Часлаў Ханяўка
Часлаў Ханяўка | |
| Род дзейнасьці | палітык |
|---|---|
| Дата нараджэньня | 26 траўня 1909 |
| Месца нараджэньня | Рыга, Латвія |
| Дата сьмерці | 2 ліпеня 1988 |
| Месца сьмерці | Саўт-Рывер, ЗША |
| Месца пахаваньня | |
| Месца вучобы | |
| Сябра ў | Беларускі камітэт[d], Беларускі камітэт[d] і Беларускі камітэт |
Часлаў Ханяўка (нар. 26 траўня 1909, Рыга — † 2 ліпеня 1988, Саўт-Рывер) — беларускі палітычны й грамадзкі дзеяч.
Біяграфія
[рэдагаваць | рэдагаваць крыніцу]Нарадзіўся 26 траўня 1909 году ў Рызе ў Казімера Іванавіча Ханяўкі й яго жонкі Алены, народжанай Каранько. Сямʼя паходзіла з Будслава. 7 чэрвеня таго ж году быў ахрышчаны ў Рыскім парафіяльным касьцёле кс. Довгялловичам. Хроснымі сталі Эдвард Будзька і Аляксандра Гульбінская[1]. Стрыечны брат Вінцэнта Жук-Грышкевіча.
Скончыў Віленскую беларускую гімназію і агранамічны факультэт Віленскага ўнівэрсытэту. Пад час вучобы ва ўнівэрсытэце быў сябрам Беларускага студэнцкага саюзу й закладнікам студэнцкай карпарацыі Скарынія, дзе абіраўся сакратаром праўленьня ў 1931 годзе[2] й намесьнікам старшыні ў 1933 годзе[3].
У Другую сусьветную вайну ў 1939 годзе ў Вільні разам зь іншымі беларускімі дзеячамі заснаваў Беларускую незалежніцкую партыю, паводле Вацлава Пануцэвіча, быў адным зь ініцыятараў заснаваньня партыі. У 1940 годзе разам з Вінцэнтам Гадлеўскім, перабіраецца ў Варшаву. Падчас нямецкай акупацыі дзейнічаў у Беларускім камітэце ў Беластоку і Беларускім камітэце ў Варшаве[4].
З пачатку 1950-х жыў у ЗША ў Саўт-Рыверы. Актыўна дзейнічаў у беларускім асяродзьдзі. 16 сьнежня 1951 году ўдзельнічаў у першым паседжаньні ініцыятыўнай групы па стварэньні Беларускага інстытуту навукі й мастацтва ў Нью-Ёрку[5].
Зьяўляўся адным з кіраўнікоў арганізацыі «Беларуска-амэрыканская дапамога» ў Нью-Ёрку, створанай з ініцыятывы Беларуска-амэрыканскага задзіночаньня[6]. У 1962 годзе цяжка захварэў, пра гэта прэзыдэнт Рады БНР Вінцэнт Жук-Грышкевіч пісаў так: «Шкада, што Чэсь пісаць ня можа, бо пісаць ён мог і мае аб чым...»[4].
З жонкай Марыяй (1910—2005) — арганізатар і ўдзельніца беларускіх сустрэч і мерапрыемстваў у Амэрыцы. Пахаваная побач з мужам на беларускіх могільніках Жыровіцкай Божай Маці ў Іст-Брансьвіку (ЗША) — меў дачку Рагнеду.
Памёр 2 ліпеня 1988 году ў Саўт-Рыверы ЗША. Пахаваны на беларускіх могілках Жыровіцкай Божай Маці ў Іст-Брансьвіку (ЗША).
Крыніцы
[рэдагаваць | рэдагаваць крыніцу]- ^ Латвійскі дзяржаўны гістарычны архіў Latvijas Valsts vēstures arhīvs (LVVA). — 632.2.55, л. 15 аб.-16.
- ^ Chronika. Z žyćcia korporacyi. (бел.) // Novaja varta : часопіс. — krasavik 1932. — № 2. — С. 29.
- ^ Chronika. Prezydyjum KI na 1933/34 ak. hod. (бел.) // Novaja varta : часопіс. — sakavik 1934. — № 3. — С. 16.
- ^ а б Сяргей Ёрш. Вяртаньне БНП. Асобы і дакумэнты Беларускай Незалежніцкай Партыі / прадмова — Алег Дзярновіч. — Менск—Слонім: БГАКЦ, 1998. — С. 6, 83. — 185,VIII с. — (Архіў Найноўшае Гісторыі). — ISBN 985-6012-62-7
- ^ Натальля Гардзіенка. (16 сьнежня 2012) Эміграцыйная гісторыя ў падзеях. 16 снежня. БІНіМ Дзёньнік падарожжа па жыцьці
- ^ Вітаўт Кіпель. Беларусы ў ЗША / параклад Сяргея Шупы. — [[|]]. — Менск: Беларусь, 1993. — С. 187, 241. — 352 с. — ISBN 5-338-00884-X
Літаратура
[рэдагаваць | рэдагаваць крыніцу]- Леанід Галяк. Успаміны. Кніга 1. — ЗША: Летапіс, 1982. — С. 56, 62, 63, 65.
- Лена Глагоўская. Вячаслаў Харужы. Календарыюм. (бел.) // Czasopis : часопіс. — 2009. — № 5. — С. 25. — ISSN 1230-1876.
- Вітаўт Кіпель. Беларусы ў ЗША / Уступны нарыс і навуковы рэдактар Натальля Гардзіенка. — Трэцяе менскае выданьне. — Менск: Кнігазбор, 2020. — С. 290, 397, 496. — 656 с. — (Бібліятэка Бацькаўшчыны; кн. 40). — 100 ас. — ISBN 978-985-7227-64-8
Вонкавыя спасылкі
[рэдагаваць | рэдагаваць крыніцу]- Натальля Гардзіенка. (16 сьнежня 2012) Эміграцыйная гісторыя ў падзеях. 16 снежня. БІНіМ Дзёньнік падарожжа па жыцьці