Сяргей Калякін (палітык)

Сяргей Калякін
	Сяргей Калякін
дэпутат Вярхоўнага Савету Рэспублікі Беларусі[d]
	9 студзеня 1996 — 9 студзеня 2001
спэцыяльны госьць Парлямэнцкай асамблеі Рады Эўропы[d]
	22 красавіка 1996 — 27 студзеня 1997
Старшыня Беларускай партыі левых «Справядлівы сьвет»
	1994 — 29 верасьня 2023
Папярэднік	партыя створаная
Наступнік	партыя забароненая
Асабістыя зьвесткі
Нарадзіўся	16 чэрвеня 1952; Менск, БССР, СССР;
Памёр	15 жніўня 2024 (72 гады)
Партыя	Беларуская партыя аб’яднаных левых «Справядлівы сьвет»; Камуністычная партыя Савецкага Саюзу;
Адукацыя	Беларускі дзяржаўны ўнівэрсытэт інфарматыкі і радыёэлектронікі (1977); БДУ (1992);
Узнагароды

Сяргей Івановіч Калякін (16 чэрвеня 1952, Менск — 15 жніўня 2024, Менск) — беларускі апазыцыйны палітык, лідэр Беларускай партыі левых «Справядлівы сьвет» з 1994 па 29 верасьня 2023 году^[1] (да 2009 году — Партыя камуністаў беларуская).

Пляменьнік Мікалая Дземянцея, Старшыні Вярхоўнага Савета БССР.

Біяграфія

У 1977 годзе скончыў Менскі радыётэхнічны інстытут, атрымаўшы кваліфікацыю радыёінжынера.

Быў сябрам КПСС з 1977 году.

У 1992 годзе атрымаў дыплём палітоляга ў Беларускім дзяржаўным унівэрсытэце.

Пасьля заканчэньня інстытуту працаваў тэхнікам трэста «Аргтэхбуд» Мінпрамбуда БССР, наладчыкам электроннага абсталяваньня ў вытворча-тэхнічным аб’яднаньні «Інтэграл», загадчыкам сектара, намесьнікам камандзіра ў Рэспубліканскім штабе студэнцкіх будаўнічых атрадаў ЦК ЛКСМБ.

У 1983 годзе перайшоў на партыйную і савецкую работу: інструктар арганізацыйных аддзелаў Партызанскага райкама і менскага гаркама КПБ, сакратар парткама трэста Белсувязьбуд, намесьнік старшыні Савецкага райвыканкама Менска, другі, а потым і першы сакратар Савецкага райкама КПБ Менска.

У 1991 годзе стаў членам Камуністычнай партыі Беларусі. З 1991 году быў сакратаром, а з 1994 году — першым сакратаром ЦК ПКБ. З траўня 2007 году быў сустаршынём Палітрады аб’яднаных дэмакратычных сіл.

Памёр раніцай 15 жніўня 2024 году ў Менску пасьля цяжкай, працяглай хваробы ва ўзросьце 72 гадоў^[2]^[3].

Сям’я: быў жанаты, меў дваіх дзяцей.

Палітычная дзейнасьць

Сяргей Калякін быў дэпутатам Вярхоўнага Савету Рэспублікі Беларусь 13-га скліканьня (1996 год), сябрам Прэзыдыюма і кіраўніком фракцыі камуністаў, беспасьпяхова спрабаваў удзельнічаць у выбарах прэзідэнта 2001 і сабраў каля 100 тысяч подпісаў, такім чынам ён ня змог стаць кандыдатам. І адным з патэнцыйных кандыдатаў на пасаду прэзыдэнта Рэспублікі Беларусь у 2006 годзе (пасля паражэння на праймерыз стаў кіраўніком выбарчага штаба Аляксандра Мілінкевіча).

У 2009 годзе абраны старшынёй Беларускай партыі левых «Справядлівы сьвет».

У 2015 годзе створана ініцыятыўная група для ўдзелу Калякіна ў прэзыдэнцкіх выбарах у Беларусі ў 1510 чалавек, але здолела сабраць 69 950 подпісаў са 100 тысяч неабходных, рэйтынг Калякіна ў 2015 годзе складаў ад 1,6 да 3,1 %.

Палітычныя пазыцыі

Калякін падтрымліваў расейскую акупацыю Крыма, заяўляючы, што Расія абараняла людзей, якіх яна лічыць сваімі патэнцыйнымі грамадзянамі^[4].

Крыніцы

↑ Вярхоўны суд ліквідаваў апошнюю апазіцыйную партыю (бел.). Наша Ніва (30 верасьня 2023). Праверана 16 жніўня 2024-08-16 г.
↑ Умер политик Сергей Калякин (рас.). Медиа-Полесье (15 жніўня 2024). Праверана 15 жніўня 2024-08-15 г.
↑ Умер оппозиционный политик Сергей Калякин (рас.) Sputnik Беларусь Праверана 2024-08-16 г.
↑ «Камуніст, які выступае за буржуазную рэвалюцыю». Пяць фактаў пра Сяргея Калякіна, які стварае «партыю марксісцкіх поглядаў». Наша Ніва (11 сьнежня 2023). Праверана 15 жніўня 2024 г.

Вонкавыя спасылкі

Калякін Сяргей // Кто есть кто в Беларуси. — М.: Книжный дом «Университет», 1999. — ISBN 5-8013-0068-6
Біяграфія да 2007 г.

[1] Вярхоўны суд ліквідаваў апошнюю апазіцыйную партыю (бел.). Наша Ніва (30 верасьня 2023). Праверана 16 жніўня 2024-08-16 г.

[2] Умер политик Сергей Калякин (рас.). Медиа-Полесье (15 жніўня 2024). Праверана 15 жніўня 2024-08-15 г.

[3] Умер оппозиционный политик Сергей Калякин (рас.) Sputnik Беларусь Праверана 2024-08-16 г.

[4] «Камуніст, які выступае за буржуазную рэвалюцыю». Пяць фактаў пра Сяргея Калякіна, які стварае «партыю марксісцкіх поглядаў». Наша Ніва (11 сьнежня 2023). Праверана 15 жніўня 2024 г.

[1]

[2]

[3]

[4]