Эльвіра Эбэрг

Агульная інфармацыя
Эльвіра Эбэрг

Грамадзянства	Швэцыя^[1]
Нарадзілася	26 лютага 1999(1999-02-26)^[1] (26 гадоў) Юкас’ярві^[d], Кіруна, Нарботэн, Швэцыя^[1]
Рост	176 см
Вага	72 кг
Кубак сьвету (у тым ліку Алімпійскія гульні)

Эльві́ра Э́бэрг (па-швэдзку: Elvira Öberg; 26 лютага 1999 году) — швэдзкая біятляністка. Уладальніца залатога і срэбных мэдалёў зімовых Алімпійскіх гульняў^[2].

Кар’ера

Пачала займацца біятлёнам дзякуючы старэйшай сястры Ганны. У 2017 годзе пачала браць удзел у юніёрскіх спаборніцтвах.

Дэбют у Кубку сьвету для спартоўкі адбыўся 1 сьнежня 2019 году ў родным Эстэрсундзе, дзе яна адразу заняла 12-е месца^[3], разьмясьціўшыся ў пратаколе адразу за сваёй сястрой. На гэтым жа этапе ў складзе швэдзкай каманды заняла трэці радок у эстафэце. Маючы здавальняючыя вынікі ў першай частцы сэзону была ўлучаная ў заяўку на ўдзел у чэмпіянаце сьвету ў Антгольцы, дзе ейным найлепшым асабістым вынікам быў 13-ы радок у спрынце. У першым паўнавартысным сэзоне 2020—2021 гадоў біятляністка стала ўладальніцай сваіх першых мэдалёў Кубка сьвету, але ў другой палове сэзону вынікі пагоршыліся.

Два пераднавагодніх этапы ў канцы 2021 году сталі найлепшым адрэзкам для спартоўкі ў каляндарным годзе, бо яна здабыла першую асабістую перамогу ў гонцы перасьледу ў Ансі ды там жа перамагла і ў гонцы агульнага старту. Да зімовых Алімпійскіх гульняў 2022 году ў Пэкіне Эбэрг падыходзіла на трэцім радку ў агульным заліку і была адною з галоўных прэтэндэнтак на мэдалі. У выніку швэдка ўзяла два срэбныя мэдалі ў асабістым старце ды стала алімпійскай чэмпіёнкай у складзе зборнай у эстафэце. Па Алімпіядзе этапы склаліся для атлеткі агулам няўдала, але ў агульным заліку Кубка сьвету яна была другой.

На чэмпіянаце сьвету 2024 году ў Новэ-Места швэдка ўзяла два бронзу ў мяшанай эстафэце і срэбра ў жаночай эстафэце. Кубак сьвету скончыўся для спартоўкі на 7-м радку ў агульным заліку. Эбэрг вельмі ўдала правяла чэмпіянат сьвету 2025 годзе, дзе ўзяла тры мэдалі розных гатункаў. Пры гэтым золата было здабытае ў мас-старт, срэбра атрыманае ў перасьледзе ды бронза была ўручаная за вынік у эстафэце. Паводле вынікаў сэзону Кубка сьвету спартоўка была чацьвертай.

Крыніцы

^ ^а ^б ^в ^г ^д ^е ^ё Öberg, Elvira Karin // Sveriges befolkning 2000 (шв.) — Sveriges Släktforskarförbund, 2020.
^ Silver till Elvira Öberg efter stark avslutning // Sveriges Television, 11.02.2022 г.
^ Elvira Öberg hyllas – efter supersträckan // Expressen, 08.12.2019 г.

Вонкавыя спасылкі

Старонка на IBU.

[_510c444a5f6deed6-1] а ^б ^в ^г ^д ^е ^ё Öberg, Elvira Karin // Sveriges befolkning 2000 (шв.) — Sveriges Släktforskarförbund, 2020.

[2] Silver till Elvira Öberg efter stark avslutning // Sveriges Television, 11.02.2022 г.

[3] Elvira Öberg hyllas – efter supersträckan // Expressen, 08.12.2019 г.

[1]

[2]

[3]