Шалён-ан-Шампань

	Шалён-ан-Шампань
	Châlons-en-Champagne
Герб Шалён-ан-Шампань
Рэгіён:	Гранд-Эст
Дэпартамэнт:	Марна
Плошча:	26,05 км²
Насельніцтва:	44 899 (2013)
Часавы пас:; • летні час:	UTC+1 ; UTC+2
Паштовы індэкс:	51000
Геаграфічныя каардынаты:	48°57′27″ пн. ш. 4°21′54″ у. д. / 48.9575° пн. ш. 4.365° у. д.Каардынаты: 48°57′27″ пн. ш. 4°21′54″ у. д. / 48.9575° пн. ш. 4.365° у. д.
	Шалён-ан-Шампань на мапе Францыі Шалён-ан-Шампань
	Галерэя здымкаў у Wikimedia Commons
	http://www.chalons-en-champagne.net/

Шалён-ан-Шампань (па-француску: Châlons-en-Champagne) — горад і камуна на паўночным усходзе Францыі, на рацэ Марна, адміністрацыйны цэнтар дэпартамэнту Марна ў рэгіёне Гранд-Эст. Да 1 студзеня 2016 зьяўляўся сталіцай рэгіёну Шампань-Ардэны, хоць ён у чатыры разы меншы за Рэймс і саступае па насельніцтву традыцыйнай сталіцы Шампані, гораду Труа. Насельніцтва складе 44 899 чалавек (2013).

Пасьля Вялікай Францускай рэвалюцыі горад быў перайменаваны ў Шалён-на-Марне, але ў 1998 годзе афіцыйна вярнуў сваю гістарычную назву.

Гісторыя[рэдагаваць | рэдагаваць крыніцу]

Да прыходу рымлянаў на месцы Шалёну знаходзілася галоўнае паселішча гальскага племені каталяўнаў. У Рымскай імпэрыі горад называўся Durocatalaunum. У 451 годзе дзесьці паблізу адбылася знакамітая бітва на Каталяўнскіх палях.

У Сярэднявеччы горадам кіравалі біскупы, найбольш вядомы сярод якіх Гіём з Шампо. У XV стагодзьдзі мясцовыя жыхары двойчы абаранялі горад ад ангельцаў. У 1589 годзе кароль Генрых IV перавёў у Шалён парлямэнт з варожага яму Парыжа.

У гады Другой імпэрыі пад Шалён быў уладкованы найбуйнейшы ў краіне ваенны лягер, які да гэтага часу не страціў свайго ваеннага значэньня. Гістарычныя помнікі Шалёну моцна пацярпелі падчас бамбаваньняў у красавіку й ліпені 1944 году.

Вонкавыя спасылкі[рэдагаваць | рэдагаваць крыніцу]

Шалён-ан-Шампань — сховішча мультымэдыйных матэрыялаў

Афіцыйны сайт(недаступная спасылка)

Гэта — накід артыкула па Францыі. Вы можаце дапамагчы Вікіпэдыі, пашырыўшы яго.