Царква Сьвятога Мікалая (Новы Пагост)

Помнік гісторыі
Царква Сьвятога Мікалая
Царква Сьвятога Мікалая
Краіна	Беларусь
Вёска	Новы Пагост
Каардынаты	55°29′37″ пн. ш. 27°28′44″ у. д.
Канфэсія	Беларускі экзахат
Эпархія	Полацкая япархія
Архітэктурны стыль	расейска-бізантыйскі стыль[d]
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Царква Сьвятога Мікалая — помнік гісторыі другой паловы XIX стагодзьдзя (мураўёўка) у Новым Пагосьце. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Новым Пагосьце збудавалі ў 1878 годзе.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую аб’ёмна-прасторавую кампазыцыю: 3-ярусная шатровая званіца, нізкая трапезная, кубападобны аб’ём малітоўнай залі, паўкруглая апсыда. Шатровы дах асноўнага аб’ёму завяршаецца купалам-цыбулінай на 8-гранным барабане, яшчэ адзін купал-цыбуліна ўзвышаецца над шатром званіцы. У дэкоры фасадаў выкарыстоўваюцца формы царкоўнай архітэктуры Маскоўскай дзяржавы: кілепадобныя і руставаныя ліштвы аркавых аконных і дзьвярнога праёмаў, аркатурныя фрызы, кутнія лапаткі — атынкаваныя яны кантрастава вылучаюцца на паліхромным фоне бутавай муроўкі.

У скляпеністым памяшканьні малітоўнай залі захоўваецца драўляная скульптура «Ўкрыжаваньне» XVІІ—XVІІІ стагодзьдзяў, абразы XІX ст. «Маці Божая Адзігітрыя», «Забойства Яна», «Арханёл Гаўрыла», «Арханёл Міхал», іканастас.

Галерэя

• Гістарычныя здымкі
• 
  каля 1900 г.
• 
  да 1918 г.
• 
  1916 г.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятога Мікалая ў Новым Пагосьце, Radzima.org