Эльфсборг Бурос

Эльфсборг
Поўная назва	Idrottsföreningen Elfsborg
Заснаваны	26 чэрвеня 1904
Горад	Бурос, Швэцыя
Стадыён	Бурос Арэна Умяшчальнасьць: 17 800
Галоўны трэнэр	Оскар Гільемарк[d]
Чэмпіянат	Альсвэнскан
· 2025	8 месца
Галерэя здымкаў у Вікісховішчы elfsborg.se (швэд.)

«Эльфсборг» (па-швэдзку: Elfsborg) — швэдзкі футбольны клюб з гораду Буросу. Шасьціразовы чэмпіён Швэцыі, трохразовы ўладальнік Кубка Швэцыі.

Гісторыя

Клюб быў заснаваны ў 1904 годзе групай моладзі, якім было каля 14—15 гадоў. Першапачаткова клюб меў назоў «Буроскі футбольны клюб» (швэдз. Borås Fotbollslag). Адным з заснавальнікаў быў Карл Лярсан, які ў дадатак да футболу таксама займаўся лёгкай атлетыкай і барацьбой. Адной з прычынаў стварэньня клюбаў было тое, што спартовае таварыства Буросу не жадала адкрываць сэкцыю футболу ў горадзе.

Карл Лярсан, аднак, празь некаторы час выявіў, што ў месцы маецца занадта шмат клюбаў, якія ў сваёй назьве зьмяшчаюць імя гораду. Праз гэта Лярсан прапанаваў у 1906 годзе зьмяніць назоў на «Эльфсборг». Назва паходзіць ад лэну Эльфсборг (швэдз. Älvsborg; цяпер частка лэну Вэстра Ёталянд), у складзе якога знаходзіўся Бурос, аднак, пры гэтым Лярсан выкарыстаў старую артаграфію ў напісаньні назвы. Клюбныя колеры, жоўты і чорны, былі абраныя ў гонар Эльфсборскага палку, які месьціўся ў Буросе.

Дасягненьні

• Чэмпіён Швэцыі:
  • 1936, 1939, 1940, 1961, 2006, 2012

• Уладальнік Кубка Швэцыі:
  • 2001, 2003, 2014

Вонкавыя спасылкі

• Афіцыйны сайт