Уладзімер Бровікаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Уладзімер Ігнатавіч Бровікаў
Старшыня Савету Міністраў БССР
1983 — 1986
Папярэднік: Аляксандар Аксёнаў
Наступнік: Міхаіл Кавалёў
Амбасадар СССР у Польшчы
1986 — 1990
Папярэднік: Аляксандар Аксёнаў
Наступнік: Барыс Кашлеў
Асабістыя зьвесткі
Нарадзіўся: 12 траўня 1931
Сьцяг БССР, 1919 Ветка, Гомельская акруга, БССР
Памёр: 10 лютага 1992
Сьцяг Расеі Масква, Расея
Партыя: КПБ, КПСС
Адукацыя: БДУ, Акадэмія грамадзкіх навук пры ЦК КПСС
Узнагароды:
Ордэн Леніна
Ордэн «Знак Пашаны»
Ордэн «Знак Пашаны»

Уладзі́мер Ігна́тавіч Бро́вікаў (12 траўня 1931, Ветка, Гомельская акруга, БССР, цяпер Гомельская вобласьць, Беларусь — 10 лютага 1992, Масква, Расея) — беларускі й савецкі дзяржаўны й партыйны дзяяч, дыплямат. Сябар Камуністычнай партыі ад 1958. Кандыдат філязофскіх навук (1969).

Біяграфія[рэдагаваць | рэдагаваць крыніцу]

Сын службоўцы. У 1950—1955 студэнт факультэта журналістыкі Беларускага дзяржаўнага ўнівэрсытэту імя У. І. Леніна. З 1955—1959 загадчык аддзелу сельскай гаспадаркі раённай газэты «Ленинский призыв» Воршы. У 1959—1960 рэдактар раённай газэты «Клич Ильича» ў Суражы, у 1960—1962 і 1963 намесьнік рэдактара і рэдактар газэты «Ленинский призыв», у 1962—1963 газэты «Днепровская правда». З 1963 намесьнік сакратара парткаму Аршанскага вытворчага калгасна-саўгаснага кіраваньня. З 1965 другі сакратар Аршанскага райкаму партыі. У 1966—1969 слухач Акадэміі грамадзкіх навук пры ЦК КПСС. У 1969 абараніў дысэртацыю на тэму «Некаторыя тэарэтычныя праблемы палітычнай агітацыі». З 1969 рэдактар абласной газэты «Витебский рабочий». З 1970 сакратар Віцебскага абкаму партыі. З 1972 у апараце ЦК КПСС: інспэктар (1972), памагаты сакратара ЦК КПСС (1972—1973), з 1973 намесьнік загадчыка Аддзелу арганізацыйна-партыйнай працы. З траўня 1978 другі сакратар ЦК Кампартыі Беларусі. Зь ліпеня 1983 Старшыня Рады Міністраў Беларускай ССР. Зь сьнежня 1985 Надзвычайны і Паўнамоцны Амбасадар СССР у Польскай Народнай Рэспубліцы. З 1990 на пэнсіі. У 1979—1989 Дэпутат Вярхоўнай Рады СССР 10-11 скліканьняў. Сябар ЦК КПСС у 1981—1990. Узнагароджаны ордэнам Леніна, двума ордэнамі «Знак Пашаны». Пахаваны ў Маскве на Новадзявочых могілках.

Вонкавыя спасылкі[рэдагаваць | рэдагаваць крыніцу]