Уладзімер Экнадыёсаў

Уладзімер Экнадыёсаў
Дата нараджэньня	8 траўня 1947(1947-05-08)
Месца нараджэньня	Аляксееўка, Мацьвеева-Курганскі раён[d], Растоўская вобласьць, РСФСР, СССР
Дата сьмерці	13 красавіка 2026(2026-04-13) (78 гадоў)
Месца пахаваньня	Лясныя могілкі[d]
Месца вучобы	Растоўскі коледж культуры[d] Уральская дзяржаўная кансэрваторыя імя Мусарскага[d]
Занятак	опэрны сьпявак, тэатральны рэжысэр
Месца працы	Нацыянальны акадэмічны Вялікі тэатар опэры і балету Беларускі дзяржаўны ўнівэрсытэт культуры і мастацтваў Сьвярдлоўскі дзяржаўны акадэмічны тэатар музычнай камэдыі[d] Краснаярскі музычны тэатар[d] Нацыянальны акадэмічны Вялікі тэатар опэры і балету
Узнагароды

Уладзі́мер Сярге́евіч Экнадыёсаў (8 траўня 1947, Аляксееўка(d), Растоўская вобласьць, РСФСР — 13 красавіка 2026, Беларусь) — беларускі опэрны сьпявак (лірыка-драматычны тэнар). Ляўрэат Дзяржаўнае прэміі Беларусі.

Жыцьцяпіс

Скончыў Растоўскую культпрасьветвучэльню(d), Уральскую кансэрваторыю(d) (1973), Беларускую акадэмію музыкі.

Працаваў у сьвярдлоўскім(d) і краснаярскім(d) тэатрах музычнай камэдыі. У 1978—1995 — саліст Беларускага тэатру опэры і балету, ад 2002 — рэжысэр.

У 2007—2012 роках выкладаў у Беларускім дзяржаўным унівэрсытэце культуры і мастацтваў. Прафэсар, загадчык катэдры ў Растоўскай дзяржаўнай кансэрваторыі.

Творчасьць

Падчас навучаньня ў вучэльні стаў пераможцам Усесаюзнага агляду мастацкай самадзейнасьці як саліст-балалаечнік. У 1977 року стаў ляўрэатам Усесаюзнага конкурсу вакалістаў імя Глінкі ў Ташкенце. Пасьля гэтага яго запрасілі ў Беларускі тэатар опэры і балету.

Выконваў партыі ў опэрах «Альпійская баляда(d)», «Дзікае паляваньне караля Стаха(d)», «Князь Наваградзкі», «Майстар і Маргарыта», «Сівая легенда», «Сьцежкай жыцьця» і інш.

Для творчасьці характэрныя эмацыйнасьць, рамантычны тэмпэрамэнт, арганічнасьць сцэнічнай інтэрпрэтацыі, спалучэньне акторскага і вакальнага майстэрства.

Прэміі і ўзнагароды

• Ляўрэат VIII Усесаюзнага конкурсу вакалістаў імя Глінкі (Ташкент, 1977)
• Ляўрэат Дзяржаўнай прэміі Беларускай ССР (1990) за ролю Дубатоўка ў опэры Ўладзімера Солтана «Дзікае паляваньне караля Стаха»
• Народны артыст Беларускай ССР (1990)

Літаратура

• Глушакоў І. В. Экнадыёсаў Уладзімір Сяргеевіч // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — ISBN 985-11-0295-4
• Тэатральная Беларусь у 2-х тамах: Энцыклапедыя / Пад агул. рэд. А. В. Сабалеўскага; Рэдкал.: Г. П. Пашкоў (гал. рэд.) і інш. — Мн.: Беларуская Энцыклапедыя, 2002. — Т. 2: Л-Я. — 571 с. — ISBN 985-11-0254-7 (т. 2), ISBN 978-9851102545

Вонкавыя спасылкі

• Зводны электронны каталёг бібліятэкаў Беларусі  (рас.)