Царква Сьвятога Перамяненьня Гасподняга (Медна)
| Славутасьць | |
Царква Сьвятога Перамяненьня Гасподняга
| |
.jpg)
| |
| Краіна | Беларусь |
| Вёска | Медна |
| Каардынаты | 51°51′13.7″ пн. ш. 23°44′52.6″ у. д. / 51.853806° пн. ш. 23.747944° у. д.Каардынаты: 51°51′13.7″ пн. ш. 23°44′52.6″ у. д. / 51.853806° пн. ш. 23.747944° у. д. |
| Канфэсія | Беларускі экзахат |
| Эпархія | Берасьцейская |
| Дата пабудовы | 1848 год |
| Статус | ахоўваецца дзяржавай |
| Стан | дзейнічае |
Царква Сьвятога Перамяненьня Гасподняга на мапе Беларусі   Царква Сьвятога Перамяненьня Гасподняга | |
 Царква Сьвятога Перамяненьня Гасподняга на Вікісховішчы
| |
Царква Сьвятога Перамяненьня Гасподняга — праваслаўная царква, помнік народнага дойлідзтва й гісторыка-культурніцкая каштоўнасьць Беларусі. Знаходзіцца на паўднёвай ускраіне вёскі Медна Берасьцейскага раёну Берасьцейскае вобласьці.
Гісторыя[рэдагаваць | рэдагаваць крыніцу]
У 1848 годзе на сродкі мясцовых жыхароў ды аканома маёнтку Кавалеўская з дрэва была пабудаваная царква на месцы старажытнае драўлянае капліцы.
Апісаньне[рэдагаваць | рэдагаваць крыніцу]
Архітэктурная выразнасьць храму дасягаецца сродкамі прасторава разьвітае аб’ёмнае кампазыцыі. Да прамавугольнага ў пляне зрубу празь невялікі бабінец далучаецца зграбная аднаярусная званіца аднолькавае вышыні з асноўным аб’ёмам і накрытая двухсхільным гонтавым дашкам з макаўкай па цэнтры. Эфэктна выглядае рытмічнае спалучэньне трохвугольных абшытых «у елку» франтонаў гонтавых дахаў. Вальмавы схіл над алтарнай сьцяной завершаны цыбулепадобнай галоўкай. Элемэнт асымэтрыі ў кампазыцыю храму ўносіць левая прыбудова нізкае рызьніцы пад аднасхільным дахам. Вэртыкальна ашаляваныя сьцены прарэзаныя невялікімі прамавугольнымі аконнымі праёмамі, па вуглах абшытыя дошкамі.
Унутры брусчатыя неашаляваныя сьцены малітоўнае залы афарбаваныя алеем. Апсыда ўнутры храму вылучаная простым дашчатым іканастасам. Абраз XVII—XVIII ст. «Іаан Багаслоў» і 3 сьвяточныя абразы ў срэбраных рызах на паўднёвай сьцяне малітоўнае залы.
Літаратура[рэдагаваць | рэдагаваць крыніцу]
- Кулагін А. Праваслаўныя храмы на Беларусі: Энцыкл. даведнік. — 2-е выд. — Менск: БелЭн, 2001. — 328 с.: іл. ISBN 985-11-0190-7.
Вонкавыя спасылкі[рэдагаваць | рэдагаваць крыніцу]
|
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 113Г000099 |