Царква Ўваскрасеньня Хрыстова (Шклоў)

Помнік сакральнай архітэктуры
Царква Ўваскрасеньня Хрыстова
Васкрасенская царква
Краіна	Беларусь
Места	Шклоў
Каардынаты	54°11′14,40″ пн. ш. 30°19′16,30″ у. д.
Архітэктурны стыль	барока
Дата заснаваньня	1702
Царква Ўваскрасеньня Хрыстова на мапе Беларусі Царква Ўваскрасеньня Хрыстова

Царква Ўваскрасеньня Хрыстова — помнік архітэктуры XVII стагодзьдзя ў Шклове. Знаходзілася ў Старым Месьце, на Замкавай вуліцы. У 1960-я гады савецкія ўлады зруйнавалі царкву, да нашага часу захаваліся падмуркі. Твор архітэктуры магілёўскага барока.

Гісторыя

Вялікае Княства Літоўскае

Царква, 1769—1778 гг.

У 1701 годзе паведамляецца, што «шклоўская царква змуравана і дакончана панам Базылём Аўсяевічам, шклоўскім купцом, ягоным коштам, толькі падобна, не без дапамогі іншых». У царкве шанаваўся абраз Багародзіцы, якая паводле паданьня, зьявілася тут у 1640 годзе.

Пад уладай Расейскай імпэрыі

Па першым падзеле Рэчы Паспалітай (1772 год), калі Шклоў апынуўся ў складзе Расейскай імпэрыі, царква працягвала дзеяць. Гістарычныя крыніцы гэтага пэрыяду называюць царкву як Уваскрасенскую, пры якой дзеяў адпаведна Ўваскрасенскі манастыр.

Найноўшы час

У 1930-я гады савецкія ўлады зачынілі царкву. У пачатку 1960-х гадоў яны ўзарвалі помнік.

У 2003 годзе навукоўцы з Акадэміі навук Беларусі пад кіраўніцтвам прафэсара, доктара гістарычных навук Вольгі Ляўко праводзілі археалягічныя дасьледваньні падмуркаў царквы.

Галерэя

• Гістарычныя здымкі
• 
  1940-я гг.
• 
  1940-я гг.
• 
  1940-я гг.
• 
  1940-я гг.

Літаратура

• Наша слова. № 18 (1065), 2.05.2012 г.

Вонкавыя спасылкі

• Царква Ўваскрасеньня Хрыстова ў Шклове, Radzima.org