Усё асьветлена (фільм)

Усё асьветлена
Everything Is Illuminated
Жанр	камэдыйная драма, экранізацыя літаратурнага твору, драматычны фільм і біяграфічны фільм
Рэжысэр	Леў Шрайбэр
Сцэнарыст	Леў Шрайбэр Джонатан Сафран Фоер
Заснаваны на	Everything Is Illuminated[d]
Прадусар	Марк Тэртэлтаўб Пітэр Сэраф Мэт’ю Стылмэн
У ролях	Элайджа Ўуд Яўген Гудзь Барыс Лескін Ларыса Ларэ
Кампазытар	Пол Кантэлон Сяргей Шнураў
Апэратар	Мэт’ю Лібатык
Мантаж	Эндру Маркус Крэг Макей
Вытворчасьць	Warner Independent Pictures
Распаўсюд	Warner Independent Pictures[d] і Netflix
Дата выхаду	16 верасьня 2005
Працягласьць	106 хв.
Краіна	ЗША
Мова	ангельская, украінская, расейская
Бюджэт	7 000 000$
Прыбытак	3 601 974$
Старонка на IMDb
Афіцыйны сайт

«Усё асьве́тлена» (па-ангельску: Everything Is Illuminated) — камэдыйны драматычны фільм 2005 року рэжысэра Льва Шрайбэра, зьняты паводле аднайменнае кнігі Джонатана Сафрана Фоера. Галоўныя ролі ў фільме выканалі амэрыканскі актор Элайджа Ўуд і ўкраінскі эмігрант Яўген Гудзь.

Фільм стаў рэжысэрскім і сцэнарысцкім дэбютам Льва Шрайбэра і атрымаў розгалас у заходняй прэсе.

Зьмест

Джонатан Фоер (Элайджа Ўуд), малады амэрыканскі жыд, едзе ва Ўкраіну шукаць жанчыну, якая ўратавала ягонага дзеда ва ўкраінскім мястэчку Трачымбродзе (Трахімброд на Валыні) перад тым, як яно было ліквідаванае нацыстамі. У пошуках яму дапамагаюць праваднікі — адэсіт Алекс Перчаў (Яўген Гудзь), фанат амэрыканскае поп-культуры, які размаўляе дзікаю й ламанаю ангельскаю, ягоны раздражняльны дзед-антысэміт (Барыс Лескін), які прыкідаецца сьляпым, са сваім бордэр-колі па мянушцы Сэмі Дэвіс Малодшы-малодшы. Тым ня меней, падарожжа, якое мела ўсе шанцы ператварыцца ў суцэльныя мучэньні, сканчаецца сэрыяй нечаканых прасьвятленьняў, якія зьмяняюць жыцьці ўсіх вандроўнікаў.

Музыка

Восем дарожак для фільму напісаў кампазытар Пол Кантэлон,, яшчэ некалькі выкананыя расейскім ска-панк-гуртом «Ленинград», Аркадзем Северным, «Csókolom», «Tin Hat Trio» і «Gogol Bordello», лідэр якога Яўген Гудзь іграе ў фільме ролю Алекса. Гурт «Gogol Bordello» таксама выконвае песьню ў сцэне на чыгуначным вакзале, калі Алекс сустракае свайго кліента з ЗША Джонатана Фоера. У трэйлеры фільму таксама быў прадстаўлены самотнік гурту «DeVotchKa» пад назваю «How It Ends», аднак ён не ўвайшоў у афіцыйны саўндтрэк.

Узнагароды

У 2005 року Леў Шрайбэр атрымаў 3 узнагароды за дэбютную стужку:

• Lanterna Magica Prize (Вэнэцыянскі кінафэстываль)
• Найлепшы біяграфічны фільм (Вэнэцыянскі кінафэстываль)
• Найлепшы сцэнар (Міжнародны кінафэстываль у Сан-Паолё)

Вонкавыя спасылкі

• Усё асьветлена (анг.) на сайце IMDb