Фёдар Жыляк
Фёдар Жыляк | |
| Дата нараджэньня | 25 траўня 1957 |
|---|---|
| Месца нараджэньня | |
| Дата сьмерці | 18 красавіка 2025 (67 гадоў) |
| Месца сьмерці | |
| Занятак | кампазытар, сьпявак |
| Узнагароды | |
Фёдар Мікалаевіч Жыляк (25 траўня 1957, Карталы, Чалябінскай вобласьці — 18 красавіка 2025, Баранавічы) — беларускі кампазытар і сьпявак.
Жыцьцяпіс
[рэдагаваць | рэдагаваць код]Нарадзіўся ў горадзе Карталы Чалябінскай вобласьці РСФСР, дзе тады працавалі яго бацькі-чыгуначнікі. Яшчэ ў маленстве ён разам з сям’ёй прыехаў у Баранавічы.
Прафэсійная дзейнасьць Жыляка як музыкі пачалася ў шэрагах Савецкай арміі, дзе разам са службай у аркестры ён быў актыўным удзельнікам народнага ансамбля песьні і танца «Тачанка» у якасьці вакаліста-інструмэнталіста (1975—1977 гг.) З 1977 г. — зьяўляўся музыкам адзьдзелу музычных ансамбляў Беларускай Дзяржаўнай філярмоніі. З 1980 годзе артыст ансамблю «Сябры», дзе выконваў вядомы шлягер «Шасьціструнная гітара» і інш[1]..
Пасьля вярнуўся ў Баранавічы, стаў працаваць у гарадзкім Доме культуры і ў 1984 годзе стварыў гурт «Студыя» пры гарадзкім Доме культуры г. Баранавічы, які ў 2003 годзе была перайменавана ў гурт «Явар». Гурт «Явар» пад кіраўніцтвам Фёдара Жыляка, на працягу амаль 30 гадоў удзельнічаў у многіх культурных мерапрыемствах і праектах нашай краіны. Музычныя конкурсы і фэстывалі, абласныя і рэспубліканскія «Дажынкі», радыё і тэлепраекты: «На скрыжаваньнях Эўропы», «Восеньскі сад», «Песьню бярыце з сабой», «Песьня году АНТ 2011», «Зорны дыліжанс» праект СТВ. У тэлепраэкце «Хіт-момант» СТВ 2003 г., які праходзіў пад старшынствам Народнага артыста СССР Ігара Лучанка, калектыў зьяўляўся ляўрэатамі ў 4-х намінацыях.
Супрацоўнічаў з народным тэатрам «Экспэрымэнт», напісаў музыку для больш чым двух дзясяткаў спэктакляў і пастаноў.
Яго песьні ўвайшлі ў рэпэртуар шэрагу беларускіх выканаўцаў. Сярод вучняў Фёдара Жыляка — сьпявачка Гюнеш, Мікіта Фаміных, расейскі сьпявак, ураджэнец Баранавіч Леўш.
Ганаровы грамадзянін горада Баранавічы з 2016 году, аўтар музыкі для гімну гораду «Барановичи, Барановичи, белорусский городок».
Памёр 18 красавіка 2025 году[2].