Трон (фільм)

	Трон
	па-ангельску: Tron
Жанр	баявік, навукова-фантастычны фільм, прыгодніцкі фільм і кібэрпанк
Рэжысэр	Стывэн Лісбэргер[d][…];
Сцэнарыст	Стывэн Лісбэргер[d];
Прадусар	Donald Kushner[d];
У ролях	Джэф Брыджэс[…]; Брус Бакслайтнэр[d]; Дэйвід Ўорнэр[d]; Сындзі Морган[d]; Barnard Hughes[d]; Peter Jurasik[d]; Bob Neill[d]; Craig Chudy[d]; Dan Shor[d]; Jackson Bostwick[d]; Jerry Maren[d]; Michael Dudikoff[d]; Тэд Ўайт[d];
Кампазытар	Wendy Carlos[d];
Мантаж	Джэф Гурсан[d]
Вытворчасьць	The Walt Disney Company
Распаўсюд	Walt Disney Studios Motion Pictures[d], Netflix і Дыснэй+[d]
Дата выхаду	9 ліпеня 1982, 9 сьнежня 1982 і 1982
Працягласьць	96 хвіліна
Краіна	ЗША;
Мова	ангельская
Бюджэт	17 000 000 $
Прыбытак	33 000 000 $ і 50 000 000 $
	Старонка на IMDb
	Афіцыйны сайт

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Трон (неадназначнасьць).

«Трон» (па-ангельску: Tron)— амэрыканскі навукова-фантастычны кінафільм 1982 году, зьняты на студыі «Ўолта Дыснэя» рэжысэрам Стывэнам Лісбэргерам. Галоўныя вобразы выканалі Джэф Брыджэс, Дэйвід Ўорнэр, Брус Бакслайтнэр і Сындзі Морган. У 2010 годзе выйшаў сыквэл «Трон, або спадчына».

Зьмест

Кевін Флін (Джэф Брыджэс) — малады і адораны праграміст, які працуе на мегакарпарацыю ЭНКОМ. Хлопец стварае новыя кампутарныя гульні, аднак новы супрацоўнік Эд Дылінджэр нахабна прысвойвае аўтарства і атрымлівае належныя Кевіну ганарары і кар’ерны рост, а Фліна звальняюць. Тады Флін вырашае знайсьці адзін файл, які дакажа, што Дылінджэр абрабаваў яго.

У адзін цудоўны дзень Дылінджэр пазбаўляе ўсіх праграмістаў зь сёмым узроўнем аўтарызацыі (у тым ліку і Кевіна) доступу да праграмы «Пан нагляду» — штучнага інтэлекта, які правіць сеткай кампутараў карпарацыі. Два супрацоўнікі вырашаюць узламаць сыстэму, і ў гэтым ім дапамагае Кевін Флін. Тут адбываецца неверагоднае: Флін аказваецца «алічбаваным» і трапляе ўнутр кампутара, што было падстроена праграмаю «Пан нагляду». Там яго чакае зусім іншы сьвет. Аказваецца, кампутарныя праграмы жывуць у таталітарным грамадзтве, а «Пан нагляду» — жорсткі кіраўнік. Звычайныя праграмы ўтрымліваюцца ў своеасаблівых «канцлягерах» і часта ўдзельнічаюць у жорсткіх баях. У гэтым сьвеце свая вера — праграмы вераць у тое, што ў іх ёсьць вышэйшыя істоты-заступнікі, нейкія «карыстальнікі». Калі Флін трапляе ў віртуальны сьвет, няшчасныя праграмы прымаюць яго за свайго Збавіцеля. Герой павінен прайсьці сэрыю баёў і знайсьці супэрпраграму Трон, з дапамогай якой можна перамагчы злога дыктатара.

Стварэньне

Спэцэфэкты

«Трон» — першы ў гісторыі кінэматографа фільм, у якім шырока выкарыстоўвалася кампутарная графіка. У асноўным кампутар выкарыстоўваўся для стварэньня фонавых элемэнтаў і матацыклаў, а таксама многіх іншых спэцэфэктаў. У фільме зьмяшчаецца каля 20 хвілін чыстай графікі, дзе жывыя героі сумешчаныя з намаляванымі. Аднак некаторыя спэцэфэкты ўсё ж ствараліся па-старому — мэтадам ротаскапіяваньня і ручной размалёўкі кожнага кадра (дзеяньне «ўнутры кампутара» здымалася на чорна-белую стужку). Акрамя таго, упершыню ў гісторыі кінэматографа ў мастацкім фільме была прадэманстраваная кампутарная анімацыя асобы, хоць і ў значнай ступені спрошчаная.

Глядзіце таксама

Трон, або спадчына

Крыніцы

[_94e896e544c80783-1] а ^б ^в http://www.imdb.com/title/tt0084827/

[_ad39572eecdb9813-2] а ^б ^в ^г ^д ^е ^ё http://www.allocine.fr/film/fichefilm_gen_cfilm=3996.html

[_8d0224932f77ae73-3] а ^б http://www.filmaffinity.com/en/film488334.html

[_919059c5f49ac195-4] а ^б ^в ^г http://stopklatka.pl/film/tron

[_65a767f4308e4d7b-5] а ^б ^в ^г ^д ^е ^ё ^ж ^з ^і ^к ^л ^м http://www.imdb.com/title/tt0084827/fullcredits

[_7ae9673b645d2cbb-6] ttps://www.zweitausendeins.de/filmlexikon/?sucheNach=titel&wert=37798

[_7183a838ebd916cf-7] Box Office Mojo (анг.) — 1999.

[1]

[2]

[3]

[4]

[5]

[6]

[7]