Уладзімер Куліковіч

Уладзімер Куліковіч
Дата нараджэньня	10 чэрвеня 1967(1967-06-10)
Месца нараджэньня	Станцыя Ашмяны, Жупранскі сельсавет, Ашмянскі раён, Гарадзенская вобласьць, БССР, СССР
Дата сьмерці	23 красавіка 2026(2026-04-23) (58 гадоў)
Месца сьмерці	Менск, Беларусь
Месца пахаваньня	Ашмянскі раён
Месца вучобы	філялягічны факультэт БДУ (1991) БДУ
Занятак	навуковец, пэдагог, прафэсар унівэрсытэту, мовазнавец, рэдактар
Навуковая сфэра	артаграфія беларускай мовы[d], марфалёгія і выдавецкая справа
Месца працы	Ліцэй Беларускага дзяржаўнага ўнівэрсытэту філялягічны факультэт БДУ Роднае слова Беларускі дзяржаўны тэхналягічны ўнівэрсытэт
Навуковая ступень	кандыдат філялягічных навук

Уладзімер Куліковіч (10 чэрвеня 1967, Станцыя Ашмяны, Ашмянскі раён — 23 красавіка 2026, Менск) — беларускі мовазнаўца, дацэнт (2004), кандыдат філялягічных навук (1999). Рэдактар часопісу «Роднае слова» (2007—2009).

Жыцьцяпіс

У 1984 годзе скончыў Дакурнішскую сярэднюю школу, у 1991‑м — філялягічны факультэт БДУ, у 1994‑м — асьпірантуру Беларускага дзяржаўнага ўнівэрсытэту.

З 1991 па 1998 год працаваў выкладчыкам Менскай сярэдняй спэцыялізаванай школы пры БДУ (цяпер Ліцэй БДУ), выкладчыкам катэдры сучаснай беларускай мовы БДУ. У 1998 па 2007 год быў старшым выкладчыкам, пасьля дацэнтам гэтай катэдры. У 2001 годзе абараніў кандыдацкую дысэртацыю па лінгвістычных поглядах Уладзімера Дубоўкі.

Са жніўня 2007 года і да восені 2009-га быў галоўным рэдактарам часопісу «Роднае слова». Таксама ён пачынаючы з 1994 году быў адным са сталых аўтараў гэтага выданьня, надрукаваўшы ў ім дзясяткі публікацый. У апошні год жыцьця пасьпелі ўбачыць сьвет дзьве публікацыі зь яго аўтарскага цыклю «Міты і рэальнасьць беларускай артаграфіі», што друкаваўся ўвесь 2025 год.

З 2009 года працаваў дацэнтам, загадчыкам катэдры рэдакцыйна-выдавецкіх тэхналёгій Беларускага дзяржаўнага тэхналягічнага ўнівэрсытэту.

Быў аўтарам больш як 500 навуковых, навукова-папулярных і навукова-мэтадычных работ, у тым ліку дзвюх манаграфій, каля 50 вучэбна-мэтадычных дапаможнікаў для вучняў, настаўнікаў, студэнтаў, рэдакцыйна-выдавецкіх работнікаў.

Працы

• Практыкум па беларускай арфаграфіі для рэдактараў : вучэбны дапаможнік / У. І. Куліковіч. — Мінск: РІВШ, 2021. — 292 с.
• Тенденции использования иллюстрационного материала в научно-популярном серийном издании // Труды БГТУ. Сер. 4, Принт- и медиатехнологии. 2023. № 1 (257). С. 133—139.
• «Запаветнае сказанне манголаў»: праблемы перакладу на беларускую мову / У. І. Куліковіч // Матэрыялы ХІХ Міжнародных кнігазнаўчых чытанняў, Мінск, 27-28 красавіка 2023 г. / Нацыянальная бібліятэка Беларусі; [склад.: Т. У. Карнілава, Г. У. Кірэева; рэдкал.: А. Ю. Кніжнікава (старш.) і інш.]. — Мінск: Нацыянальная бібліятэка Беларусі, 2023. — С. 130—136.
• «Кулінарныя» словы ў вучэбнай кнізе: практыка стварэння і выкарыстання / У. І. Куліковіч // Тэкст у парадыгме філалагічнай адукацыі: зб. навук. арт. / Брэсц. Ддзярж. ун-т імя А. С. Пушкіна: пад агул. рэд. Л. І. Яўдошынай. — Брэст: БрДУ, 2022. — Вып. 3. — С. 116—121.
• Асноўныя функцыі акута ў п’есе Янкі Купалы «Паўлінка» // Труды БДТУ. Сер. 4, Прынт- і медыятэхналогіі. 2022. № 2 (261). С. 105—111.
• Эмацыйная танальнасць верша Янкі Купалы «Мужык» // Беларуская думка. 2022. № 3. С. 12-17.
• Арфаграфія імёнаў гістарычных асоб у «Запаветным сказанні манголаў» / У. І. Куліковіч // Трынаццатыя Танкаўскія чытанні: зборнік навуковых артыкулаў / Беларус. дзярж. пед. ун-т імя М. Танка; рэдкал. В. Д. Старычонак [і інш.]; адк. рэд. В. Д. Старычонак. Мінск: БДПУ, 2022. С. 156—160.
• Рэлігійная лексіка ў «Правілах беларускай арфаграфіі і пунктуацыі», як сведчанне поліканфесійнасці грамадства / У. І. Куліковіч // Беларуская думка. — 2021. — № 4. — С. 96-99.
• Акцэнтуацыя ў «Слоўніку цяжкасцей беларускай мовы» / У. І. Куліковіч // Мова — літаратура — культура: матэрыялы ІХ Міжнар. навук. канф. памяці праф. А. Я. Міхневіча, Мінск, 15-16 кастр., 2020 г. / Беларус. дзярж. ун-т; рэдкал. А. А. Радзевіч (гал. рэд.) [і інш.]. — Мінск: БДУ, 2020. — С. 99-104.
• Сістэма абазначэння націску ў беларускай мове / У. І. Куліковіч // Беларускае слова: марфалогія і сінтаксіс: зборнік артыкулаў па матэрыялах Рэспубліканскіх навуковых чытанняў, прысвечаных 90-годдзю з дня нараджэння прафесара Л. І. Бурака, г. Мінск, 25 лютага 2020 г. / Беларус. дзярж. ун-т; Філал. фак.; рэдкал.: А. А. Радзевіч, М. І. Свістунова (адказ. рэд.) [і інш.]; пад рэд. М. Р. Прыгодзіча. — Мінск: РІВШ, 2020. — С. 69-76.