Тэніс на летніх Алімпійскіх гульнях 2020 году

Спаборніцтвы па тэнісе на летніх Алімпійскіх гульнях 2020 году ладзіліся з 24 ліпеня па 1 жніўня 2021 году ў Арэяке Калізэй. У турніры ўзялі ўдзел 191 спартовец і спартоўка ў пяці дысцыплінах, як то ў адзіночным і парным разрадах сярод мужчынаў і жанчынаў, а таксама ў зьмешаным парным разрадзе. Арганізацыйны камітэт гульняў абраў пакрыцьцё гард, што стала пятым разам, калі такое пакрыцьцё выкарыстоўвалася дзеля тэніснага турніру Алімпійскіх гульняў^[1].

Паводле фармату прадугледжваўся турнір з выбываньнем у адзіночным разрадзе сярод мужчынаў і жанчынаў, у якім удзельнічалі 64 гульцы і гульчыхі^[2]. У адзіночным разрадзе было шэсьць раўндаў, у парным — пяць раўндаў. У зьмешаным парным разрадзе былі згуляныя чатыры раўнды, у якім бралі ўдзел 16 чалавек. Ва ўсіх парных спаборніцтвах замест трэцяга сэту гуляўся тай-брэйк да першых дзесяці пунктаў^[3]^[4]^[5].

Узнагароды

Дысцыпліна	Золата	Срэбра	Бронза
Мужчыны	Аляксандар Зьвераў	Карэн Хачанаў	Паблё Карэньнё Буста
Жанчыны	Бэлінда Бэнчыч	Маркета Вондраўсава	Эліна Сьвітоліна
Мужчынскія пары	Харватыя Нікала Мэктыч Матэ Павіч	Харватыя Марын Чыліч Іван Додыг	Новая Зэляндыя Маркус Дэніел Майкл Вэнус
Жаночыя пары	Чэхія Барбара Крэйчыкава Катаржына Сінякова	Швайцарыя Бэлінда Бэнчыч Вікторыя Галубіч	Бразылія Лаўра Пігосі Луіза Стэфані
Мікст	Алімпійскія атлеты з Расеі Анастасія Паўлючэнкава Андрэй Рублёў	Алімпійскія атлеты з Расеі Алена Весьніна Аслан Карацаў	Аўстралія Эшлі Барці Джон Пірз