаўку ў жніўні 2016 году, каб пачаць удзел ў 2017 годзе ў прэзыдэнцкіх выбарах. У лістападзе 2016 году, Макрон заявіў, што будзе ўдзельнічаць у выбарах пад сьцягам грамады Наперад. Гэтая грамада па сваіх поглядах блізкая да сацыялістаў заснаваная ў красавіку 2016 годзе.

Раньняе жыцьцё[рэдагаваць | рэдагаваць крыніцу]

Нарадзіўся ў Ам'ене. Эмануэль Жан-Мішэль Фрэдэрык Макрон сын Франсуазы (лякарка) і Жана-Мішэля Макрона (прафэсара нэўралёгіі ва Ўнівэрсітэце Пікардыі). Выхаваны ў нерэлігійнай сям’і, ён быў ахрышчаны каталіком па ўласным жаданьні ва ўзросьце 12 гадоў.

Эмануэль Макрон вучыўся ў ліцэі ў Амьене, перш чым яго бацькі паслалі вучыцца ў школе-ліцэй імя Генрыха Чацьвертага ў Парыжы. Ён вывучаў філязофію ва ўнівэрсытэце ў Парыжы.

Каля 1999 году ён працаваў у якасьці памочніка Поля Рыкёра, французскага пратэстанцкага філёзафа, які тады пісаў сваю апошнюю буйную працу.

Макрон далей вучыўся ў розных навучальных установах. Мае ступень магістра ў галіне грамадзкіх адносін.

Дзяржаўная дзенасьць[рэдагаваць | рэдагаваць крыніцу]

Макрон працаваў інспэктарам фінансаў у Міністэрстве гаспадаркі Францыі ў пэрыяд паміж 2004 і 2008. У 2007 годзе ён займаў пасаду намесьніка дакладчыка для Рады па паляпшэньню французскага гаспадарчага росту на чале з Жакам Аталям. Макрон у 2008 годзе пайшоў працаваць у якасьці інвэстыцыйнага банкіра на высокааплатную пасаду ў банк Ротшыльда.

Макрон быў членам Сацыялістычнай партыіз 2006 па 2009 год. Макрон працуе як французскі міністар па пытаньнях гаспадаркі й фінансаў. З 2012 па 2014 год ён займаў пасаду памочніка па пытаньнях гаспадаркі пры прэзыдэнце Аляндзе. Ён быў прызначаны міністрам гаспадаркі й фінансаў 26 жніўня 2014 году.

Падаў у адстаўку 30 жніўня 2016 году. Перамог у прэзыдэнцкіх выбарах 2017 году ў Францыі.

Прэзыдэнт Францыі з 14 траўня 2017 году.

Выбары 2017[рэдагаваць | рэдагаваць крыніцу]

Асноўны артыкул: Прэзыдэнцкія выбары ў Францыі 2017 году

Пад час выбараў Эмануэль Макрон у першым туры набраў 23,9 % галасоў[1][2][3]. Існуе шмат апытаньняў, дзе Макрон атрымае большасьць галасоў й стане кіраўніком Францыі[4][5]. Па выніках другога тура Эмануэль Макрон перамог набраўшы 66,06%[6]. Нацыяналістка Марын Лё Пэн атрымала 33,94% галасоў выбаршчыкаў[7].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Эмануэль Макронсховішча мультымэдыйных матэрыялаў