Сяргей Кавальчык

Сяргей Кавальчык
	Сяргей Кавальчык
Дата нараджэньня	25 верасьня 1969 (56 гадоў)
Месца нараджэньня	Баранавічы, Берасьцейская вобласьць, БССР, СССР;
Месца вучобы	Беларуская дзяржаўная акадэмія мастацтваў (1991); Беларуская акадэмія мастацтваў (1996); Акадэмія кіраваньня пры прэзыдэнце Рэспублікі Беларусь (2009);
Занятак	тэатральны рэжысэр, настаўнік
Узнагароды	Ганаровая грамата Міністэрства культуры Беларусі[d] (2007)

Сярге́й Міха́йлавіч Кава́льчык (нар. 25 верасьня 1969, Баранавічы Берасьцейскай вобласьці БССР) — беларускі тэатральны рэжысэр, пэдагог. Заслужаны дзяяч мастацтваў Беларусі (2017).

Жыцьцяпіс

Бацька — тэатральны рэжысэр Міхаіл Кавальчык, маці — акторка Эмілія (Марозава). У 1978 року сям’я пераехала ў Менск.

Сяргей скончыў дзіцячую музычную школу №5 г. Менску па клясе акардэону, трапіў у тэатральную студыю. У 1986 року паступіў у Беларускі дзяржаўны тэатральна-мастацкі інстытут на спэцыяльнасьць «актор драматычнага тэатру і кіно». Пасьля другога курсу год адслужыў у войску; вярнуўшыся ў інстытут, скончыў яго па курсе Андрэя Андросіка(d) (1991).

У 1996 скончыў Беларускую дзяржаўную акадэмію мастацтваў па спэцыяльнасьці «рэжысура драмы» (курс Лідзіі Манаковай(d)). У 2009 скончыў Акадэмію кіраваньня пры прэзыдэнце Рэспублікі Беларусі па спэцыяльнасьці «дзяржаўнае кіраваньне і эканоміка».

У 1992 пачаў працаваць акторам у Рэспубліканскім тэатры юнага гледача ў Менску. Рэжысэрскі дэбют адбыўся на сцэне Гомельскага абласнога драматычнага тэатру. З 1997 — рэжысэр-пастаноўшчык Дзяржаўнага моладзевага тэатру. З 2000 — рэжысэр-пастаноўшчык Рэспубліканскага тэатру беларускай драматургіі. З 2008 — галоўны рэжысэр, з 2013 — мастацкі кіраўнік Нацыянальнага акадэмічнага драматычнага тэатру імя Горкага. З 2014 — мастацкі кіраўнік рэжысэрскага курсу Беларускай дзяржаўнай акадэміі мастацтваў.

Сябра экспэртнай рады па падтрымцы таленавітай моладзі Спэцыяльнага фонду прэзыдэнта Рэспублікі Беларусі. Сябра праўленьня Асацыяцыі расейскіх тэатраў замежжа.

Творчасьць

Аўтар дакумэнтальных фільмаў «Тэрыторыя па-за свабодай» (1997), «Наркаманія» (1999), «Le Sonet» (2000), «Тыя, што даюць сьвятло і цяпло» (2001) ды інш.

Прэміі і ўзнагароды

На конкурсе творчай моладзі ў Горадні (1999) прызнаны найлепшым маладым рэжысэрам Беларусі.

Бронзавы дыплём IV Міжнароднага тэатральнага форуму «Залаты віцязь» (Масква, 2006) і Гран-пры фэстывалю «Галасы гісторыі» (Волагда, 2007) за спэктакль «Шлях у Царград» паводле п’есы сэрбскага драматурга З. Костыча.

Ганаровая грамата Міністэрства культуры Рэспублікі Беларусі (2007), мэдаль Францішка Скарыны (2011), юбілейны мэдаль «70 гадоў перамогі ў Вялікай Айчыннай вайне 1941—1945 гг.» (2015).

Заслужаны дзяяч мастацтваў Рэспублікі Беларусі (24 жніўня 2017).

Крыніцы

1 2 25 верасьня 2019 г. — 50 гадоў з дня нараджэньня Сяргей Міхайлавіча Кавальчыка (1969), рэжысэра, пэдагога, заслужанага дзеяча мастацтваў Беларусі (2017) // Берасьцейская абласная бібліятэка імя Максіма Горкага — 2019.

Вонкавыя спасылкі

Жыцьцяпіс (рас.) на бачыне Нацыянальнага акадэмічнага драматычнага тэатру імя Горкага

[_8c934b1e4633f15d-1] 1 2 25 верасьня 2019 г. — 50 гадоў з дня нараджэньня Сяргей Міхайлавіча Кавальчыка (1969), рэжысэра, пэдагога, заслужанага дзеяча мастацтваў Беларусі (2017) // Берасьцейская абласная бібліятэка імя Максіма Горкага — 2019.

[1]