Уладзіслаў Ардзінба

Уладзіслаў Ардзінба
	Уладзіслаў Ардзінба
	па-абхаску: Владислав Григорий-иԥа Арӡынба
1-ы прэзыдэнт Абхазіі
	26 лістапада 1994 — 12 лютага 2005
Папярэднік	пасада заснаваная
Наступнік	Сяргей Багапш
Асабістыя зьвесткі
Нарадзіўся	14 траўня 1945; Эшэра[d], Сухумскі раён, Абхаская Аўтаномная Савецкая Сацыялістычная Рэспубліка, Грузінская Савецкая Сацыялістычная Рэспубліка, СССР;
Памёр	4 сакавіка 2010 (64 гады); Масква, Расея;
Партыя	Камуністычная партыя Савецкага Саюзу;
Адукацыя	Абхаскі дзяржаўны ўнівэрсытэт[d]; Тбіліскі дзяржаўны ўнівэрсытэт;
Сужэнец	Svetlana Dzhergeniya[d]
Дзеці	Мадзіна
Узнагароды	Герой Абхазіі, ордэн «Ахьдз-Апша»
Подпіс

Уладзіслаў Рыгоравіч Ардзінба (14 траўня 1945, сяло Ніжняя Эшэра Сухумскага раёну Абхазіі — 4 сакавіка 2010^[2], Масква) — абхаскі дзяржаўны і палітычны дзеяч, вядомы савецкі гісторык-усходазнавец, адзін з найбуйных савецкіх хетолягаў (да 1990 году), першы прэзыдэнт самаабвешчанай Рэспублікі Абхазія (1994—2004).

Біяграфія

У 1966 годзе скончыў гістарычны факультэт Сухумскага дзяржаўнага пэдагагічнага ўнівэрсытэту, затым асьпірантуру пры Інстытуце Ўсходазнаўства АН СССР. У гэтым інстытуце Ардзінба працаваў да 1988 году, займаўся вывучэньнем гісторыі, культуры і рэлігіі старажытных народаў Малай Азіі, у першую чаргу хатаў і хетаў. У 1985 годзе абараніў доктарскую дысэртацыю. Зьяўляецца аўтарам больш за 40 навуковых прац. У 1988 годзе выбіраецца дырэктарам Абхаскага навукова-дасьледчага інстытуту мовы, літаратуры і гісторыі імя Д. Гулія.

У 1989 годзе выбіраецца дэпутатам Вярхоўнага Савету СССР і становіцца сябрам прэзыдыюму. У 1990 годзе выбіраецца дэпутатам Вярхоўнага Савету Абхазіі і яго старшынём.

Узначаліўшы рэспубліку, Ардзінба стаў праводзіць курс, накіраваны на рэалізацыю права Абхазіі на самавызначэньне. З пачаткам у жніўні 1992 году вайсковай апэрацыі Грузіі супраць Абхазіі (Абхаскі канфлікт) становіцца старшынём Дзяржаўнага камітэту абароны і ўзначальвае абхаскі супраціў.

26 лістапада 1994 году Ардзінба быў абраны першым прэзыдэнтам самаабвешчанай Рэспублікі Абхазіі, 3 кастрычніка 1999 году — пераабраны на новы тэрмін. У 2004 годзе з прычыны хваробы адышоў ад актыўнай палітычнай дзейнасьці.

Уладзіслаў Ардзінба меў жонку і дачку.

Крыніцы

↑ Deutsche Nationalbibliothek Record #132958155 // Gemeinsame Normdatei (ням.) — 2012—2016.
↑ Памёр першы прэзідэнт Абхазіі Уладзіслаў Ардзінба(недаступная спасылка) «Наша Ніва», 4 сакавіка 2010

Вонкавыя спасылкі

Афіцыйны сайт прэзыдэнта Рэспублікі Абхазіі

[_eae6f46a744eb550-1] Deutsche Nationalbibliothek Record #132958155 // Gemeinsame Normdatei (ням.) — 2012—2016.

[2] Памёр першы прэзідэнт Абхазіі Уладзіслаў Ардзінба(недаступная спасылка) «Наша Ніва», 4 сакавіка 2010

[1]

[2]