Філадэлфія Сэвэнці Сыксэрз

Філадэлфія Сэвэнці Сыксэрз
Заснаваны	1946
Месцазнаходжаньне	Філадэлфія, Пэнсыльванія, ЗША
Арэна	Эксьфініці-Мабайл-Арэна
Галоўны трэнэр	Нік Нэрз
Чэмпіянат	Нацыянальная баскетбольная асацыяцыя
Форма
Клюбныя колеры
Хатняя Выязная
Спасылкі
Афіцыйная бачына
Галерэя здымкаў у Вікісховішчы

Філадэ́лфія Сэ́вэнці Сы́ксэрз (па-ангельску: Philadelphia 76ers) — прафэсійны баскетбольны клюб, які выступае ў Нацыянальнай баскетбольнай асацыяцыі. Каманда была заснаваная ў 1946 годзе і першапачаткова была вядомая як «Сырак’юз Нэшыяналз». Уважаецца за адную з найстарэйшых франшызаў НБА ды адной 8 з 23 клюбаў, якія перажылі першае дзесяцігодзьдзе лігі. Клюб месьціцца ў горадзе Філадэлфія, штат Пэнсыльванія. «Сэвэнці Сыксэрз» некалькі разоў перамагаў у чэмпіянаце НБА. Першы тытул яны заваявалі ў 1955 годзе, калі выступалі ў Сырак’юзах, перад тым як пераехалі ў Філадэлфію. Другі тытул яны заваявалі ў 1967 годзе, калі лідэрам каманды быў Ўілт Чэмбэрлен. Трэці тытул быў здабыты ў 1983 годзе.

Гісторыя

У 1946 годзе італьянскі імігрант Дэні Біязонэ за 5 тысяч даляраў заснаваў у Сырак’юзах каманду «Сырак’юз Нэшыяналз» у Нацыянальнай баскетбольнай лізе (НБЛ). У час удзелу ў НБЛ, якая перадусім складалася з камандаў невялікіх гарадоў Сярэдняга Захаду, «Нэшыяналз» мелі агульны паказьнік 21–23, заняўшы ў дэбютным сэзоне чацьверты радок. У плэй-оф «Нэшыяналз» саступілі «Рочэстэр Роялз» у чатырох гульнях. Перад сэзонам 1948—1949 гадоў чатыры каманды пакінулі НБЛ на карысьць Баскетбольнай асацыяцыі Амэрыкі (БАА), бо быў закладзены падмурак дзеля аб’яднаньня лігаў. Наступны посьпех «Нэшыяналз» пачаўся з прыцягненьня Лео Фэрыса. Застаючыся ў НБЛ, Фэрыс склаў кантракт на пасаду гульца-трэнэра, прывёўшы «Нэшыяналз» да першай перамогі з паказьнікам 40–23. У 1949 годзе, калі НБЛ і БАА аб’ядналіся ў Нацыянальную баскетбольную асацыяцую (НБА), «Нэшыяналз» былі адной зь сямі клюбаў НБЛ, якія далучыліся да НБА.

Каманда «Сырак’юз Нэшыяналз» у сэзоне 1958—1959 гадоў.

«Нэшыяналз» імгненна дасягнулі посьпеху ў НБА, здабыўшы перамогу ва Ўсходнім дывізіёне ў сэзоне 1949—1950 гадоў з найлепшым паказьнікам у лізе, маючы 51–13. У плэй-оф «Нэшыяналз» працягвалі гуляць у добры баскетбол, абгуляўшы «Філадэлфію Ўорыярз» у двух гульнях. Далей, ва фінале Ўсходняга дывізіёну, «Нэшыяналз» змагаліся зь «Нью-Ёрк Нікербокерз», абгуляўшы сваіх супернікаў зь вялікага гораду ў сэрыі з трох гульняў. У фінале НБА каманда сустрэліся зь «Мінэапаліс Лэйкерз», дзе саступілі. Не зважаючы на тое, што некалькі клюбаў пакінулі НБА і перайшлі ў Нацыянальную прафэсійную баскетбольную лігу перад сэзонам 1950—1951 гадоў, «Нэшыяналз» пастанавілі сабе застацца. У сваім другім сэзоне НБА каманда ўвесь сезон гулялі пасярэдне. Тым ня менш, яны трапілі ў плэй-оф, дакрочыўшы да фіналу Ўсходняга дывізіёну, дзе саступілі «Нью-Ёрк Нікербокерз» у напружанай сэрыі зь пяці гульняў. «Нэшыяналз» занялі другое месца ў напружанай барацьбе за першае месца ва Ўсходнім дывізіёне ў сэзоне 1952—1953 гадоў з паказьнікам 47–24. У плэй-оф «Нэшыяналз» сустрэліся з «Бостан Сэлтыкс», зазнаўшы паразу ў першай гульні ўдома зь лікам 87–81. Патрэбная была перамога ў Бостане, каб захаваць свае надзеі, і «Нэшыяналз» нават змагаліся з «Сэлтыкс» у чатырох авэртаймах, але саступілі зь лікам 111:105, што застаецца самым працяглым матчам плэй-оф у гісторыі НБА. У наступным сэзоне каманда трапіла ў фінал НБА, дзе саступіла «Лэйкерз» у напружанай сэрыі зь сямі гульняў, у якіх дзьве каманды чаргавалі перамогі цягам сэрыі.

Гэл Грыг правёў у складзе клюбу 15 гадоў.

Паколькі НБА сутыкнулася зь фінансавымі цяжкасьцямі і ў сэзоне 1954—1955 гадоў у ёй засталося ўсяго 8 клюбаў, уладальнік «Нэшыяналз» Біязонэ прапанаваў лізе абмежаваць час, у які каманда мусіць зрабіць кідок у кошык, тым самым гэта павінна паскорыць гульню, якая да гэтага часта мела доўгія пэрыяды, калі каманды проста ўтрымлівалі мяч. Біязонэ і генэральны мэнэджар «Нэшыяналз» Фэрыс падлічылі, што 24-сэкундны час для кідкоў дазволіць рабіць ня менш за 30 кідкоў за чвэрць, што паскорыць гульню і павялічыць колькасьць пунктаў. Гэтая навінка адразу стала пасьпяховай, бо колькасьць пунктаў ва ўсёй лізе павялічылася на 14 пунктаў за гульню. У першы сэзон з абмежаваньнем часу нападу «Нэшыяналз» занялі першае месца ў дывізіёне з паказьнікам 43-29. У плэй-оф сырак’юзаўцы другі раз запар трапілі ў фінал НБА, дзе сустрэліся з «Форт-Ўэйн Пістанз». У гэты раз каманда здолела забясьпечыць сабе чэмпіёнскі тытул НБА. Наступны сэзон быў горшы, а каманда ня здолела абараніць тытул. Па заканчэньні сэзону клюб пазбавіўся сваёй залатой формы, пераапрануўшыся ў чырвона-сінія колеры. Перад сэзонам 1957—1958 гадоў каманды з Форт-Ўэйну і Рочэстэру пераехалі ў Дэтройт і Цынцынаці, пакінуўшы «Сырак’юз Нэшыяналз» апошняй камандай зь невялікага мястэчка ў НБА сярод вялікіх гарадоў. Гуляючы ў лізе, дзе цяпер дамінавалі такія супэрзоркі, як Біл Расэл у «Сэлтыкс», Ўілт Чэмбэрлен у «Ўорыярз», Боб Пэтыт у «Сэнт-Луіс Гокс» і Элгін Бэйлар у «Лэйкерз», але гэта не замінала клюбу мець неблагія вынікі. Пасьля пераезду «Лэйкерз» зь Мінэапалісу ў Лос-Анджэлес перад сэзонам 1960—1961 гадоў, «Нэшыяналз» сталі апошняй старой камандай НБЛ, якая ўсё яшчэ гуляла ў сваім родным горадзе ў НБА.

Пляцоўка Сывік-Сэнтар-Канвэншн-Гол, дзе клюб прымаў гасьцей з 1963 па 1967 гады.

Параза ў авэртайме плэй-оф 26 сакавіка 1963 году аказалася апошняй гульнёй для «Сырак’юз Нэшыяналз», бо інвэстары Ірв Кослаф і Айк Рычман набылі каманду ў Дэні Біязонэ і перавезьлі яе ў Філадэлфію, якая засталася без баскетболу найвышэйшага ўзроўню, бо за год да таго «Ўорыярз» пераехалі ў Сан-Францыска. Быў праведзены конкурс, каб вызначыць новую назву для каманды. Пераможнай назвай, абранай Ўолтэрам Сталбэргам, была «Сэвэнці Сыксэрз», што перакладаецца на беларускую мову як «Семдзясят шостыя». Назва паходзіць ад падпісаньня Дэклярацыі незалежнасьці ЗША ў Філадэлфіі, якая як раз адбылася ў 1776 годзе. Цягам першых чатырох гадоў у Філадэлфіі клюб перадусім ладзіў хатнія матчы на Філадэлфія-Арэне і ў Сывік-Сэнтар-Канвэншн-Гол, а часам на пляцоўцы ў Пэнсыльванскім унівэрсытэце. Дон Шэйз быў прызначаны галоўным трэнэрам, займаючы гэтую пасаду чатыры гады. У сэзоне 1964—1965 гадоў каманда набыла легендарнага Ўілта Чэмбэрлена, які некалі пачынаў кар’еру ва «Ўорыярз» пакуль яны яшчэ базаваліся ў Філадэлфіі. Пад кіраўніцтвам галоўнага трэнэра Алекса Ганума «Сэвэнці Сыксэрз» згулялі сэзон мары, пачаўшы сэзон зь лікам 46–4, і ўсталяваўшы ў выніку рэкорд у 68–13, што было найлепшым паказьнікам у гісторыі лігі на той час. Чэмбэрлен, Білі Канінггэм і Гэл Грыр, а таксама зоркі Чэт Ўокер, Лусіюс Джэксан і Ўолі Джонз давялі каманду да паўфіналу. На гэты раз філадэлфцы перамаглі «Сэлтыкс» у пяці гульнях. У фінале «Сэвэнці Сыксэрз» перагуляў «Ўорыярз» у шасьці гульнях, што дало ім другі чэмпіёнскі тытул НБА.

У канцы сэзону клюб аддаў Чэмбэрлена «Лос-Анджэлес Лэйкерз» за Арчы Кларка, Дэрала Імгофа і Джэры Чэмбэрза. У той час абмен здаваўся лягічным крока з пункту гледжаньня «Сэвэнці Сыксэрз», але напраўды гэта прывяло да дэградацыі каманды. Каманда зь Філадэлфіі сэзону 1972—1973 гадоў звычайна лічацца найгоршай камандай, якая калі-небудзь выходзіла на паркет у гісторыі НБА. У наступным годзе «Сэвэнці Сыксэрз» нанялі Джына Шу галоўным трэнэрам, які паступова выправіў стаў рэчаў. Клюб пелыпшыў вынікі ў сэзоне 1976—1977 гадоў, шмат у чым дзякуючы зьліцьцю Амэрыканскай баскетбольнай асацыяцыі (АБА) і НБА. Апошнія чэмпіёны АБА, «Нью-Ёрк Нэтс», сутыкнуліся з абавязацельствам выплаціць «Нью-Ёрк Нікс» 5 мільёнаў даляраў за ўваход у зону Нью-Ёрку ў дадатак да выплаты за пашырэньне ў 3,2 мільёнаў даляраў за далучэньне да НБА. Таму, калі Філадэлфія прапанавала выкупіць кантракт гульца «Нэтс» Джуліюса Ірвінга за 3 мільёны даляраў, у клюбу не заставалася іншага выбару, акрамя як пагадзіцца. Пасьля доўгіх гадоў каманда трапіла ў фінал НБА, дзе саступіла «Портлэнд Трэйл Блэйзэрз». У наступныя сэзоны каманда ці трапляла ў фінал НБА ці фінал канфэрэнцыі. Нарэшце, чарговы тытул быў здабыты ў сэзоне 1982—1983 гадоў.

Статыстыка

В = выйгрышы, П = паразы, А% = адсотак выйграных матчаў

«Філадэлфія Сэвэнці Сыксэрз» у НБА
Сэзон	В	П	А%	Плэй-оф	Вынікі
Сайрэк’юз Нэшэнэлз (НБЛ)
1946—1947	21	23	.477
1947—1948	24	36	.400
1948—1949	40	23	.656	Выйгралі ў першым раўндзе Прайгралі ў паўфінале	Сайрэк’юз — Хэманд 2-0 Андэрсан — Сайрэк’юз 3-1
Сайрэк’юз Нэшэнэлз
1949—1950	51	13	.797	Выйгралі ў паўфінале дывізіёну Выйгралі ў фінале дывізіёну Прайгралі ў фінале	Сайрэк’юз 2, Філадэлфія 0 Сайрэк’юз 2, Нью-Ёрк 1 Мінэапаліс 4, Сайрэк’юз 2
1950—1951	32	34	.485	Выйгралі ў паўфінале дывізіёну Прайгралі ў фінале дывізіёну	Сайрэк’юз 2, Філадэлфія 0 Нью-Ёрк 3, Сайрэк’юз 2
1951—1952	40	26	.606	Выйгралі ў паўфінале дывізіёну Прайгралі ў фінале дывізіёну	Сайрэк’юз 2, Філадэлфія 1 Нью-Ёрк 3, Сайрэк’юз 1
1952—1953	47	24	.648	Прайгралі ў паўфінале дывізіёну	Бостан 2, Сайрэк’юз 0
1953—1954	42	30	.583	Папярэдні раўнд Папярэдні раўнд Выйгралі ў фінале дывізіёну Прайгралі ў фінале	Сайрэк’юз 2, Бостан 0 Сайрэк’юз 2, Нью-Ёрк 0 Сайрэк’юз 2, Бостан 0 Мінэапаліс 4, Сайрэк’юз 3
1954—1955	43	29	.597	Выйгралі ў паўфінале дывізіёну Выйгралі ў фінале	Сайрэк’юз 3, Бостан 1 Сайрэк’юз 4, Форт Ўэйн 3
1955—1956	35	37	.486	Выйгралі ў тайбрэйку дывізіёну Выйгралі ў паўфінале дывізіёну Прайгралі ў фінале дывізіёну	Сайрэк’юз 1, Нью-Ёрк 0 Сайрэк’юз 2, Бостан 1 Філадэлфія 3, Сайрэк’юз 2
1956—1957	38	34	.528	Выйгралі ў паўфінале дывізіёну Прайгралі ў фінале дывізіёну	Сайрэк’юз 2, Філадэлфія 0 Бостан 3, Сайрэк’юз 0
1957—1958	41	31	.569	Прайгралі ў паўфінале дывізіёну	Філадэлфія 2, Сайрэк’юз 1
1958—1959	35	37	.486	Выйгралі ў паўфінале дывізіёну Прайгралі ў фінале дывізіёну	Сайрэк’юз 2, Нью-Ёрк 0 Бостан 4, Сайрэк’юз 3
1959—1960	45	30	.600	Прайгралі ў паўфінале дывізіёну	Філадэлфія 2, Сайрэк’юз 1
1960—1961	38	41	.481	Выйгралі ў паўфінале дывізіёну Прайгралі ў фінале дывізіёну	Сайрэк’юз 3, Філадэлфія 0 Бостан 4, Сайрэк’юз 1
1961—1962	41	39	.513	Прайгралі ў паўфінале дывізіёну	Філадэлфія 3, Сайрэк’юз 2
1962—1963	48	32	.600	Прайгралі ў паўфінале дывізіёну	Цынцынаці 3, Сайрэк’юз 2
Філадэлфія Сэвэнці Сыксэрз
1963—1964	34	46	.425	Прайгралі ў паўфінале дывізіёну	Цынцынаці 3, Філадэлфія 2
1964—1965	40	40	.500	Выйгралі ў паўфінале дывізіёну Прайгралі ў фінале дывізіёну	Філадэлфія 3, Цынцынаці 1
1965—1966	55	25	.688	Прайгралі ў паўфінале дывізіёну	Бостан 4, Філадэлфія 1
1966—1967	68	13	.671	Выйгралі ў паўфінале дывізіёну Выйгралі ў фінале дывізіёну Выйгралі ў фінале	Філадэлфія 3, Цынцынаці 1 Філадэлфія 4, Бостан 1 Філадэльфія 4, Сан-Францыска 2
1967—1968	62	20	.756	Выйгралі ў паўфінале дывізіёну Прайгралі ў фінале дывізіёну	Філадэлфія 4, Нью-Ёрк 2 Бостан 4, Філадэлфія 3
1968—1969	55	27	.671	Прайгралі ў паўфінале дывізіёну	Бостан 4, Філадэлфія 1
1969—1970	42	40	.512	Прайгралі ў паўфінале дывізіёну	Мілўокі 4, Філадэлфія 1
1970—1971	47	35	.573	Прайгралі ў паўфінале дывізіёну	Балтымар 4, Філадэлфія 2
1971—1972	30	52	.366
1972—1973	9	73	.110
1973—1974	25	57	.305
1974—1975	34	48	.415
1975—1976	46	36	.561	Прайгралі ў першым раўндзе	Бафала 2, Філадэлфія 1
1976—1977	50	32	.610	Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Філадэлфія 4, Бостан 3 Філадэлфія 4, Г’юстан 2 Портлэнд 4, Філадэлфія 2
1977—1978	55	27	.671	Выйгралі ў паўфінале канфэрэнцыі Прайгралі ў фінале канфэрэнцыі	Нью-Ёрк 4, Філадэлфія 0 Вашынгтон 4, Філадэлфія 2
1978—1979	47	35	.573	Выйгралі ў першым раўндзе Прайгралі ў паўфінале канфэрэнцыі	Філадэлфія 2, Нью-Джэрзі 0 Сан-Антоніё 4, Філадэлфія 3
1979—1980	59	23	.720	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Філадэлфія 2, Вашынгтон 0 Філадэлфія 4, Атланта 1 Філадэлфія 4, Бостан 1 Лос-Анджэлес 4, Філадэлфія 2
1980—1981	62	20	.756	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Філадэлфія 2, Індыяна 0 Філадэлфія 4, Мілўокі 3 Бостан 4, Філадэлфія 3
1981—1982	58	24	.707	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Філадэлфія 2, Атланта 0 Філадэлфія 4, Мілўокі 2 Філадэлфія 4, Бостан 3 Лос-Анджэлес 4, Філадэлфія 2
1982—1983	65	17	.793	Выйгралі ў паўфінале канфэрэнцыі Выйгралі ў фінале канфэрэнцыі Выйгралі ў фінале	Філадэлфія 4, Нью-Ёрк 0 Філадэлфія 4, Мілўокі 1 Філадэлфія 4, Лос-Анджэлес 0
1983—1984	52	30	.634	Прайгралі ў першым раўндзе	Нью-Джэрзі 3, Філадэлфія 2
1984—1985	58	24	.707	Выйгралі ў першым раўндзе Выйгралі ў паўфінале канфэрэнцыі Прайгралі ў фінале канфэрэнцыі	Філадэлфія 3, Вашынгтон 1 Філадэлфія 4, Мілўокі 0 Бостан 4, Філадэлфія 1
1985—1986	54	28	.659	Выйгралі ў першым раўндзе Прайгралі ў паўфінале канфэрэнцыі	Філадэлфія 3, Вашынгтон 2 Мілўокі 4, Філадэлфія 3
1986—1987	45	37	.549	Прайгралі ў першым раўндзе	Мілўокі 3, Філадэлфія 2
1987—1988	36	46	.439
1988—1989	46	36	.561	Прайгралі ў першым раўндзе	Нью-Ёрк 3, Філадэлфія 0
1989—1990	53	29	.646	Выйгралі ў першым раўндзе Прайгралі ў паўфінале канфэрэнцыі	Філадэлфія 3, Кліўлэнд 2 Чыкага 4, Філадэлфія 1
1990—1991	44	38	.537	Выйгралі ў першым раўндзе Прайгралі ў паўфінале канфэрэнцыі	Філадэлфія 3, Мілўокі 0 Чыкага 4, Філадэлфія 1
1991—1992	35	47	.427
1992—1993	26	56	.317
1993—1994	25	57	.305
1994—1995	24	58	.293
1995—1996	18	64	.220
1996—1997	22	60	.268
1997—1998	31	51	.378
1998—1999	28	22	.560	Выйгралі ў першым раўндзе Прайгралі ў паўфінале канфэрэнцыі	Філадэлфія 3, Арланда 1 Індыяна 4, Філадэлфія 0
1999—2000	49	30	.598	Выйгралі ў першым раўндзе Прайгралі ў паўфінале канфэрэнцыі	Філадэлфія 3, Шарлот 1 Індыяна 4, Філадэлфія 2
2000—2001	56	26	.683	Выйгралі ў першым раўндзе Выйгралі ў паўфінале канфэрэнцыі Выйгралі ў фінале канфэрэнцыі Прайгралі ў фінале	Філадэлфія 3, Індыяна 1 Філадэлфія 4, Таронта 3 Філадэлфія 4, Мілўокі 3 Лэйкерз 4, Філадэлфія 1
2001—2002	43	39	.524	Прайгралі ў першым раўндзе	Бостан 3, Філадэлфія 2
2002—2003	48	34	.585	Выйгралі ў першым раўндзе Прайгралі ў паўфінале канфэрэнцыі	Філадэлфія 4, Нью-Арлеан 2 Дэтройт 4, Філадэлфія 2
2003—2004	33	49	.402
2004—2005	43	39	.524	Прайгралі ў першым раўндзе	Дэтройт 4, Філадэлфія 1
2005—2006	38	44	.463
2006—2007	35	47	.427
2007—2008	40	42	.488	Прайгралі ў першым раўндзе	Дэтройт 2:4
2008—2009	41	41	.500	Прайгралі ў першым раўндзе	Арланда 2:4
2009—2010	27	55	.329
2010—2011	41	41	.500	Прайгралі ў першым раўндзе	Маямі 1:4
2011—2012	35	31	.530	Выйгралі ў першым раўндзе Прайгралі ў паўфінале канфэрэнцыі	Чыкага 4:2 Бостан 3:4
2012—2013	34	48	.415
2013—2014	19	63	.232
Рэгулярны сэзон	2698	2442	.525
Плэй-оф	217	205	.514	3 тытулы

Вонкавыя спасылкі

• Афіцыйная старонка