Тыма Маер
| Тыма Маер | ||
|---|---|---|
 | ||
| Рост | 184 см | |
| Вага | 95 кг | |
| Пазыцыя | нападнік | |
| Кідок/Ловы | левы[d] | |
| Грамадзянства | ||
| Дата нараджэньня | 8 кастрычніка 1996[1][2] (29 гадоў) | |
| Месца нараджэньня | ||
| Клюб | Нью-Джэрзі Дэвілз | |
| Выступаў за | ||
| Драфт НХЛ | 43, 2020 Флорыда Пантэрз | |
| Гульнявая кар’ера | 2019 — цяпер | |
Ты́ма Ма́ер (па-нямецку: Timo Meier; нар. 8 кастрычніка 1996 году) — швайцарскі хакеіст, нападнік клюбу «Нью-Джэрзі Дэвілз» з Нацыянальнай хакейнай лігі.
Кар’ера
[рэдагаваць | рэдагаваць код]У веку 15 гадоў ён пагадзіўся на прапанову вучнёўскага стажыраваньня ў клюбе «Рапэрсьвіль-Ёна Лэйкерз», дзе навучаўся ў Давіда Эбішэра і Джэйсана Спэццы. У 2015 годзе быў абраны на драфце НХЛ клюбам «Сан-Хасэ Шаркс». Не зважаючы на тое, што ён уразіў трэнэрскі штаб «Шаркс» падчас трэнавальнага кэмпу 2016 году, хвароба адклала дэбют Маера ў НХЛ. Гулец спачатку некаторы час бараніў колеры фарм-клюбу «Сан-Хасэ Баракуда». Дэбютаваў у НХЛ у сярэдзіне сьнежня 2016 году ў матчы супраць «Манрэаль Канадыенз»[3].
Па дэбюце швайцарац застаўся ў складзе галоўнай дружыны, дзе замацаваўся ў складзе. У матчы супраць «Лос-Анджэлес Кінгс» 3 студзеня 2017 году, які скончыўся паразай у овэртайме зь лікам 2:1, Маер выйшаў у першым зьвяне разам з Джо Торнтанам і Джо Павэлскі[4]. Пасьля свайго дэбютнага сэзону Маер стаў сталым гульцом асноўнага складу, згуляўшы ў сэзоне 2017—2018 гадоў ажно 81 матч. Нападніцкія здольнасьці Маера выявіліся напрыканцы сьнежня 2017 году, гэтак паміж 14 сьнежня і 2 студзеня ён закінуў пяць шайбаў у васьмі сустрэчах. Гулец моцна пачаў наступны сэзон, падтрымліваючы асабісты рэкордную сэрыю зь дзевяці матчаў з набранымі пунктамі, у якую таксама ўвайшла пяціматчавая галявая сэрыя з 9 да 30 кастрычніка. У выніку свайго прарыўнога сэзону хакеіст у міжсэзоньні падпісаў чатырохгадовае падаўжэньне кантракту, застаўшыся ў «Шаркс»[5]. Па сыходзе Павэлскі перад сэзонам 2019—2020 гадоў чакалася, што Маер заменіць яго ў першай брыгадзе большасьці і стане больш значнай фігурай у гульні ў меншасьці[6]. Пасьля пяці матчаў без набраных пунктаў Маер 28 сьнежня 2019 году аформіў свой першы хет-трык у НХЛ, чым дапамог клюбу ўзяць перамогу над «Філадэлфіяй Флаерз» зь лікам 6:1[7]. На пачатак студзеня 2022 году Маер ачольваў сьпіс з гульцоў «Шаркс» паводле колькасьці выніковых перадач і набраных пунктаў, а паводле голаў быў другім. Ужо хутка пасьля гэтага ён стаў першым гульцом у гісторыі франшызы, які закінуў пяць шайбаў у адным матчы, а матч скончыўся перамогай над «Лос-Анджэлес Кінгс» зь лікам 6:2[8].
26 лютага 2023 году Маер трапіў у «Нью-Джэрзі Дэвілз» у межах шматбаковага абмену[9]. Акрыяўшы ад траўмы, швайцарац дэбютаваў за новы клюб 5 сакавіка ў матчы супраць «Арызоны Каётыз»[10]. Па заканчэньні сэзону, будучы абмежаваным свабодным агентам, Маер 28 чэрвеня 2023 году падпісаў з «Дэвілз» васьмігадовы кантракт на 70,4 млн даляраў[11].
Крыніцы
[рэдагаваць | рэдагаваць код]- ↑ http://www.nhl.com/ice/player.htm?id=8478414
- ↑ https://www.iihf.com/en/events/2018/wm/teams/roster/1604/ — Міжнародная фэдэрацыя хакею на лёдзе.
- ↑ Sharks chase Carey Price, hold off Canadiens. National Hockey League (16.12.2016). Архіўная копія ад 02.03.2023 г.
- ↑ Tanner Pearson scores in OT, Kings defeat Sharks. National Hockey League (04.01.2017). Архіўная копія ад 07.01.2023 г.
- ↑ Sharks Re-Sign Forward Timo Meier. National Hockey League (01.07.2019). Архіўная копія ад 02.03.2023 г.
- ↑ Meier eyes bigger role as leader for Sharks. National Hockey League (30.09.2019). Архіўная копія ад 07.01.2023 г.
- ↑ Meier gets hat trick, Sharks top Flyers to end four-game slide. National Hockey League (29.12.2019). Архіўная копія ад 07.01.2023 г.
- ↑ Timo Meier sets all-time Sharks record with 5 goals. NBC Sports (17.01.2022). Архіўная копія ад 10.01.2023 г.
- ↑ Meier, Prospects, Pick Acquired by Devils in Trade with Sharks. NHL.com (26.02.2023). Архіўная копія ад 27.02.2023 г.
- ↑ Hischier nets OT winner in 5-4 win over Coyotes. ESPN (05.03.2023). Архіўная копія ад 05.03.2023 г.
- ↑ Meier Agrees to Terms 8-Year Deal with Devils. NHL.com (28.06.2023). Архіўная копія ад 28.06.2023 г.